Farmer Agricultural News agriculture department gives fertilizers at farm Aurangabad Maharashtra | Agrowon

जालन्यात पाच हजार टन खते एकाच दिवशी मिळणार बांधावर

टीम अॅग्रोवन
बुधवार, 3 जून 2020

जालना  : जिल्ह्यात एकाच दिवशी पाच हजार मेट्रिक टन रासायनिक खते शेतकऱ्यांच्या बांधावर पोहोचवण्याचा उपक्रम उद्या (ता. ४) राबविण्यात येणार असल्याची माहिती जिल्हा अधीक्षक कृषी अधिकारी बाळासाहेब शिंदे यांनी दिली.

जालना  : जिल्ह्यात एकाच दिवशी पाच हजार मेट्रिक टन रासायनिक खते शेतकऱ्यांच्या बांधावर पोहोचवण्याचा उपक्रम उद्या (ता. ४) राबविण्यात येणार असल्याची माहिती जिल्हा अधीक्षक कृषी अधिकारी बाळासाहेब शिंदे यांनी दिली.

श्री शिंदे म्हणाले, कृषी आयुक्तालयाच्या परिपत्रकानुसार ‘कोरोना’चा धोका टाळण्यासाठी शेतकरी गटांमार्फत गटातील शेतकऱ्यांना शेताच्या बांधावर रासायनिक खते व बियाणे उपलब्ध करून देण्याच्या सूचना देण्यात आल्या आहेत. त्यानुसार ३० मेपर्यंत जिल्ह्यात ६३०७.२८ टन रासायनिक खते शेतकऱ्यांच्या बांधावर पोहोचविण्यात आले आहे. हा उपक्रम अधिक गतिमान करण्यासाठी कृषी पर्यवेक्षक, कृषी सहायक, तालुका तंत्रज्ञान व्यवस्थापक व सहायक तंत्रज्ञान व्यवस्थापक यांनी गावातील शेतकरी गट शेतकरी उत्पादक कंपन्या व कृषी मित्र, कृषी ताई यांच्या मदतीने जिल्ह्यातील विविध गावांत एकाच दिवशी पाच हजार टन रासायनिक खते शेतकऱ्यांना बांधावर पोहोच करण्याचा उपक्रम हाती घेण्याचे नियोजन केले आहे.

येत्या गुरुवारी (ता.४) जिल्ह्यात हा उपक्रम राबविला जाणार आहे. या उपक्रमांतर्गत शेतकऱ्यांना बांधावर रासायनिक खत वाटपासाठी प्रति गाव पाच ते दहा टन खतपुरवठ्याचे नियोजन करण्याचे यंत्रणेला सूचित करण्यात आले आहे. शेतकऱ्यांना रासायनिक खताची मागणी नोंदविण्यासाठी ऑनलाइन लिंक उपलब्ध करून दिली जात आहे. त्या लिंकच्या आधारे शेतकऱ्यांना आपली खतांची मागणी नोंदविता येणार आहे. युरिया खताची २२५० टनाची रॅक या मोहिमेसाठी राखून ठेवण्यात आली आहे.

या उपक्रमा अंतर्गत उपविभागीय कृषी अधिकारी, तालुका कृषी अधिकारी, व मंडळ कृषी अधिकारी यांनी त्यांच्या कार्यक्षेत्रातील एका ठिकाणी रासायनिक खते वाटप करण्यासाठी उपस्थित राहणे अनिवार्य करण्यात आले आहे. जे अधिकारी सदर प्रात्यक्षिकास हजर राहणार नाही, त्यांच्यावर प्रशासकीय कारवाई करण्यात येणार आहे. ‘कोरोना’चा संसर्ग टाळण्यासाठी आवश्यक अंतर, मास्क व सॅनिटायझरचा वापर आवश्यक असणार असल्याची माहिती श्री. शिंदे यांनी दिली.

उत्कृष्ट काम करणाऱ्यांना मिळणार बक्षीस
एकाच दिवशी पाच हजार मेट्रिक टन रासायनिक खते शेतकऱ्यांना थेट बांधावर पोहोच करण्याच्या उपक्रमात उत्कृष्ट काम करणारे कृषी सहायक, कृषी पर्यवेक्षक, तालुका तंत्रज्ञान व्यवस्थापक, सहायक तंत्रज्ञान व्यवस्थापक, शेतकरी गट, शेतकरी उत्पादक कंपनी आदींना बक्षिसेही दिली जाणार आहे. जे सर्वाधिक रासायनिक खते शेतकऱ्यांना बांधावर वाटप करतील त्यांना प्रथम क्रमांकाचे पाच हजार रुपयांची, व्दितीय क्रमांकासाठी तीन हजार रुपयांचे व तृतीय क्रमांकासाठी दोन हजार रुपयांचे बक्षीस दिले जाणार आहे. या तीन बक्षिसांव्यतिरिक्त प्रत्येकी एक हजार रुपयांची दोन प्रोत्साहनपर बक्षीसेही दिली जाणार असल्याची माहिती बाळासाहेब शिंदे यांनी दिली.


इतर बातम्या
औरंगाबादमध्ये निम्म्याच शेतकऱ्यांची मका...औरंगाबाद  : जिल्ह्यात आधारभूत किमतीने भरड...
वऱ्हाडातील शेतकऱ्यांचा सोयाबीनकडे अधिक...अकोला ः खरिपातील पेरण्या अंतिम टप्प्यात पोचल्या...
औरंगाबाद जिल्ह्यात आठवड्यात १५१ खत कृषी...औरंगाबाद : ‘‘कृषी विभाग व जिल्हा परिषद...
नांदेड, परभणी, हिंगोलीतील १२४ मंडळांत...नांदेड  ः नांदेड, परभणी, हिंगोली जिल्ह्यातील...
दुभत्या जनावरांच्या किमतीतही चाळीस...नगर ः दुधाचे दर कमी-जास्ती झाले की दुभत्या...
‘कृषी अधिकारीच म्हणतात, खतांसंदर्भात...पुणे ः शेतकऱ्यांना खतांची टंचाई भासत आहे. कृषी...
सिंधुदुर्गात मुसळधार सुरूच, पुरस्थिती...सिंधुदुर्ग  ः जिल्ह्यात मुसळधार पाऊस सुरूच...
कोल्हापुरातील छोटे प्रकल्प भरू लागलेकोल्हापूर :  जिल्ह्याच्या पश्चिम भागात पाऊस...
हमाल, मापाडी तोलणारांचे प्रश्‍न सोडवा ः...पुणे ः राज्यातील अनेक भागांत हमाल तोलाईदारांना...
रत्नागिरीत नऊ हजार हेक्टरवर फळबाग...रत्नागिरी  ः कोरोनाच्या सावटातही जिल्ह्यात...
फळपीक विमा योजना शेतकऱ्यांसाठी की कंपन्...नगर : नवीन निकषांप्रमाणे फळपीक विमा योजनेचा लाभ...
‘सारथी’ बंद होणार नाही, आठ कोटींचा निधी...मुंबई : राज्य सरकारने मराठी तरुणांच्या व्यावसायिक...
खते, बी- बियाणे विक्रेत्यांची दुकाने...कोल्हापूर : निकृष्ट बियाणे प्रकरणी बियाणे...
हिंगोली जिल्ह्यात आतापर्यंत ७१.२० टक्के...हिंगोली : जिल्ह्यात यंदाच्या खरीप हंगामात बुधवार...
वऱ्हाडातील अडीच हजारांवर कृषी...अकोला ः कृषी विक्रेत्यांच्या विविध मागण्यांसाठी...
कृषी योजनांचे उद्दिष्ट तीन...नगर ः कृषी विभागातून शेतकऱ्यांसाठी देण्यात...
सोलापूर जिल्ह्याच्या वाट्याला ५६७ कोटी...सोलापूर : महात्मा जोतिराव फुले शेतकरी कर्जमुक्ती...
पीकपद्धतीमधील बदल अधिक लाभदायक ः...अकोला ः रासायनिक खतांचा अवाजवी वापर, मशागतीच्या...
सोलापुरात निकृष्ट सोयाबीन...सोलापूर  ः जिल्ह्यात निकृष्ठ सोयाबीनबाबत...
सोयाबीनची पेरणी खानदेशात वाढलीजळगाव  ः खानदेशात तेलबियांमध्ये सोयाबीनचे...