शेतकऱ्यांनो, खते, बियाण्यांची बिल पावती घ्या ः कृषी विभाग

पुणे ः खरीप हंगामासाठी खते, बियाणे, किटकनाशके खरेदी केल्यानंतर शेतकऱ्यांनी संबंधित दुकानदाराकडून संपूर्ण विवरणासह बिल पावती घ्यावी, असे आवाहन कृषी विभागाने केले आहे.
संग्रहित छायाचित्र
संग्रहित छायाचित्र

पुणे  ः खरीप हंगामासाठी खते, बियाणे, किटकनाशके खरेदी केल्यानंतर शेतकऱ्यांनी संबंधित दुकानदाराकडून संपूर्ण विवरणासह बिल पावती घ्यावी, असे आवाहन कृषी विभागाने केले आहे.

सध्या ‘कोरोना’च्या पार्श्वभूमीवर लॉकडाउन असल्याने काही कृषी सेवा केंद्रे अधिक दराने निविष्ठा विक्री करत असल्याच्या तक्रारी कृषी विभागाकडे दाखल होत आहेत. त्यामुळे कृषी विभागाकडून शेतकऱ्यांना बिल पावती घेण्याचे आवाहन केले जात आहे. खते, बियाणे, किटकनाशके, मशागत आदिसाठी शेतकऱ्यांना आर्थिक गुंतवणूक करावी लागते. त्यामुळे गुणवत्ता व चांगल्या दर्जाची हमी देणाऱ्या अधिकृत कृषी निविष्ठा विक्रेत्याकडूनच निविष्ठा खरेदी करावी. शेतकऱ्यांनी भेसळीची शंका दूर करण्यासाठी सीलबंद, वेष्ठनातील, लेबल असलेले बियाणे खरेदी करावे, वैध मुदतीची खात्री करावी, पिशवीवर नमूद एमआरपी दरापेक्षा जास्त दराने खरेदी करू नये.

खरेदी केलेल्या बियाण्याचे पीक, वाण, लॉट नंबर, वजन, बियाणे ज्या कंपनीचे आहे. ते नाव, किमान किंमत, खरेदीदाराचे संपूर्ण नाव, पत्ता, विक्रेत्याचे नाव व सही असलेली रोख अथवा उधारीची पावती घ्यावी. ही पावती तसेच वेष्टन बॅग, त्यावरील लेबल व त्यातील थोडे बियाणे या गोष्टी पिकांची कापणी होईपर्यत जपून ठेवाव्यात असे आवाहन जिल्हा अधिक्षक कृषी अधिकारी बाळासाहेब पलघडमल यांनी केले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com