शेती नियोजनातून साधावा आर्थिक प्रगतीचा मार्ग : कृषिमंत्री दादा भुसे

प्रयोगशील शेती ही काळाची गरज असून, शेतीत नावीन्यपूर्ण प्रयोग करणाऱ्या राज्यातील शेतकऱ्यांची रिसोर्स बँक शासन तयार करणार आहे. - दादा भुसे, कृषिमंत्री.
बळवंत डढमल यांच्या शेतातील भाजीपाला पिकाची माहिती घेताना कृषिमंत्री दादा भुसे.
बळवंत डढमल यांच्या शेतातील भाजीपाला पिकाची माहिती घेताना कृषिमंत्री दादा भुसे.

नागपूर  : शेतकऱ्यांनी पारंपरिक शेतीसोबतच आधुनिक पद्धतीने शेती करण्यावर लक्ष केंद्रित करणे गरजेचे असून, मूल्यवर्धित पीकपद्धती आणि गुणवत्ता, दर्जा राखून आर्थिक प्रगती साधता येईल, असे मत कृषिमंत्री दादा भुसे यांनी व्यक्त केले. 

मांडवा (ता. हिंगणा) येथे आयोजित कृषी संजीवनी सप्ताहाच्या उद्घाटनप्रसंगी ते बोलत होते. मांडवा येथील प्रगतशील शेतकरी बळवंतराव डढमल यांच्या शेतात हा कार्यक्रम आयोजित करण्यात आला. जिल्हा परिषदेचे कृषी सभापती टिपेश्वर वैद्य, सभापती उज्वला बोढारे, जिल्हा परिषद सदस्य दिलीप बंग, कृषी सहसंचालक रवींद्र भोसले, जिल्हा अधीक्षक कृषी अधिकारी मिलिंद शेंडे, कृषी विकास अधिकारी प्रवीण देशमुख यावेळी उपस्थित होते.

या वेळी श्री. भुसे यांनी शेतकऱ्यांच्या बांधावर जाऊन शेतशिवाराची पाहणी केली; तसेच शेतकऱ्यांशी संवाद साधला.  शेतकऱ्यांनी शेतीचा आराखडा करण्यासोबतच व्यापारी दृष्टिकोन ठेवणे आवश्यक आहे. राज्यातील एकही शेतकरी खते व बियाण्यांपासून वंचित राहणार नाही, अशी ग्वाही श्री. भुसे या वेळी दिली.

अनेक ठिकाणी सोयाबीन बियाणे उगवले नसल्याच्या तक्रारी प्राप्त झाल्या आहेत. परभणी येथील वसंतराव नाईक मराठवाडा कृषी विद्यापीठ व कृषी विभागाच्या अधिकाऱ्यांची समिती गठीत करण्यात आली असून, या समितीचा अहवाल प्राप्त होताच, दोषी असणाऱ्या बियाणे कंपन्यांवर कारवाई करण्यात येणार आहे. या समितीने सोयाबीनचे आतापर्यंत पन्नास हजार नमुने तपासले आहेत. हा अहवाल शासनास लवकरच सादर होणार असल्याचे त्यांनी सांगितले.    

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com