सांगली जिल्ह्यात पीककर्ज वाटपाची गती वाढेना

सांगली  : खरीप हंगामाच्या पार्श्वभूमीवर जिल्ह्यातील शेतकऱ्यांना पीककर्ज वाटप करण्याची गती वाढलेली दिसत नाही. शनिवारअखेर (ता.६) ४६१ कोटी ९० लाखांचे म्हणजे ३० टक्के पीककर्ज वाटप करण्यात आले. कर्ज वाटपास गती कधी येणार असा प्रश्न शेतकरी उपस्थित करत आहेत. कर्ज नवे-जुने झाले नसल्याने खरीप पेरणी सुरु होऊन देखील नव्याने पीक कर्ज मिळत नसल्याने शेतकरी हवालदिल झाले आहे.

जिल्ह्यासाठी खरीप हंगामात १ हजार ५५८ कोटींचे पीककर्ज वाटपाचे उद्दिष्ट आहे. गेल्या दोन महिन्यांपासून कर्ज वाटपास प्रारंभ झाला आहे. सुरवातीपासूनच कर्ज वाटपास गती नसल्याने शेतकऱ्यांना पीककर्ज मिळण्यास अडचणी येत आहेत. बॅंकांनी कर्ज वाटपास प्राधान्य द्यावे, अशा सूचना जिल्हाधिकाऱ्यांनी दिल्या आहेत. ज्या बँका वेळेत कर्ज पुरवठा करणार नाहीत, त्यांच्यावर कडक कारवाई करणार असल्याचे सांगितले होते. मात्र, तरी देखील बँकाकडून कर्ज वाटपास विलंब होत असल्याचे दिसते आहे.

वास्तविक पाहता मे महिन्याच्या पहिल्या आठवड्यात १७ टक्के कर्ज वाटप झाले होते. त्यानंतर दुसऱ्या आठवड्यात २४ टक्के कर्ज वितरित करण्यात आले. दरम्यान कर्ज वाटपाची गती कमीच आहे. २८ मे अखेर २८ टक्के कर्ज वाटप झाले होते. जिल्हा बँकेकडून ३२० कोटी २८ लाख तर इतर बँकेकडून १४१ कोटी ५२ लाख असे एकूण ४६१ कोटी ९० लाखांचे म्हणजे ३० टक्के कर्जवाटप झाले आहे. पंधरा दिवसांत कर्ज वाटपाचा आकडा चार टक्क्यांनी वाढला आहे.    अशी आहे पीककर्ज वाटप स्थिती

पीक कर्ज वाटपाची गती संथ असण्याची कारणे