‘अवकाळी’मुळे झालेल्या पीक नुकसानीचे पंचनामे तातडीने करा ः विखे पाटील

नगर : नगर जिल्ह्यात अवकाळी पावसाने नुकसान झालेल्या शेतीपिकांचे तातडीने पंचनामे करून शेतकऱ्यांना मदतीबाबतचे प्रस्ताव तयार करण्याचे निर्देश महसूल व कृषी विभागाला द्यावेत, अशी मागणी माजी मंत्री, आमदार राधाकृष्ण विखे पाटील यांनी राज्याच्या मुख्य सचिवांकडे केली आहे.
आमदार राधाकृष्ण विखे पाटील
आमदार राधाकृष्ण विखे पाटील

नगर : नगर जिल्ह्यात अवकाळी पावसाने नुकसान झालेल्या शेतीपिकांचे तातडीने पंचनामे करून शेतकऱ्यांना मदतीबाबतचे प्रस्ताव तयार करण्याचे निर्देश महसूल व कृषी विभागाला द्यावेत, अशी मागणी माजी मंत्री, आमदार राधाकृष्ण विखे पाटील यांनी राज्याच्या मुख्य सचिवांकडे केली आहे.

नगर जिल्ह्यात अवकाळी पावसाने झालेल्या नुकसानीचे गांभीर्य आमदार विखे पाटील यांनी मुख्य सचिव, विभागीय आयुक्त आणि जिल्हाधिकाऱ्यांना आकडेवारीसह निदर्शनास आणून दिले आहे. राहाता तालुक्‍यात मागील काही दिवसांत झालेल्या अवकाळी पावसाने ३ हजार ३७४ हेक्‍टर क्षेत्रावरील शेतीपिकांचे नुकसान झाले आहे. वादळी वाऱ्यासह झालेल्या पावसामुळे ११२५ हेक्‍टर क्षेत्रावरील गव्हाचे, ३४७ हेक्‍टरवरील हरभऱ्याचे, ३७५ हेक्‍टरवरील कांद्याचे, ४२ हेक्‍टरवरील मक्याचे, २२५ हेक्‍टरील द्राक्षांचे आणि ११२५ हेक्‍टरवरील डाळिंबाचे नुकसान झाल्याकडे विखे पाटील यांनी लक्ष वेधले आहे.

सद्यःस्थितीत ‘कोरोना’च्या जागतिक संकटाशी सामना करताना शेतकऱ्यांना मोठा त्रास सहन करावा लागत आहे. उत्पादित शेतीमाल बाजारात विक्रीसाठी आणणे मुश्‍कील झाले असून, कवडीमोलाने तो विकण्याची वेळ आली आहे. त्यातच आता या अवकाळी पावसाने शेतकरी दुहेरी संकटात सापडला आहे, असे विखे पाटील यांनी म्हटले आहे.

या पिकांच्या नुकसानीचे पंचनामे करण्याची गरज असून पंचनामे लवकर पूर्ण झाल्यास शेतकऱ्यांना शासनाकडून मिळणाऱ्या मदतीचा मार्ग मोकळा होणार असल्याने महसूल आणि कृषी विभागाने समन्वयाने पंचनामे पूर्ण करण्याचे निर्देश द्यावेत, अशी मागणी विखे पाटील यांनी केली आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com