Farmer Agricultural News Extension of Shiv bhojan scheme on the Taluka level Mumbai Maharashtra | Agrowon

शिवभोजन योजनेचा तालुकास्तरावर विस्तार

टीम अॅग्रोवन
बुधवार, 8 एप्रिल 2020

मुंबई  : शिवभोजन योजनेचा तालुकास्तरावर विस्तार करून पुढील तीन महिने ५ रुपये दराने शिवभोजन थाळी देण्याचा निर्णय मंगळवारी (ता.७) मंत्रिमंडळ बैठकीत घेण्यात आला. 

मुंबई  : शिवभोजन योजनेचा तालुकास्तरावर विस्तार करून पुढील तीन महिने ५ रुपये दराने शिवभोजन थाळी देण्याचा निर्णय मंगळवारी (ता.७) मंत्रिमंडळ बैठकीत घेण्यात आला. 

‘कोरोना’च्या प्रादुर्भावामुळे मजूर, स्थलांतरित, बेघर, बाहेरगावचे विद्यार्थ्यांचे जेवणाअभावी हाल होऊ नयेत यासाठी हा निर्णय घेण्यात आला. सध्या जिल्हा मुख्यालयी शिवभोजन केंद्रे चालविली जातात. आता ती तालुकास्तरावर सुरु होतील. पुढील तीन महिन्यासाठी शिवभोजनाच्या प्रती थाळीचा दर ५ रुपये इतका करण्यात आला आहे. शिवभोजन थाळीचा शहरी भागात ५० रुपये तर ग्रामीण भागात ३५ रुपये प्रतिथाळी असा दर आहे. प्रत्येक ग्राहकाकडून मिळालेल्या ५ रुपये रकमेव्यतिरिक्त उर्वरित रक्कम शहरी भागात प्रतिथाळी ४५ रुपये आणि ग्रामीण भागात प्रतिथाळी ३० रुपये असे अनुदान संबंधित केंद्र चालकाला देण्यात येईल.

ही भोजनालये सकाळी ११ ते दुपारी ३ या काळात सुरु राहतील. या केंद्र चालकांना देखील ‘कोरोना’च्या पार्श्वभूमीवर स्वच्छता ठेवणे, निर्जंतुकीकरण करून घेणे, कर्मचाऱ्यांनी वारंवार साबणाने हात धुणे तसेच मास्कचा वापर करणे अनिवार्य करण्यात आले आहे. 

मंत्रिपरिषदेची बैठक व्हिडिओ कॉन्फरन्सद्वारे
कोरोना विषाणूच्या प्रादुर्भावाच्या पार्श्वभूमीवर मंत्रिपरिषदेची बैठक व्हिडिओ कॉन्फरसिंगद्वारे घेण्यात आली. वर्षा या शासकीय निवासस्थानाहून या कॉन्फरन्समध्ये मुख्यमंत्री उद्धव ठाकरे, मंत्री बाळासाहेब थोरात, छगन भुजबळ, जयंत पाटील, एकनाथ शिंदे, आदित्य ठाकरे सहभागी झाले होते.

मंत्रालयातून उपमुख्यमंत्री अजित पवार, मंत्री सुभाष देसाई, दिलीप वळसे पाटील, नवाब मलिक, अनिल देशमुख, राजेश टोपे, प्रा.वर्षा गायकवाड, डॉ. जितेंद्र आव्हाड, अस्लम शेख, ॲड. अनिल परब उपस्थित होते. इतर मंत्री तसेच राज्यमंत्री आपापल्या जिल्ह्यातून या बैठकीत सहभागी झाले.

बैठकीत ‘कोरोना’ला रोखण्यासाठी राज्य शासन करत असलेल्या प्रयत्नांची माहिती प्रधान सचिव डॉ. प्रदीप व्यास, मुंबई महापालिका आयुक्त प्रविण परदेशी यांनी दिली. प्रत्येक जिल्ह्यात चाचणी सुविधा उपलब्ध करणे, वैद्यकीय उपकरणांची उपलब्धता, अन्न धान्य पुरवठा, लॉकडाऊन, कम्युनिटी किचन यावर मंत्र्यांनी चर्चा करून सूचना केल्या. यावेळी मुख्यमंत्र्यांनी जलद चाचणीची गरज जिथे आहे तिथे प्राधान्याने करण्यात येईल असे सांगितले.

होमगार्ड उपलब्ध करून देण्यात येत असून याबाबत जिल्हाधिकाऱ्यांना अधिकार देण्यात आले आहेत. भाजीपाला व इतर आवश्यक दुकानांच्या वेळांबाबत स्थानिक पातळीवर निर्णय घ्यावा. मंगळवारनंतर (ता.१४) लॉकडाउन उठविण्याबाबत परिस्थिती पाहून योग्य निर्णय घेण्यात येईल, असेही श्री. ठाकरे यांनी सांगितले.


इतर ताज्या घडामोडी
जळगाव जिल्ह्यात मका, ज्वारी खरेदीसाठी...जळगाव : जिल्ह्यात शासकीय केंद्रात हमीभावात मका व...
कापूस खरेदीसाठी केंद्रांची संख्या वाढवा...जळगाव : शासकीय कापूस खरेदीला गती देण्यासाठी...
शेतकऱ्यांनो पीक कर्जाबाबत निश्चित राहा...नाशिक : ‘‘महात्मा फुले शेतकरी कर्जमुक्ती योजनेत...
नांदेड, परभणी, हिंगोली जिल्ह्यात १७ लाख...नांदेड : नांदेड, परभणी, हिंगोली जिल्ह्यात...
नांदेडमध्ये पीककर्जाच्या ऑनलाइन...नांदेड : यंदाच्या खरीप हंगामात जिल्ह्यातील...
इंदापुरात मका खरेदीसाठी ऑनलाइन नोंदणी...पुणे ः इंदापूर तालुका कृषी उत्पत्र बाजार...
थकीत एफआरपी द्या ः बळीराजा शेतकरी संघटनासातारा : कोरोनामुळे शेतकऱ्यांचे मोठे नुकसान झाले...
जालन्यातील ७६२ तूर उत्पादकांना...जालना : जिल्ह्यातील सहा हमी दर खरेदी केंद्रांवरून...
अमरावतीत २५ जिनींगव्दारे कापूस खरेदीअमरावती ः खरिपाच्या पार्श्‍वभूमीवर कापूस खरेदीला...
सोलापुरात खते, बियाणे थेट शेतकऱ्यांच्या...सोलापूर : यंदाच्या खरिपासाठी शेतकऱ्यांना थेट...
पुणे बाजार समिती उद्यापासून सुरू होणारपुणे ः कोरोना टाळेबंदीमुळे गेली सुमारे दीड...
चांदोरीत शॉर्टसर्किटमुळे १० एकर ऊस खाक चांदोरी, जि. नाशिक : निफाड तालुक्यातील चांदोरी...
बाजार समित्यांनी सीसीआयला मनुष्यबळ...वर्धा ः सीसीआयकडे आवश्‍यक ग्रेडर कमी आहेत....
औरंगाबादमध्ये खरिपातील बियाणे विक्री...औरंगाबाद : वसंतराव नाईक मराठवाडा कृषी...
मुख्यमंत्री अन्नप्रक्रिया योजना सुरूच...पुणे : गटशेती तसेच फार्मर प्रोड्युसर कंपनीच्या...
कृषी निविष्ठा बांधावर उपलब्ध करुन द्या...पुणे ः खरीप हंगामासाठी शेतकऱ्यांना बियाणे व खते...
माॅन्सूनपूर्वी करा कापसाची खरेदी ः...अमरावती ः वरुड तालुक्‍यात लॉकडाऊनमुळे सीसीआय तसेच...
टोळधाडबाधीत क्षेत्रातील मदतीचे प्रस्ताव...अमरावती ः जिल्ह्यात टोळधाडीच्या झुंडीने केलेल्या...
ताकारी योजनेचे पाणी चिखलगोठणला पोहोचलेसांगली ः ताकारी उपसा जलसिंचन योजनेच्या सुरू...
अकोला जिल्हा परिषदेला जमीन...अकोला ः जिल्ह्यात दोन ठिकाणी परिषदेच्या मालकीची...