पूरग्रस्त शेतकऱ्याने मिळालेली मदत कोरोनाग्रस्तांसाठी केली शासनास परत

कोल्हापूर : महापुरात घर व शेतीचे नुकसान झाले. या नुकसानीच्या भरपाईपोटी मिळालेली ९५ हजार रुपयांची रक्कम औरवाड (ता.शिरोळ) येथील बाळासाहेब रावण या शेतकऱ्याने ‘कोरोना’ रोखण्यासाठी प्रयत्नशील असणाऱ्या शासनाला देण्याचा निर्णय घेतला. ही रक्कम त्यांनी मंगळवारी (ता.२८) मुख्यमंत्री सहायता निधीस वर्ग केली आहे.
संग्रहित छायाचित्र
संग्रहित छायाचित्र

कोल्हापूर : महापुरात घर व शेतीचे नुकसान झाले. या नुकसानीच्या भरपाईपोटी मिळालेली ९५ हजार रुपयांची रक्कम औरवाड (ता.शिरोळ) येथील बाळासाहेब रावण या शेतकऱ्याने ‘कोरोना’ रोखण्यासाठी प्रयत्नशील असणाऱ्या शासनाला देण्याचा निर्णय घेतला. ही रक्कम त्यांनी मंगळवारी (ता.२८) मुख्यमंत्री सहायता निधीस वर्ग केली आहे.

‘कोराना’ला रोखण्यासाठी शासन अहोरात्र धडपडत करीत आहे. यासाठी अनेकांकडून देणग्याही येत आहेत. दक्षिण महाराष्ट्रात ऑगस्टमध्ये आलेल्या महापुरात अनेकांची घरे, शेत याचे मोठे नुकसान झाले. याची नुकसानभरपाई शासनाने नुकतीच शेतकऱ्यांच्या खात्यावर वर्ग केली आहे. श्री. रावण यांच्या खात्यावरही ही रक्कम जमा झाली होती. रावण कुटुंबाने नुकसानभरपाईची वाट न पाहता रक्कम मिळण्याअगोदरच स्वखर्चाने घराची डागडुजी करून घेतली आहे.

महापूर असताना शासनासह अन्य संस्थांनी केलेल्या मदतीमुळे रावण कुटुंबाला मोठा आधार मिळाला. आता इतर लोक अडचणीत असताना ही मदत घेणे त्यांना उचित वाटले नाही. त्यांची तीन एकर शेती आहे. तसेच एक मुलगा अभियंता आहे तर दुसरा मुलगा शेती करतो. आता रक्कमेची खरी गरज इतरांना असल्याची त्यांची भावना होती. मुलगा संदीप, प्रदीप तसेच ग्रामपंचायत सदस्य प्रभावती रावण यांच्याशी चर्चा करून त्यांनी कोणताही गाजावाजा न करता ९५,१०० रुपयांची रक्कम ‘मुख्यमंत्री सहायता निधी कोव्हीड- १९’ या खात्यात मंगळवारी (ता.२८) वर्ग केली. शिरोळच्या तहसीलदार अपर्णा मोरे-धुमाळ यांनी त्यांना याबाबतचे मार्गदर्शन केले.

महापुराने सर्वकाही उध्वस्त झाले होते. जेव्हा आम्ही अडचणीत होतो, तेव्हा शासन व काही सेवाभावी संस्थांनी अतिशय जलद हालचाल करून आधार देण्याचा प्रयत्न केला. त्यामुळे आम्ही आमचा संसार उभा करू शकलो. त्यावेळी आम्हाला शासनाने धान्य, पैसे जे काही मदत म्हणून देत येईल ते दिले होते. त्या आधारे व अन्य ठिकाणाहून रक्कमेची जुळणी करून आमच्या घराची डागडुजी केली. महापुराच्या भयानक अनुभवातून आम्ही आता सावरत आहोत. पण राज्याला सध्या मदतीची गरज आहे. केवळ यामुळेच आम्ही मिळालेली ही रक्कम शासनाला परत देण्याचा निर्णय घेतला. कोणत्याही परिस्थितीस शासनाने ‘कोरोना’ला हरवावे अशी आमची अपेक्षा असल्याचे श्री. रावण यांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com