Farmer Agricultural News farmers facing loss in milk business Solapur Maharashtra | Agrowon

पदरमोड करून दूध व्यवसाय करण्याची सोलापुरातील शेतकऱ्यांवर वेळ

टीम अॅग्रोवन
मंगळवार, 14 जुलै 2020

माझ्याकडे ७० गाई आहेत. त्यातील २५ दूधाच्या आहेत. रोज २०० लिटर दूध संकलन होते. एवढ्या जनावरांचे संगोपन करणे खरोखरच जिकिरीचे झाले आहे. दूधाला मागणीच नसल्याने दर मिळत नसल्याचे सांगितले जाते. पूर्वीचा धंदा आहे. लगेच मोडणे शक्य नाही, म्हणून करतो आहोत. करणार काय?                            - पद्माकर भोसले, दूध उत्पादक, पापरी, ता.मोहोळ, जि. सोलापूर

सोलापूर  ः चारा व पशुखाद्याच्या वाढत्या दरामुळे दूध उत्पादकांना चिंता सतावत आहे. दुसरीकडे दूधाला मिळणारा दर आणि बिलेही वेळेवर मिळत नसल्याने खर्चाचा मेळ बसेना झाला आहे. त्यामुळे पदरमोड करुन व्यवसाय करण्याची वेळ शेतकऱ्यांवर आली आहे.

जिल्ह्यात जिल्हा दूध संघ, अकलूजचा शिवामृत दूध संघ हे दोन्ही सहकारी संघ वगळता अन्य सर्व दूध खासगी संघाला पुरवठा होते. सहकारी संघाचे संकलन १० ते २० टक्क्यांपर्यंत आहे. बाकी सर्वाधिक ८० टक्के दूध खासगी संघाकडे जाते. जिल्हा दूध संघाचे संकलन प्रतिदिन जवळपास दीड लाख लिटरपर्यंत होते, तर खासगीकडे १० लाख लिटरहून अधिक संकलन आहे. या दोन्हींचे दूध संकलनात लक्षणीय घट झाली आहे.

जवळपास ५० ते ६० टक्क्यांपर्यंत ही घट असल्याचे सांगण्यात आले. आधीच कोरोनामुळे शेतकरी विविध समस्यांशी दोन हात करत कसाबसा दूध व्यवसाय सांभाळत असताना, त्यात आता दूध दर आणि पशुखाद्याच्या वाढत्या दरामुळे चिंता आणखीनच वाढली आहे.

पशुखाद्याच्या दरात मोठी वाढ
सध्या पशुखाद्याचे पोते (५० किलो) १२०० ते १४०० रुपये, खापरी पेंड (५० किलो) २२०० ते २४००, मका भरडा (५० किलो) ८०० ते ९०० रुपये असे दर आहेत. पूर्वी गाईच्या दूधाचा ३० ते ३२ रुपयांपर्यंत असणारा दर आता १८ ते २० रुपयांवर खाली आला आहे. तर, म्हशीच्या दूधासाठी ३२ रुपयांपर्यंत दर मिळतो आहे. फॅट कमी निघाल्यास त्यापेक्षाही आणखी दर कमी होतो. कोरोनामुळे सध्या दूधाच्या उपपदार्थांची मागणी घटल्याने दूधाची मागणी कमी झाली आहे. शिवाय दूध पावडरचा प्रतिकिलोचा दर ३०० रुपयांवरुन १५० रुपयांवर, बटरचा दर ३५० रुपयांवरुन १८० रुपयांवर घसरल्याने दूधाला उठाव नाही. त्यामुळे दूध उत्पादकांना दूध दर देण्यात अडचण असल्याचे सांगितले जाते.
 
खर्च, उत्पन्नाचा मेळ बसेना
एका गाईचा एका दिवसासाठी दोन्ही वेळेचा ओला, सुका चारा आणि पशुखाद्याचा खर्च किमान १०० ते १५० रुपये इतका होतो. त्यात गाईचे दिवसाचे सरासरी दहा लिटर दूध गृहित धरले, तर १८ रुपये प्रतिलिटरचा दर विचारात घेता १८० रुपये मिळतात. त्यामुळे शेतकऱ्यांना यातून काहीच हाती लागत नाही.
 


इतर ताज्या घडामोडी
रत्नागिरी जिल्ह्यातील नद्यांना पूर,...रत्नागिरी : सलग दुसऱ्या दिवशीही पावसाने...
पंढरपुरात ७ ते १३ ऑगस्ट दरम्यान...सोलापूर  : कोरोना विषाणूची साखळी तोडण्यासाठी...
फळपीक विमा निकषात बदलाची गरज :...अमरावती : जिल्ह्यामध्ये संत्रा फळपीक मोठ्या...
सातारा जिल्ह्यात दमदार पाऊस सातारा : जिल्ह्यात मंगळवारी दमदार पाऊस झाल्याने...
कोयना धरण परिसरात मुसळधार पाऊस सातारा : कोयना धरण क्षेत्रात मंगळवारी मुसळधार...
कोल्हापूर बाजार समितीवर अखेर प्रशासक कोल्हापूर : नोकर भरती वरून वादग्रस्त ठरलेल्या...
मराठवाड्यात खरीप ज्वारीची ३७ टक्के पेरणीऔरंगाबाद : मराठवाड्यातील आठही जिल्ह्यात...
शाश्वत शेती उत्पादनासाठी मातीतील जिवाणू...स्थानिक झाडे झुडुपांच्या मुळाच्या परिसरातील...
भुसावळमध्ये १५ हजार हेक्टरवर कपाशीभुसावळ, जि.जळगाव  : गतवर्षी अतिवृष्टीमुळे...
पुणे जिल्ह्यात जोरदार श्रावण सरी पुणे ः दोन ते तीन दिवसांपासून पुणे जिल्ह्याच्या...
नांदेड जिल्ह्यात दोन लाख शेतकरी...नांदेड : जिल्ह्यातील बॅंका जुन्या कर्जदार...
खानदेशात खतांची मागणी घटली जळगाव : खानदेशात मागील आठवड्यात खत टंचाईची तक्रार...
सोयाबीनवरील किडीप्रश्‍नी योग्य वेळी...परभणी : ‘‘सोयाबीन हे कपाशी एवढेच राज्यातील...
नियमांचे पालन करुन गणेशोत्सव साजरा करा...नाशिक : ‘‘आगामी काळातील गणेशोत्सव साजरा करताना...
कोल्हापुरात दमदार पावसामुळे नद्यांनी...कोल्हापूर ः जिल्ह्यात बुधवारी (ता. ५) पावसाचा जोर...
सोलापूर जिल्ह्यात पीककर्जातून ९८४...सोलापूर  ः जिल्ह्यासाठी यंदाच्या खरीप...
येऊलखेड शिवारात शेकडो एकरांतील पीक...बुलडाणा ः जिल्ह्यात शेगाव तालुक्यात सोयाबीनचे पीक...
युरियाच्या मुद्यावरून अकोला जिल्हा...अकोला ः जिल्ह्यात युरियाची ग्रामीण भागात तीव्र...
उसामध्ये पोक्का बोईंग, शेंडाकूज रोगाचा...सध्या पश्चिम महाराष्ट्र आणि मराठवाडा विभागात...
नाशिकमध्ये वांगी प्रतिक्विंटल १००० ते...नाशिक : येथील कृषी उत्पन्न बाजार समितीमध्ये...