नगर : शेतकरी घरीच तपासत आहेत सोयाबीन बियाण्याची उगवणक्षमता

नगर  ः खरीप हंगामात सोयाबीन बियाण्याचा तुटवडा निर्माण होण्याची शक्यता गृहित धरुन कृषी विभागाने या बियाण्याचा शेतकऱ्यांकडे शोध सुरु केला आहे. याशिवाय ज्यांच्याकडे गतवर्षीचे सोयाबीन बियाणे म्हणून वापरता येऊ शकते त्याची घरीच उगवण क्षमता तपासून घ्यावी, असे आवाहन कृषी विभागाने केले त्यानुसार शेतकरी सोयाबीन बियाण्याची उगवण क्षमता तपासत आहेत.

नगर जिल्ह्यात सोयाबीनचे सरासरी क्षेत्र ५८ हजार २८२ हेक्टर आहे. गेल्यावर्षी ८८ हजार ९०५ हेक्टर क्षेत्रावर सोयाबीनची पेरणी झाली होती. बियाणे बदलाचा दर साधारण पन्नास टक्के आहे. यंदा जिल्ह्यात ७९ हेक्टर क्षेत्रावर सोयाबीनची पेरणी होईल असा अंदाज गृहित धरुन बियाणे बदलाच्या दरानुसार ५० टक्के गरजेनुसार ३० हजार क्विंटल बियाणाची गरज आहे. त्यातील आतापर्यत १३ हजार १७७ क्विंटल बियाण्यांचा पुरवठा झाला आहे.

त्यामुळे पुरवठ्याचा विचार करता बियाणांचा तुटवडा जाणवणार असल्याचे गृहित धरुन कृषी विभागाने सोयाबीन बियाण्याचा शेतकऱ्यांकडे शोध सुरु केला आहे. याशिवाय ज्यांच्याकडे गतवर्षीचे सोयाबीन बियाणे म्हणून वापरता येऊ शकते त्याची घरीच उगवण क्षमता तपासून घ्यावी, असे अवाहन कृषी विभागाने केले त्यानुसार शेतकरी बियाण्याची उगवण क्षमता तपासत आहेत.   अशी करा तपासणी १०० बिया ओल्या कापडात, गोणपाटात मोड येईपर्यंत साधारण २४ तास ठेवाव्यात. त्यानंतर तपासणी करुन किती बियांना मोड आले आहेत ते तपासावे. त्यातील जेवढे बियाणे उगवेल त्यानुसार बियाणे उगवण क्षमता लक्षात येते. एकरी साधारण ७५ बियाणे वापरले जातात. मात्र उगवण क्षमता कमी आली तर त्या तुलनेत बियाणे वाढ केली जाणार असल्याचे कृषी विभागातून सांगण्यात आले.