Farmer Agricultural News fisherman become in trouble due to corona issue Pune Maharashtra | Agrowon

इंदापुरातील मच्छीमारांवर उपासमारीची वेळ

टीम अॅग्रोवन
बुधवार, 8 एप्रिल 2020

मी अनेक वर्षांपासून पळसदेव येथे मासेमारी व्यवसाय करतो. सर्व मासे इंदापुरातील मार्केटमध्ये विकतो. कमी अधिक दर बघता रोज २०० ते ५०० रुपये मिळतात. त्यावर कुटुंबाचा उदरनिर्वाह चालतो. ‘कोरोना’मुळे मार्केट बंद असल्याने आमच्यावर उपासमारीची वेळ आली आहे. 
- आजिनाथ भोई, मत्स्य व्यावसायिक, पळसदेव, जि. पुणे.

पुणे  ः  कोरोना विषाणूचा संसर्ग वाढू नये, यासाठी सर्वत्र लॉकडाउन केले आहे. अत्यावश्यक सेवा वगळता इतर सर्व व्यवहार, बाजारपेठा बंद आहे. यामध्ये इंदापूर तसेच जिल्ह्यातील काही ठिकाणाची मच्छीमार्केट बंद आहेत. यामुळे उजनी धरणात मासेमारी करणाऱ्या मच्छीमारांवर उपासमारीची वेळ आली आहे. गेल्या काही दिवसांपासून मासेमारी बंद असल्याने त्यावर उपजीविका करणारे मच्छीमार अडचणीत आले आहेत.

पुणे व नगर जिल्ह्यातील उजनी धरणाच्या काठावरील पळसदेव, डाळज क्र. एक, दोन, तीन, भादलवाडी, कुंभारगाव, तक्रारवाडी, भिगवण, डिकसळ, खानवटे, राजेगाव, खेडनगर, गणेशवाडी, बाभुळगाव, कात्रज, कोंढार चिंचोली, पोमलवाडी आदी गावांमधील अनेक मच्छीमार उजनीत मासेमारी करून आपली गुजराण करतात. मात्र, ‘कोरोना’च्या पार्श्वभूमीवर इंदापूर तालुक्यातील भिगवण येथील मासळी बाजार २० मार्चपासून बंद ठेवण्याचा निर्णय इंदापूर कृषी उत्पन्न बाजार समितीच्यावतीने घेण्यात आला आहे. सध्या येथे २० ते २५ अडतदार आहेत. अनेक ठिकाणांहून येथे मासे विक्रीसाठी येतात. त्यामुळे दररोज येथे पाच ते सहा टन मासळीची आवक होत असते. परंतु कोरोना विषाणूचा वाढता संसर्ग लक्षात घेता मासळी बाजार बंद ठेवण्याचा निर्णय घेण्यात आला आहे. मार्केट बंद असल्याने मासेमारी सध्या ठप्प आहे. त्यामुळे दैनंदिन खर्चासाठी लागणारा पैसा मिळवायचा कुठून असा प्रश्न या मच्छीमारांसमोर उभा राहिला आहे. 

याबाबत स्थानिक मच्छीमार बापूराव नगरे म्हणाले, की कोरोना विषाणूच्या पार्श्वभूमीवर मासळी बाजार बंदचा निर्णय घेतला आहे. तो सर्वांना मान्य आहे. परंतु, पंधरा दिवस बाजार बंद राहिल्याने मच्छीमारी करणाऱ्या कुटुंबांवर उपासमारीची वेळ आली आहे. त्यामुळे बाजार समितीने लवकर निर्णय घेऊन मार्केट सुरू करावे. 
 
इंदापूरतील मार्केटमध्ये चिलापी माशाला अधिक मागणी आहे. मी रोज ५० ते ६० किलो माशांची विक्री करत होतो. चांगला दर मिळाल्यास चांगले उत्पन्न मिळत होते. परंतु, पंधरा दिवसांपासून भिगवण व इंदापूर दोन्ही मच्छिमार्केट बंद असल्याने आमच्यासमोर आर्थिक अडचणी उभ्या ठाकल्या आहेत, असे मत्स्य व्यावसायिक 
नितीन रामकिसन नगरे यांनी सांगितले.

तालुक्यात भिगवण व इंदापूर ही दोन्ही मच्छीमार्केट राज्यात प्रसिद्ध आहेत.‘कोरोना’च्या पार्श्वभूमीवर २० मार्चपासून मच्छिमार्केट बंद आहे. त्यामुळे मच्छीमारांच्या अडचणी वाढल्या आहेत, इंदापूर बाजार समितीचे सहाय्यक सचिव
 वैभव दोशी यांनी सांगितले.


इतर ताज्या घडामोडी
बार्शी बाजार समितीत उडीद, मूग हमीभाव...सोलापूर : बार्शी कृषी उत्पन्न बाजार समितीमध्ये...
नाशिक जिल्ह्यात अतिवृष्टीमुळे दाणादाणनाशिक : पावसाळा सुरू झाल्यानंतर अनेक ठिकाणी...
पीक कर्जासाठी बँकेत मुक्कामाची वेळ येऊ...बुलडाणा ः खरीप हंगामातील पिकांच्या काढणीची वेळ...
पाथरूड परिसरातील प्रकल्प तुडुंबपाथरूड, जि. उस्मानाबाद : पाथरूडसह परिसरात...
सिंधुदुर्ग जिल्ह्यातील ९० टक्के...सिंधुदुर्ग ः जिल्ह्यातील ९० टक्के भातपिकांना...
परभणी, हिंगोलीत अतिवृष्टीमुळे पिकांवर...परभणी : खरीप हंगामातील सोयाबीन काढणीच्या, कापूस...
हिंगोली जिल्ह्यात सोयाबीनच्या शेंगांना...हिंगोली : गतवर्षी प्रमाणे यंदाही सोयाबीनचे पीक ऐन...
‘जायकवाडी’तील विसर्गात घटऔरंगाबाद : जिल्ह्यातील जायकवाडी प्रकल्पातून...
निम्न दुधनातून ७१९० क्युसेकने विसर्गपरभणी : सेलु तालुक्यातील ब्रम्हवाकडी येथील दुधना...
अनुदानाअभावी मर्यादित लाभार्थ्यांना...सिंधुदुर्ग ः कोरोनामुळे शासनाने जिल्हा परिषदेच्या...
ऊसतोडणीच्या तिढ्यावर आज चर्चापुणे : दहा लाख ऊस तोडणी कामगारांच्या मागण्यांबाबत...
यवतमाळ जिल्ह्यात सोयाबीन शेंगांना फुटले...यवतमाळ : खोडकीड, चक्रीभुंगा त्यानंतर आता परिपक्व...
संत्रा उत्पादकांना हेक्टरी लाखाची भरपाई...नागपूर : विदर्भात नैसर्गिक आपत्तीमुळे संत्रा,...
पुण्यात विशिष्ट ठिकाणीच लिंबे विक्रीला...पुणे ः गुलटेकडी येथील कृषी उत्पन्न बाजार समितीने...
गाय एका आठवड्यात दोनदा व्यायली नाशिक ः येथील डॉ. इरफान खान हे व्यवसायाने डॉक्टर...
हवामान बदलाचे सेंद्रिय कर्बावरील परिणामजागतिक हवामान बदल आणि जागतिक तापमान वाढ हे शब्द...
पुण्यात भाजीपाल्याच्या आवकेत घटपुणे : गुलटेकडी येथील पुणे कृषी उत्पन्न बाजार...
काही भागात पावसाच्या उघडिपीची शक्यता महाराष्ट्रावर बुधवार (ता.२३) पर्यंत  १००४...
राज्य द्राक्ष बागायतदार संघाची ...नाशिक: महाराष्ट्र राज्य द्राक्ष बागायतदार...
पांगरी परिसरात पिकांवर आस्मानी संकटपांगरी, जि. सोलापूर ः पांगरी (ता. बार्शी) परिसरात...