Farmer Agricultural News ginger pre cultivation works begin Satara Maharashtra | Agrowon

सातारा जिल्ह्यात आल्याच्या लागवडपूर्व कामांना गती

टीम अॅग्रोवन
शनिवार, 11 एप्रिल 2020

सातारा  ः जिल्ह्यात आले लागवडपुर्व कामांना गती आली आहे. बेणे काढणे, खरेदी करणे तसेच शेतात विविध कामे करण्यात शेतकरी व्यस्त आहेत. दरात अस्थिरता असली तरी सरासरी क्षेत्रापेक्षा जास्त क्षेत्रावर आले लागवड होण्याचा अंदाज शेतकऱ्यांनी व्यक्त केला आहे.

सातारा  ः जिल्ह्यात आले लागवडपुर्व कामांना गती आली आहे. बेणे काढणे, खरेदी करणे तसेच शेतात विविध कामे करण्यात शेतकरी व्यस्त आहेत. दरात अस्थिरता असली तरी सरासरी क्षेत्रापेक्षा जास्त क्षेत्रावर आले लागवड होण्याचा अंदाज शेतकऱ्यांनी व्यक्त केला आहे.

जिल्ह्यात कोरेगाव, सातारा, कऱ्हाड, खटाव या तालुक्यात आले पिकाची लागवड होते. जिल्ह्यात सरासरी अडीच हजार हेक्टरवर आले पिकाची लागवड होते. परंपरेनुसार अक्षय तृतीया सणाच्या मुहूर्तावर आले लागवड केली जाते. मात्र मागील चार ते पाच वर्षांपासून अक्षय तृतीयेदरम्यान ३५ अंश सेल्सिअसपेक्षा अधिक तापमान राहत असल्याने आले लागवड मे अखेरीस व जून महिन्याच्या सुरुवातीला केली जात आहे. गतवर्षी या सणाच्या मुहूर्तावर आले लागवड करण्यात आली होती.

मात्र कडक उन्हामुळे बेणे गाभाळून उगवणीवर मोठा परिणाम झाला होता. सध्या बेणे काढणी तसेच बेणे खरेदी करण्यात शेतकरी व्यस्त आहेत. शेतकरी शेतकऱ्यांकडून बेणे खरेदी करीत आहे. तसेच औरंगाबादहून मोठ्या प्रमाणात बेण्याच्या गाड्या येत आहेत. सध्या बेण्याच्या एका गाडीची (५०० किलो) २२ हजार ते २४ हजार रुपयांपर्यंत विक्री केली जात आहे. गतवर्षीच्या तुलनेत बेण्याचे दर कमी आहेत. गतवर्षी प्रतिगाडीस ३५ हजार रुपयांपर्यंत दर होता. सध्या आल्याचे दर कमी असल्यामुळे बेण्याच्या दरातही घसरण झाली आहे. अनेक शेतकऱ्यांनी बेणे खरेदी किंवा काढणी सुरू केली आहे.

बेणे लागवडयोग्य होण्यासाठी घरात, शेडमध्ये आले बेण्याची अढी लावण्याची कामे सुरू आहेत. तसेच आले पिकास शेणखताची आवश्यकता असल्यामुळे सध्या शेतात शेणखत, पोल्ट्री खत, लेंडी खत, कारखान्यांचे कंपोस्ट खत टाकण्याची तसेच नांगरट, फणणी आदी कामे सुरू आहेत.

सध्या सर्वत्र लॅाकडाउन असल्यामुळे मजूर टंचाई भासत आहे. त्यामुळे खोदणीस अडचणी येत आहेत. कमी थंडीमुळे सध्या जमिनीत आले पिकास कोंब येत आहे. दोन, तीन वळवाचे पाऊस झाले आणि ३३ अंश सेल्सिअसच्या आत तापमान राहिले तर मेच्या सुरवातीपासून लागवडी सुरू होतील. अन्यथा मेअखेर व जून सुरूवातीस आले पिकाच्या लागवडीची कामे सुरू होतील, असे शेतकऱ्यांनी सांगितले.
 
 जूनमध्ये अंतिम चित्र स्पष्ट होणार 
गतवर्षाच्या तुलनेत सध्या आल्याचे दर कमी आहेत. मात्र हे दर सतत कमी-जास्त होत असतात. बेण्याचे दर कमी असल्यामुळे तसेच पाण्याची उपलब्ध असल्याने गतवर्षीपेक्षा अधिक आले लागवड होण्याची शक्यता आहे. जिल्ह्यात सरासरी अडीच हजार हेक्टर क्षेत्रावर लागवड होत असते. यावर्षी यामध्ये दोनशे ते तीनशे हेक्टरने वाढ होण्याची शक्यता असली तरी जून महिन्यातच आले लागवडीचे अंतिम चित्र स्पष्ट होईल.


इतर ताज्या घडामोडी
पावसाच्या तडाख्याने साताऱ्यात हातची...कऱ्हाड, जि. सातारा ः चांगल्या पावसामुळे यंदाचा...
परभणी जिल्ह्यात पुरामुळे पिके पाण्याखालीपरभणी  : जायकवाडी आणि माजलगाव धरणातील...
सोयाबीन आले सोंगणीला, मात्र उत्पादन...शिरपूरजैन, जि. वाशीम  ः यावर्षी सातत्याने...
वऱ्हाडातील मोठे प्रकल्प तुडुंबअकोला  ः आत्तापर्यंत झालेल्या पावसाने काही...
खानदेशात पंचनाम्यांच्या प्रतीक्षेत पिके...जळगाव  ः खानदेशात उडीद, मुगाचे अपूर्ण...
पुणे विभागात आडसाली ऊस लागवड क्षेत्र...पुणे  ः चालू वर्षी वेळेवर दाखल झालेल्या...
सांगली जिल्ह्यात अतिवृष्टीने नुकसान...सांगली  ः जिल्ह्यातील मिरज, खानापूर, पलूस,...
केळी पिकातील कंद कुजव्या रोगाचे...कंदकुजव्या रोगाचा प्राथमिक प्रसार रोगट कंदापासून...
वाढवा जमिनीतील सेंद्रिय कर्ब...जमिनीतील सेंद्रिय कर्बाचे प्रमाण वाढविण्यासाठी...
कृषी विधेयकांस विरोधासाठी इंडिया...नवी दिल्ली : बहुचर्चित कृषी विधेयकांवर राष्ट्रपती...
निकोप स्पर्धेसाठी मोदी सरकारचा प्रयत्नशेती उत्पादन व्यापार व वाणिज्य (प्रोत्साहन आणि...
नगरमधील ३५ हजार शेतकरी विमा भरपाईपासून...नगर  ः जिल्ह्यात गेल्यावर्षी परतीच्या...
पुण्यात भाजीपाल्याची आवक घटली; दरात वाढपुणे  ः गुलटेकडी येथील पुणे कृषी उत्पन्न...
रत्नागिरी जिल्ह्यात हळव्या भात कापणीत...रत्नागिरी  : हळवे भात पीक कापणी योग्य झाले...
औरंगाबादमध्ये थेट शेतीमाल विक्रीची ...औरंगाबाद  : औरंगाबाद शहरासह ग्रामीण भागात...
नांदेडमधील पीक नुकसानीची...नांदेड : नांदेड जिल्ह्यात मागील काही दिवसांपासून...
हिंगोली, परभणीतील पीक नुकसानीचे तत्काळ...हिंगोली  ः अतिवृष्टीमुळे नुकसान झालेल्या...
पूरस्थितीचा गडचिरोली जिल्ह्यातील २०...गडचिरोली : जिल्ह्यात गोसेखुर्द धरणातून पाणी...
निर्यातीसाठी दर्जेदार हळद उत्पादन घ्याहिंगोली: हिंगोली जिल्ह्यात हळदीच्या क्षेत्रात...
लातूर, नांदेडमध्ये दमदार पाऊसपुणे ः राज्यातील अनेक भागांत पावसाचे वातावरण...