Farmer Agricultural News good response for milk rate issue agitation Nagpur Maharashtra | Agrowon

दूध दरप्रश्नी आंदोलनाला विदर्भात उत्स्फूर्त प्रतिसाद

टीम अॅग्रोवन
रविवार, 2 ऑगस्ट 2020

नागपूर : दूध दरप्रश्नी भाजपच्या वतीने शनिवारी (ता.१) करण्यात आलेल्या आंदोलनाला विदर्भात उत्स्फूर्त प्रतिसाद मिळाला.

नागपूर : दूध दरप्रश्नी भाजपच्या वतीने शनिवारी (ता.१) करण्यात आलेल्या आंदोलनाला विदर्भात उत्स्फूर्त प्रतिसाद मिळाला. अमरावती येथे ‘कोरोना’च्या पार्श्वभूमीवर असलेल्या प्रतिबंधात्मक आदेशाचे उल्लंघन केल्याप्रकरणी भाजपच्या काही कार्यकर्त्यांना अटक करण्यात आली. हा अपवाद वगळता विदर्भातील अकरा जिल्ह्यांत आंदोलन शांततेत पार पडले.

भाजप किसान मोर्चा, रयत क्रांती संघटनेसह  महायुतीतील घटक पक्षांच्यावतीने दुधाला प्रतिलिटर १० रुपये अनुदान द्यावे, दुधाला ३० रुपये दर द्यावा, तसेच दूध भुकटीला ५० रुपये किलोप्रमाणे निर्यातीसाठी अनुदान देण्यात यावे यासह विविध मागण्यांसाठी राज्यव्यापी आंदोलनाची हाक देण्यात आली होती.

पूर्व विदर्भातील दुर्गम गडचिरोलीसह भंडारा, गोंदिया, चंद्रपूर या जिल्ह्यांमध्ये देखील निःशुल्क दूध वितरण करीत आंदोलन करण्यात आले. यवतमाळ येथे माजी राज्यमंत्री मदन येरावार,  प्रा. अशोक उईके यांनी आंदोलनाचे नेतृत्व केले. नागपूर येथे माजी ऊर्जामंत्री चंद्रशेखर बावनकुळे  यांनी शहरातील काही दूध संकलन केंद्रावर जात तेथील दूध गरजूंना निःशुल्क वाटप केले. वर्धा जिल्ह्यातील सेलू येथे आमदार डॉ. पंकज भोयर यांच्या नेतृत्वात रास्ता रोको आंदोलन करण्यात आले. वर्धा येथे खासदार रामदास तडस यांनी दूध वाहतूक करणारी वाहने थांबवत या वाहनांमधील दुधाचे गरजूंना निःशुल्क वितरण केले. 

अमरावती जिल्ह्यात भाजप किसान मोर्चाचे प्रदेशाध्यक्ष व माजी कृषिमंत्री डॉ. अनिल बोंडे यांच्या नेतृत्वात मुंबई - नागपूर महामार्गावरील टोल नाक्यावर पहाटेच्यावेळी दूध घेऊन जाणारी वाहने रोखण्यात आली. यावेळी सरकार विरोधात घोषणाबाजी करण्यात आली. यावेळी दूध उत्पादकांना शेतकऱ्यांना या सरकारने वाऱ्यावर सोडले आहे, असा आरोप डॉ. बोंडे यांनी यावेळी केला.

प्रतिक्रिया

शांततामय मार्गाने करण्यात आलेल्या या आंदोलनाची दखल सरकारने न घेतल्यास दुसऱ्या टप्प्यात तीव्र आंदोलन केले जाईल. सामान्यांना या आंदोलनाची झळ पोचू नये, याकरिता मंत्र्यांच्या घरचा दूध पुरवठा आंदोलनाच्या दुसऱ्या टप्प्यात रोखण्यात येईल असे प्रस्तावित आहे. मात्र दुसऱ्या टप्प्यातील आंदोलनाबाबत सर्व घटकांशी चर्चा करूनच निर्णय घेतला जाणार आहे.
- डॉ. अनिल बोंडे, प्रदेशाध्यक्ष, भाजप किसान मोर्चा.
 
असे झाले आंदोलन

  • अनेक ठिकाणी गरजूंना निःशुल्क दूध वाटप.
  • अमरावतीत भाजप कार्यकर्त्यांना अटक.
  • सेलू येथे रास्ता रोको आंदोलन. 

 


इतर ताज्या घडामोडी
औरंगाबादमध्ये आज रानभाज्या महोत्सवऔरंगाबाद  ः ‘‘वसंतराव नाईक मराठवाडा कृषी...
सांगलीत ६८ हजार शेतकऱ्यांनी उतरवला...सांगली  ः जिल्ह्यातील ६८ हजार ०१८...
रिसोडमध्ये पावसाची उघडीपवाशीम  ः राज्यात बऱ्याच भागात पाऊस धुमाकूळ...
वाशीम जिल्ह्यात एक लाख ४२ हजार हेक्टर...वाशीम ः पंतप्रधान पीकविमा योजनेत जिल्ह्यातील...
खानदेशात ताग लागवडीला पसंतीजळगाव  ः कमी पाण्यात व उशिरा लागवड करूनही...
पंचगंगा नदीच्या पाणीपातळीत घटकोल्हापूर : पश्चिम भागात पावसाचा जोर घटल्याने...
परभणी विभागात बिजोत्पादन होणार २७ हजार...परभणी : यंदा महाबीजच्या परभणी विभागातील परभणी,...
अकोल्यात पाऊस सुरुचनगर  ः अकोले तालुक्याच्या पश्चिम आदिवासी...
विदर्भातील पोल्ट्री व्यावसायिकांचे...अमरावती : विदर्भातील पोल्ट्री व्यावसायिकांना...
इगतपुरी, नाशिक तालुक्यात वाऱ्यामुळे...नाशिक : जिल्ह्याच्या पश्चिम पट्ट्यात झालेल्या...
विक्रीअभावी मालवंडीत लिंबू उत्पादकांना...मालवंडी, जि. सोलापूर ः बार्शी तालुक्यातील मालवंडी...
सफेद चिप्पी कांदळवन वृक्ष घोषितमुंबई: सफेद चिप्पी (sonneratia alba) या कांदळवन...
यंदा बैल पोळा उत्साहात साजरा होणार रोपळे बुद्रूक , ता.पंढरपूर , जि . सोलापूर...
हलक्‍या ते मध्यम स्वरूपात पावसाची शक्‍...महाराष्ट्रावरील हवेच्या दाबात बदल होत असून,...
औरंगाबादमध्ये बटाटे २००० ते २४०० रुपये...औरंगाबाद  : येथील कृषी उत्पन्न बाजार...
औसा तालुक्यात उडीद, मूग व्हायरसच्या...औसा, जि. लातूर : तालुक्यातील उडीद आणि मूग ही पिके...
शेतमजुरांसाठी कौशल्याधारीत प्रशिक्षण...नाशिक: बदलत्या पीक पद्धतीमध्ये कीडनाशक फवारणी,...
कोल्हापूर जिल्ह्यात वादळ, पुराचा उसाला...कोल्हापूर: जोरदार वाऱ्यासह सुरु असलेल्या पावसाने...
पुणे जिल्ह्यात पावसामुळे भात लागवडीला...पुणे ः गेल्या चार ते पाच दिवसांपासून पुणे...
पाथरूडच्या बंधाऱ्यांत मुबलक पाणीपाथरूड, जि. उस्मानाबाद : येथील दुधना नदीवर...