Farmer Agricultural News grapes orchid damage due several causes Solapur Maharashtra | Agrowon

बार्शी तालुक्यातील द्राक्षपट्टा काळवंडला

टीम अॅग्रोवन
सोमवार, 30 मार्च 2020

माझी सहा एकरांवर द्राक्षबाग आहे. गेल्या पंधरवाड्याच्या आणि आताच्या परिस्थितीत खूपच फरक पडला आहे. खरेदीदार येत नाहीत. सध्या ऊन वाढल्याने फटका बसतो आहे. द्राक्षं काढली तर विकायची कुठे, दर किती मिळणार, याची चिंता लागली आहे. यंदा खर्चही निघतो की नाही, हे समजत नाही.
- महेश काटमोरे, पिंपरी (सा), जि. सोलापूर.

सोलापूर  ः कोरोना विषाणूच्या पार्श्वभूमीवर द्राक्षांना उठाव नसल्याने बार्शी तालुक्यातील हिंगणी, पिंपरी, ढाळेपिंपळगाव, मळेगाव या द्राक्षपट्ट्यातील शेतकऱ्यांमध्ये अस्वस्थता पसरली असून, खरेदीदारांविना द्राक्षे जागेवरच राहिल्याने अक्षरक्षः बागांबरोबरच शेतकऱ्यांचे चेहरे काळवंडून गेले आहेत. 
 

बार्शी तालुक्यातील ढाळेपिंपळगाव आणि हिंगणी प्रकल्पामुळे या पट्ट्यात द्राक्षक्षेत्र सर्वाधिक आहे. सुमारे ४०० हून अधिक एकर क्षेत्रापर्यंत ते विस्तारले आहे. पण सध्या ‘कोरोना’मुळे देशात सुरू असलेला लॉकडाऊन, वाढणारी उष्णता व अवकाळी पावसामुळे द्राक्ष उत्पादकांवर अभूतपुर्व संकट कोसळले आहे. विक्रीसाठी तयार झालेली द्राक्ष जास्त काळ वेलींवरच राहणार असल्याने पुढील वर्षीच्या द्राक्ष उत्पादनावर देखील मोठा परिणाम होणार असल्याची चिंता व्यक्त केली जात आहे.

प्रामुख्याने हिंगणी, पिंपरी (सा) मळेगाव, पिंपळगाव, जामगाव, साकत, महागाव, बावी परिसरातील दर्जेदार द्राक्षांना देश व राज्यभरातून मोठी मागणी असते. येथील द्राक्षे दिल्ली, चंद्रपूर, नागपूर, गुजरात, उत्तरप्रदेश, राजस्थान, छत्तीसगड तसेच परदेशात देखील दरवर्षी पाठवली जातात. मात्र निर्यातबंदी, बंद ठेवलेल्या बाजारपेठांमुळे द्राक्ष उत्पादक अडचणीत सापडले आहेत. यंदा तर गारपीट, अवकाळी पाऊस यासारख्या आपत्तीतून द्राक्ष बागा कशाबशा जगवल्या, पण आता पुन्हा हे नवेच संकट त्यांच्यासमोर उभे ठाकले आहे. 
 
खरेदीदारांची पाठ, दरातही घसरण
पंधरवड्यापूर्वी हीच द्राक्षे ४० ते ४५ रुपये प्रतिकिलोप्रमाणे खरेदीदार मागून नेत होते. पण आता त्याचे दर निम्म्यावर म्हणजेच २० ते २२ रुपयांवर आलेच, पण ते नेतील का नाही, याची खात्री नाही. त्यामुळे द्राक्ष पाठवायची कुठे असा सवाल द्राक्ष उत्पादक करीत आहेत. स्वतः वाहन करुन पुणे, मुंबईच्या बाजारपेठांत नेणेही शक्य नाही. आता एकदमच सगळा माल तिकडे जाणार, त्यामुळे चोहोबाजूंनी कोंडी होऊन बसली आहे. 

उष्णतेची भर, आर्थिक गणित बिघडणार
वाढत्या उष्णतेमुळे व वाढणाऱ्या साखरेमुळे द्राक्षे खराब होत आहेत. ‘कोरोना’चे संकट कायम असताना आता तापमानही ३७ ते ३८ अंश सेल्सियसच्यापुढे चालले आहे. मळेगाव येथील विलास गडसिंग यांच्या तीन एकर बागेचे उष्णतेमुळे मोठे आर्थिक नुकसान झाले आहे. तसेच हिंगणी येथील बिभीषण माळवदे, राजाभाऊ शेळके, आनंद काशीद, लालासाहेब गव्हाणे, बाळासाहेब माळवदे, सुलतान नागरगोजे, पिंपरी (सा)येथील प्रवीण काशीद, महेश काटमोरे, रामचंद्र काटमोरे, भास्कर काशीद, रामविजय वायकर, शिरीष काशीद, बळवंत वायकर, संदीप काशीद यांच्या द्राक्षबागांनाही वाढत्या उष्णतेचे परिमाण सहन करावे लागत आहेत. या द्राक्षउत्पादकांनी आपली चिंता व्यक्त केलीच. पण पुढील वर्षभराचे आमचे आर्थिक गणित बिघडणार असल्याचे सांगितले. 

 


इतर अॅग्रो विशेष
मराठवाड्यात जोरदार पावसाचा पिकांना फटकाऔरंगाबाद, परभणी : औरंगाबाद, जालना, बीड, लातूर,...
हजारो टन कांदा निर्यातीच्या प्रतीक्षेतमुंबई/नाशिक : देशभरात कांदा निर्यातबंदी...
बीटी वांग्याच्या दुसऱ्या टप्प्यातील...पुणे : देशभरात चर्चेत असलेल्या बीटी वांग्याच्या...
साखर निर्यातीचे करार ५७ लाख टनांवरकोल्हापूर : देशातल्या साखर निर्यातीचे करार आता ५७...
तुरळक ठिकाणी जोरदार पावसाची शक्यतापुणे ः बंगालचा उपसागर व उत्तर तामिळनाडूच्या...
दूध सल्लागार समिती कागदावरचपुणे : राज्यस्तरीय दूध सल्लागार समितीची एकही बैठक...
राज्यात मोसंबी १००० ते ४००० रुपये...औरंगाबादमध्ये १००० ते २५०० रुपये प्रतिक्विंटल...
कांदा, लसूण शेतीत बहिरवाडीने मिळवली...बहिरवाडी (ता. जि. नगर) हे छोटे गाव कांदा व लसूण...
स्पर्धेत टिकण्यासाठी ‘ई-नाम’केंद्र सरकारने कृषी, पणन व्यवस्थेत सुधारणा घडवून...
बाजार सुधारणांत नको राजकीय धुळवडकोरोनाच्या पार्श्वभूमीवर होत असलेल्या संसद...
सुपारी फळगळीचे संकटसिंधुदुर्ग: मुसळधार झालेला पाऊस आणि सतत ढगाळ...
कोकण, मराठवाड्यात पावसाची शक्यतापुणे ः गेल्या काही दिवसांपासून राज्यातील काही...
कांदा निर्यातबंदीविरोधात मराठवाड्यातही...औरंगाबाद/परभणी: केंद्र सरकारने कांदा निर्यातबंदी...
निर्यातबंदीमुळे कांदा दरात मोठी घसरणनाशिक: केंद्र सरकारने कांदा निर्यातबंदी केल्याचा...
कांदा निर्यातबंदी विरोधात नाशिक...नाशिक: प्रतिकूल हवामान, वाढलेला उत्पादन खर्च व...
‘स्मार्ट’च्या २८ पथदर्शक प्रकल्पांना...पुणे: कृषी खात्याच्या ‘स्मार्ट’ प्रकल्पातून...
सांगली जिल्ह्यात द्राक्ष फळ छाटणी...सांगली ः जिल्ह्यात सप्टेंबरच्या पहिल्या आठवड्यात...
मराठवाड्यात पावसाचा जोर कायमपुणे ः गेल्या दोन ते तीन दिवसांपासून राज्यातील...
राज्यात तीन वर्षांत ‘ई-नाम’द्वारे ...पुणे: केंद्र सरकारने सुरु केलेल्या राष्ट्रीय...
दर्जेदार रोपनिर्मिती पेपरपॉट, पीट मॉसचा...रोपनिर्मिती चांगल्या प्रकारे होण्यासाठी...