Farmer Agricultural News Heavy rain in Ratnagiri Sindhudurga | Agrowon

सिंधुदुर्ग, रत्नागिरीत पावसाचा जोर

टीम अॅग्रोवन
शनिवार, 4 जुलै 2020

पुणे  : मॉन्सूनचे आगमन झाल्यानंतर कोकणात दडी मारलेल्या पावसाला सुरुवात झाली आहे. गुरुवारपासूनच सिंधुदुर्ग व रत्नागिरी जिल्ह्यात पावसाने जोर धरला आहे. शुक्रवारी (ता. ३) सकाळपर्यंतच्या २४ तासांमध्ये सिंधुदुर्ग जिल्ह्यात अतिवृष्टीची नोंद झाली .

पुणे  : मॉन्सूनचे आगमन झाल्यानंतर कोकणात दडी मारलेल्या पावसाला सुरुवात झाली आहे. गुरुवारपासूनच सिंधुदुर्ग व रत्नागिरी जिल्ह्यात पावसाने जोर धरला आहे. शुक्रवारी (ता. ३) सकाळपर्यंतच्या २४ तासांमध्ये सिंधुदुर्ग जिल्ह्यात अतिवृष्टीची नोंद झाली असून, पावसामुळे भातलागवडीच्या कामांना वेग येणार आहे. पाणलोट क्षेत्रात झालेल्या पावसाने जळगाव जिल्ह्यातील हतनूर आणि बोरी धरणातून पाण्याचा विसर्ग सुरू करण्यात आला आहे.     

सिंधुदुर्ग जिल्ह्यात गुरुवारी (ता.२) रात्रीपासून मुसळधार पावसाला सुरुवात झाली आहे. रात्रभर पावसाच्या जोरदार सरी कोसळत आहेत. शुक्रवारी दिवसभर पावसाच्या सरी सुरू होत्या. मालवण येथे सर्वाधिक १९७ मिलिमीटर पावसाची नोंद झाली आहे. रत्नागिरी जिल्ह्यात पुन्हा पावसाला सुरुवात झाल्यामुळे दिलासा मिळाला आहे. रत्नागिरी, राजापूर येथे पावसाचा जोर अधिक होता. पावसामुळे रखडलेल्या भात लागवडीच्या कामांना पुन्हा आरंभ झाला आहे.

जळगाव जिल्ह्यातील बोरी व हतनूर प्रकल्पांतून पाण्याचा विसर्ग सुरू आहे. या मध्यम प्रकल्पांच्या पाणलोट क्षेत्रात चांगला पाऊस झाल्याने प्रकल्पातील आवक वाढली आहे. मध्य प्रदेश व विदर्भात पूर्णा नदीच्या पाणलोट क्षेत्रात चांगला पाऊस झाल्याने हतनूर धरणात पाण्याची आवक वाढली. धरणाच्या ३२ दरवाजांमधून ३० हजार ५१६ क्‍युसेक वेगाने पाणी नदीपात्रात सोडण्यात आले. पारोळा तालुक्‍यातील बोरी प्रकल्पाचे दोन दरवाजे अर्ध्या मीटरने उघडण्यात आले होते. कनोली नदीदेखील प्रवाही झाली आहे. 

शुक्रवारी (ता.३) राज्यात विविध ठिकाणी पडलेला पाऊस, मिलिमीटरमध्ये (स्त्रोत : हवामान विभाग) : कोकण : अलिबाग ४७, मुरूड ४७, श्रीवर्धन ६२, हर्णे ६०, राजापूर ९२, रत्नागिरी १२९, देवगड ४०, दोडामार्ग १८१, कणकवली १८४, कुडाळ १४५, मालवण १९७, मुलदे १७४, रामेश्वर ७९, वैभववाडी ७७, वेंगुर्ला १२८,
मध्य महाराष्ट्र : चाळीसगाव ३३, आजरा ३७, चंदगड, गगनबावडा ७२, पन्हाळा २०, राधानगरी ३९. मराठवाडा : आष्टी २०, कळमनुरी ५५, निलंगा २०, हादगाव २२, माहूर ५५, सेलू ३४. विदर्भ : साकोली २०, चिमूर २१, गडचिरोली ४२, कामठी ३०, नागपूर २७, देवळी २३, हिंगणघाट २९.२, मालेगाव २०, रिसोड २६ , कळंब ३७, वणी २३. 

१०० मिलिमीटरपेक्षा अधिक पाऊस पडलेली ठिकाणे : 
मालवण १९७, कणकवली १८४, दोडामार्ग १८१, मुलदे १७४, कुडाळ १४५, वेंगुर्ला १२८ (जि. सिंधुदुर्ग), रत्नागिरी १२९ (जि. रत्नागिरी). 
 
कोकण, मध्य महाराष्ट्रात जोरदार पावसाचा इशारा
सर्वसामान्य स्थितीत असलेला मॉन्सूनची आस, गुजरात आणि परिसरावर असलेली चक्राकार वाऱ्यांची स्थिती, यातच अरबी समुद्रावरून बाष्पाचा पुरवठा होत असल्याने आज (ता.४) कोकण, मध्य महाराष्ट्रात जोरदार पाऊस पडण्याचा इशारा हवामान विभागाने दिला आहे.  विदर्भातही वादळी वाऱ्यासह पावसाची शक्यता आहे. मराठवाड्यातही तुरळक ठिकाणी पाऊस पडण्याचा अंदाज हवामान विभागाने वर्तविला आहे. 


इतर अॅग्रो विशेष
टोमॅटोवर जिवाणूजन्य ठिपक्या रोगाचा...नाशिक: चालू वर्षी टोमॅटोवरील विषाणूजन्य रोगांचा...
मराठवाड्यातील प्रकल्पांतील पाणीसाठा ५०...औरंगाबाद : मराठवाड्यातील ८७३ प्रकल्पातील उपयुक्त...
परस्पर पुनर्गठन केल्याने शेतकरी...दानापूर, जि. अकोला ः येथील सेवा सहकारी सोसायटीने...
राज्यातील साखर कारखान्यांकडून एफआरपीचे...पुणे: राज्यातील साखर कारखान्यांनी लॉकडाउन आणि...
शेतमाल नियमनमुक्ती : आहे मनोहर, तरी... पुणे ः संपूर्ण शेतमाल नियमनमुक्तीचे स्वागतच आहे....
कृषी सुविधा निधीला आजपासून प्रारंभनवी दिल्ली ः कृषी क्षेत्रातील पायाभूत सुविधांच्या...
बाजार समित्यांपुढे स्पर्धेचे आव्हान पुणे ः केंद्र सरकारच्या ‘एक देश, एक बाजार'...
धक्कादायक, सरकारी समित्यांमध्ये ...पुणे: पीकविमा योजनेसहित कृषी योजने संबंधित सर्व...
कोकण, मध्य महाराष्ट्र, विदर्भात हलक्या...पुणे ः गेल्या दोन दिवसांपासून राज्यातील पावसाचा...
उमाताईंनी मिळवली आयुष्याची भाकरी गाडीवर फिरून ज्वारीच्या कडक भाकरीची विक्री करत...
गुणवत्ता अन् विश्वासाचा ब्रॅण्ड ः...प्रथम गुणवत्तापूर्ण आणि दर्जेदार सीताफळ उत्पादक...
सर्व शेतीमाल संपूर्ण नियमनमुक्त ! ‘एक...पुणे ः सर्व शेतीमालाच्या संपूर्ण नियमनमुक्तीच्या...
कोरोनाच्या संकटातही गुळाचा गोडवा कायमकोल्हापूर : महापुराच्या तडाख्यात सापडूनही सरत्या...
दूध दराच्या दुखण्यावरील इलाजहल्लीच झालेल्या दोन आंदोलनात दूध दराच्या दोन...
‘रेपो रेट’शी आपला काय संबंध?भारतीय रिझर्व्ह बॅंकेने (आरबीआय) ऑगस्ट,...
आदिवासी तालुक्यांमध्ये कोरडा दुष्काळ...नाशिक: कोरोना विषाणूच्या फैलावामुळे राज्याचे...
शेतकरीविरोधी कायद्यावर ‘किसानपूत्र’चे...औरंगाबाद: किसानपूत्र आंदोलनाच्यावतीने...
कोल्हापुरात नद्यांच्या पाण्यात वाढ...कोल्हापूर: जिल्ह्याच्या बहुतांशी भागात पावसाचा...
राज्यात पावसाचा जोर ओसरला पुणे ः कोकण, मध्य महाराष्ट्रात गेल्या चार ते पाच...
शेतकरी विरोधी अध्यादेश रद्द करा मुंबई: केंद्र सरकारने ५ जून २०२० रोजी काढलेले...