Farmer Agricultural News Immigrants will get food grains pune maharashtra | Agrowon

पुणे जिल्ह्यातील ६६ हजार स्थलांतरित नागरिकांना मिळणार अन्नधान्य

टीम अॅग्रोवन
गुरुवार, 30 एप्रिल 2020

शरद भोजन योजनेच्या तिसऱ्या टप्प्यातील अन्नधान्याचे वाटप महाराष्ट्र दिनाचे औचित्य साधून करण्यात येणार आहे. प्रत्येक व्यक्तीला गहू आणि तांदुळ देण्यात येणार आहे. कोणताही पात्र लाभार्थी यापासून वंचित राहणार नाही आणि योजनेचा गैरवापर होणार नाही याबाबत सूचना केलेल्या आहेत.
- रणजीत शिवतरे, उपाध्यक्ष, जिल्हा परिषद, पुणे.

पुणे  : टाळेबंदीच्या काळात स्थलांतरित व कोणतेही कागदपत्र नसणाऱ्या मजूर नागरिकांना दोनवेळचे जेवण मिळण्यासाठी शरद भोजन योजनेतून अन्नधान्य वाटप करण्याचा निर्णय जिल्हा परिषदेने घेतला. जिल्हाभरात सर्वेक्षण करून यासाठी लाभार्थी निश्चित करण्यात आले आहेत. २४ हजार ३७२ कुटुंबांमधील ६५ हजार ७९९ नागरिकांना महाराष्ट्र दिनापासून गहू आणि तांदुळ वाटप करण्यात येणार असल्याची माहिती जिल्हा परिषदेचे मुख्य कार्यकारी अधिकारी आयुष प्रसाद यांनी दिली.

देशात टाळेबंदी जाहीर केल्यानंतर बाहेरील जिल्ह्यातील अनेक नागरिक अडकून पडले. रेशनिंग कार्ड व इतर कागदपत्रे नसलेल्या आणि रेशन खरेदी करू न शकणाऱ्या नागरिकांना जिल्हा परिषदेने शरद भोजन योजनेच्या तिसऱ्या टप्प्या अंतर्गत अन्नधान्य उपलब्ध करून देण्याचा निर्णय घेतला. जिल्ह्यात आठ दिवस सर्वेक्षणानंतर लाभार्थी निश्चित करण्यात आले आहेत. तर अद्याप देखील काही नागरिकांचे अर्ज अपलोड करणे शिल्लक असल्याचे अधिकाऱ्यांचे म्हणणे आहे, परंतु तुर्तास सर्वेक्षण थांबवण्यात आले आहे. मंगळवारपर्यंत (ता.२८) आकडेवारीनुसार शुक्रवारी (ता.१) प्रत्यक्षात धान्य वाटप करण्यास सुरूवात करण्यात येणार आहे.

चाकण आणि रांजणगाव एमआयडीसीमुळे खेड, शिरूर तालुक्यात, तर हवेली आणि मुळशी या तालुक्यांच्या शहरालगतच्या भागात उदरनिर्वाहासाठी राज्याच्या इतर भागातून आलेल्या नागरिकांची संख्या सर्वाधिक आहे. खेड तालुक्यातील सर्वाधिक ११ हजार ३५८, शिरूरमधील ११ हजार २६०, आणि मुळशीतील ११ हजार १३८ नागरिकांना या योजनेचा लाभ मिळणार आहे.

याशिवाय मुळशी तालुक्यात ११ हजार १३८ नागरिकांना, हवेलीमधील ९ हजार २१० नागरिकांना, दौंडमधील ५ हजार ३०७, पुरंदरमधील ३ हजार ८८९, भोरमधील ४ हजार १०२, बारामतीमधील १ हजार ७५१, इंदापूर २ हजार ११६, जुन्नरमधील १ हजार ८७८, मावळ १ हजार २११, आंबेगाव ८१५, वेल्हा २९३ नागरिकांना, तसेच जेजुरी नगरपालिका हद्दीतील १ हजार ११३, भोर १४२, शिरूर २०० आणि इंदापूर नगरपालिका हद्दीतील ११६ नागरिकांना धान्य वाटप करण्यात येणार आहे. त्यामध्ये अडीच किलो गहू आणि अडीच किलो तांदुळ दिले जाणार आहेत.

 


इतर ताज्या घडामोडी
सोलापूर जिल्ह्यात पावसामुळे महावितरणचे...सोलापूर ः महावितरणच्या अकलूज, पंढरपूर व...
वळण योजना प्रकल्प पूर्ण करा : भुजबळनाशिक : ‘‘जिल्ह्यातील पाणी पश्चिमेकडे वाहून...
कृषीकन्येकडून शेतकऱ्यांना मार्गदर्शनबदलापूर (जि.ठाणे) ः कृषी कार्यानुभव...
मालेगावात कांदा निर्यातबंदीच्या...मालेगाव, जि. नाशिक : गेल्या महिन्यात कांद्याला...
सोलापुरातील शेतकऱ्यांनो कृषी...सोलापूर : यंदाच्या वर्षासाठीची कृषी यांत्रिकीकरण...
जीवामृत निर्मितीचे प्रात्यक्षिकनशिराबाद, जि. बुलडाणाः येथील कृषीकन्या भाग्यश्री...
हिंगोलीतील सहा मंडळात अतिवृष्टीहिंगोली :जिल्ह्यात मंगळवारी (ता.२२) सकाळी...
द्राक्ष उत्पादकांची व्यापारी,...नाशिक : सुमारे ९५ टक्के द्राक्ष व्यापारी हे...
जळगाव जिल्ह्यात केळी उत्पादकांना विमा...जळगाव : शेतकरी प्रश्‍नी शरद जोशी प्रणित शेतकरी...
दुधना नदीला पूर, पिकांत पाणीच पाणीपरभणी : सेलू तालुक्यातील ब्रम्हवाकडी येथील निम्न...
उदगीरमधील ‘देवर्जन’ सात वर्षांनंतर भरलाउदगीर : देवर्जन (ता. उदगीर) येथील मध्यम...
बीड, लातूरमधील मंडळांत दमदार पाऊसऔरंगाबाद : औरंगाबाद, जालना, बीड, उस्मानाबाद,...
गिरणा पट्ट्यात पूर ओसरताच वाळूचा उपसा...जळगाव : गिरणा परीसरातील शेतकऱ्यांना पूर,...
सेस रद्द करा, अन्यथा बंद पुकारूपुणे ः केंद्र सरकारच्या कृषी आणि पणन विषयक तीन...
जळगावात बाजार समित्या बरखास्तीचे राजकारणजळगाव ः जिल्ह्यात दोन्ही काँग्रेस, शिवसेनेची...
शेतकऱ्यांसाठी सुखावणारा कायदा ः...कोल्हापूर ः शेती उत्पन्न व्यापार आणि वाणिज्य...
बुलडाण्यात दहा हजार हेक्टरवर क्षेत्र...बुलडाणा ः जिल्ह्यात शनिवार (ता. १९) व रविवारी (ता...
सिंधुदुर्ग जिल्ह्याला मुसळधार पावसाने...सिंधुदुर्ग ः जिल्ह्याच्या काही भागाला सोमवारी (ता...
अखेर ६६५ शेतकऱ्यांना विम्याचा लाभअकोला ः  सन २०१९ च्या खरीप हंगामात पंतप्रधान...
संत्रा वाहतुकीसाठी रेल्वेकडून वरूड...अमरावती : किसान रेल्वेच्या माध्यमातून येत्या...