farmer agricultural news industrialist gives help to farmer solapur maharashtra | Page 2 ||| Agrowon

संगेवाडीच्या नुकसानग्रस्त शेतकऱ्याला मिळाला मदतीचा हात...

सुदर्शन सुतार
बुधवार, 4 डिसेंबर 2019

‘सकाळ - ॲग्रोवन’चे खरोखर खूप आभारी आहोत. आपल्यामुळे पुण्यातील साहेबांनी आम्हाला मोठी मदत केली. यापुढेही मी मदत करेन असे त्यांनी सांगितले आहे. खरोखरच गरिबांना मदत करणारा तो खरा देवमाणूच होता. 
- यशवंत खंडागळे, नुकसानग्रस्त शेतकरी, संगेवाडी

सोलापूर  : दोन महिन्यांपुर्वी झालेल्या अतिवृष्टीने राज्यातील शेतकऱ्यांचे मोठे नुकसान झाले. संगेवाडीतील शेतकरी यशवंत खंडागळे यांचे देखील पिकांसह मोठे अर्थिक नुकसान झाले. याबाबतचे वृत्त `सकाळ` आणि `ॲग्रोवन`मध्ये प्रसिध्द झाले. या वृत्ताची दखल घेत पुणे येथील एका उद्योजकाने खंडागळे यांना मदतीचा हात दिला.

अतिवृष्टीमुळे दोन महिन्यांपूर्वी राज्यातील शेतीक्षेत्राला जबर फटका बसला. त्यात अनेक भागांतील शेतकऱ्यांच्या पिकांचे मोठे आर्थिक नुकसान झाले. डाळिंबाचे आगार असलेला सांगोला तालुकाही त्यातून सुटला नाही. याच तालुक्‍यातील संगेवाडीतील यशवंत खंडागळे या शेतकऱ्याची प्रातिनिधिक व्यथा ‘कळ्या अन्‌ फुलंच न्हाई, तर पावसानं आमचं नशीब बी झोडून नेलं’ अशा मथळ्याखाली ‘ॲग्रोवन’ आणि ‘सकाळ’च्या २१ नोव्हेंबरच्या अंकामध्ये ‘अवकाळीच्या कळा’ या सदरात मांडण्यात आली. सदर वृत्तातील खंडागळे कुटुंबीयांची व्यथा वाचून पुणे येथील उद्योजक प्रशांत बिराजदार यांनी सोमवारी (ता. २) संगेवाडीत येऊन शेतकरी यशवंत खंडागळे यांना रोख २३ हजार ११ रुपयांची आर्थिक मदत तर दिलीच, पण त्यांच्या पत्नीच्या डोळ्याच्या ऑपरेशनसाठी साह्य करण्याचे, तसेच मुलाच्या नोकरीसाठी प्रयत्न करण्याचे आश्‍वासन देत औदार्य दाखवले.

श्री. बिराजदार यांच्या या दातृत्वाने खंडागळे कुटुंबीय भारावून गेले. अनपेक्षितपणे त्यांना या संकटसमयी मिळालेल्या मदतीमुळे त्यांच्या चेहऱ्यावर समाधान तर उमटलेच, पण ‘ॲग्रोवन’ आणि ‘सकाळ’चे खासकरून त्यांनी आभार मानले आहेत. यशवंत खंडागळे यांची हलाखीची कौटुंबिक स्थिती आणि त्यात अतिपावसाने मोठ्या प्रमाणात डाळिंबाच्या बागेत झालेल्या फुलगळतीने उत्पन्नाचा हमखास मार्ग तर संपलाच, पण नव्याने उभे राहण्यासाठी त्यांची ताकद कमी पडणार होती. त्यातच खंडागळे यांच्या दोन मुलांच्या शिक्षणाचे व पत्नीच्या आरोग्याचा प्रश्‍न त्यांच्यासमोर उभा होता. मोलमजुरी करूनही कुटुंबाचा फक्त उदरनिर्वाहच होत असल्याने डाळिंबीच्या झालेल्या नुकसानीचा मोठा आघात भरून निघणे अवघड होते. शिवाय बॅंक आणि उसनवारीचे कर्ज डोक्‍यावर; अशा सर्व परिस्थितीचे वार्तांकन या वृत्तामध्ये करण्यात आले होते,

श्री. बिराजदार हेही शेतकरी कुटुंबातून आले आहेत. त्यांना या परिस्थितीची जाणीव आहे, खंडागळे कुटुंबाची ही व्यथा वाचून त्यांनी काय मदत करता येईल, याचा विचार केला आणि थेट त्यांच्या घरी जात ही मदत केली. याबाबत श्री. बिराजदार म्हणाले, की माझ्या मदतीमुळे त्यांना फार मदत होईल असे नाही. पण थोडासा आधार द्यावा, शक्‍य आहे ते करावे, या भावनेने मी ही मदत केली. यापुढेही त्यांच्या पत्नीच्या डोळ्याचे ऑपरेशन व मुलाच्या नोकरीसाठी शक्‍य ती मदत करू. कोणतीही अडचण येऊ द्या, मला फोन करा, अशा सूचनाही त्यांनी खंडागळे कुटुंबाना केली आहे.
 


इतर अॅग्रो विशेष
अर्जेंटिनाला होणार आंबा निर्यात पुणे : कोकणातील हापूस आणि मराठवाड्यातील केशर...
गावरान अळूची फायदेशीर व्यावसायिक शेतीसुमारे पंधरा गुंठ्यांत देशी गावरान अळूची शेती...
व्यवस्थापनाला मार्केटिंगची जोड देत...पॅालिहाउसमधील फूलशेतीसाठी एकेकाळी प्रसिद्ध असलेले...
‘पोकरा’ प्रकल्पात कृषी यांत्रिकीकरणाचे...अकोला  ः नानाजी देशमुख कृषी संजीवनी...
पोपटराव पवार, राहिबाई पोपेरे यांना...नवी दिल्ली : केंद्र सरकारकडून शनिवारी (ता. २५)...
कोयना धरणाच्या पोटात होणार आणखी एक धरणकोयनानगर, जि. सातारा ः येथील कोयना धरणाची...
मराठवाड्यातील चार जिल्ह्यांत केवळ १४...औरंगाबाद : संकटांशी दोन हात करून आपली शेती जिवंत...
खानदेशात रब्बीत अत्यल्प पीक कर्जवाटपजळगाव ः खानदेशात रब्बी हंगामातील पेरण्या जवळपास...
वटवाघळांचा मोर्चा आता द्राक्ष बागांकडेपुणे: वटवाघळांची वस्तीस्थाने आणि अधिवास...
गटाने तयार केला `कोकणरत्न' ब्रॅंडकुर्धे (जि. रत्नागिरी) गावातील श्री नवलाई देवी...
रासायनिक अवशेषमुक्त शेती हेच भवितव्य:...नाशिक : रासायनिक खते व कीटकनाशकांच्या...
विदर्भ, कोकणात उद्यापासून पावसाचा अंदाजपुणे : राज्याच्या किमान तापमानात चढ-उतार सुरूच...
कौशल्य, कृषी, उद्योग विभाग देतील...परभणी: पंतप्रधान कौशल्य विकास योजना आणि...
शेतकरीविरोधी कायद्यांबाबत सहा महिन्यांत...पुणे : शेतकरी आत्महत्यांना पूरक ठरणारे कायदे रद्द...
राज्यातील बाजार समित्या निवडणुका पुढे...पुणे: ज्या बाजार समित्यांच्या निवडणुका...
अण्णासाहेब पाटील महामंडळाने १०००...नगर : अण्णासाहेब पाटील आर्थिक मागास विकास...
शेती, जलसंधारण अन् शिक्षणाचा घेतला वसामांडाखळी (जि. परभणी) येथील मातोश्री जिजाऊ ग्राम...
रेशीम संजीवनीरेशीम उद्योगाचा विस्तार व विकास करण्याच्या...
ऑनलाइन बॅंकिंग करताय, सावधान!आधुनिक युगात विज्ञानामुळे नवनवीन शोधांमुळे मानव...
‘पोकरा’मध्ये अखेर जबाबदाऱ्यांचे विभाजनअकोला ः पोकरा प्रकल्पाच्या अंमलबजावणीत कृषी...