पुणे जिल्ह्यातील अनेक शेतकरी पीक विम्यापासून वंचित

पुणे ः पंतप्रधान पीक विमा योजनेतसहभागासाठी ३१ जुलै ही अंतिम मुदत होती. मात्र, ग्रामीण भागात शेतकऱ्यांना आॅनलाइन अर्ज भरताना सुविधा तत्पर न मिळाल्याने तसेच कागदपत्रे मिळवताना आलेल्या अडचणींमुळे पीक विम्यापासून जिल्ह्यातील अनेक शेतकरी वंचित राहिले.
संग्रहित छायाचित्र
संग्रहित छायाचित्र

पुणे  ः पंतप्रधान पीक विमा योजनेतील सहभागासाठी ३१ जुलै ही अंतिम मुदत होती. मात्र, ग्रामीण भागात शेतकऱ्यांना आॅनलाइन अर्ज भरताना सुविधा तत्पर न मिळाल्याने तसेच कागदपत्रे मिळवताना आलेल्या अडचणींमुळे पीक विम्यापासून जिल्ह्यातील अनेक शेतकरी वंचित राहिले. शुक्रवारी (ता.३१) दुपारपर्यंत जिल्ह्यातील १६,२६९ शेतकरी या योजनेत सहभागी झाले. गेल्यावर्षी सुमारे १८ हजार शेतकऱ्यांनी या योजनेचा लाभ घेतला होता.

नैसर्गिक आपत्ती, कीड व रोगांपासून पिकांना संरक्षण मिळावे, यासाठी पीक विम्याचा मोठा आधार शेतकऱ्यांना असतो. त्यामुळे शेतकऱ्यांचा कल विमा योजनेत सहभागासाठी असतो. कृषी विभागही जागृती करून शेतकऱ्यांचा योजनेत सहभाग वाढावा यासाठी प्रयत्न करतो. मात्र, यंदा ग्रामीण भागात इंटरनेट नेटवर्क पुरेसे नसल्यामुळे पीकविमा अर्ज स्वीकारताना बँकांनाही अनेक अडचणी आले. त्याचा फटका शेतकऱ्यांना बसला आहे. त्यातच ‘कोरोना’च्या पार्श्वभूमीवर निर्माण झालेल्या स्थितीमुळे योजनेसाठी आवश्यक कागदपत्रे मिळवताना शेतकऱ्यांना अनेक अडचणी आल्या आहेत. 

पीक विमा भरण्यासाठी केंद्राने स्वतंत्र आॅनलाइन प्रक्रिया सुरू केली आहे. परंतु ग्रामीण भागात सर्व्हरच्या अडचणी असल्याने पीक विमा भरण्यासाठी शेतकऱ्यांना रांगेत उभे राहावे लागले. काही ठिकाणी गावांची नावे नसल्याने त्यासंबंधी वरिष्ठ कार्यालयांना यांची माहिती दिली गेली तरीही या अडचणी सुटल्या नाहीत.

शिरूर तालुक्यातील करर्डे येथील शेतकरी भाऊसाहेब पळसकर म्हणाले, की मी पीक विमा भरण्यासाठी चार ते पाच चकरा मारल्या. परंतु आॅनलाइन अर्ज भरताना गावाची ग्रामपंचायत वेगळी दाखवत होते. त्यासंबंधी कृषी सहायकांना माहिती दिली. त्यांनीही वरिष्ठांना कल्पना दिली. परंतु अखेरपर्यंत अर्जामध्ये दुरुस्ती झाली नाही. अर्ज भरताना अनेक अडचणी आल्याने अनेक शेतकरी योजनेपासून वंचित राहिले आहेत. त्यामुळे अर्ज भरण्याकरिता शासनाने मुदतवाढ द्यावी, अशी आमची मागणी आहे.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com