नगर बाजार समिती दोन दिवसांत सुरु होणार

नगर ः बाजार समिती बंद असल्याने शेतकऱ्यांचे होणारे नुकसान टाळण्यासाठी नगर बाजार समिती दोन दिवसांत सुरु होणार आहे. गुरुवारी (ता.२६) सायंकाळी बाजार समिती व जिल्हा प्रशासन यांच्यात झालेल्या बैठकीत हा निर्णय घेण्यात आला. गर्दी टाळण्यासाठी बाजार समितीच्या भाजीपाला लिलाव होत असलेल्या आवारात फक्त विक्रेते, खरेदीदार, हमाल, मापाडी यांनाच प्रवेश मिळणार आहे.
संग्रहित छायाचित्र
संग्रहित छायाचित्र

नगर  ः बाजार समिती बंद असल्याने शेतकऱ्यांचे होणारे नुकसान टाळण्यासाठी नगर बाजार समिती दोन दिवसांत सुरु होणार आहे. गुरुवारी (ता.२६) सायंकाळी बाजार समिती व जिल्हा प्रशासन यांच्यात झालेल्या बैठकीत हा निर्णय घेण्यात आला. गर्दी टाळण्यासाठी बाजार समितीच्या भाजीपाला लिलाव होत असलेल्या आवारात फक्त विक्रेते, खरेदीदार, हमाल, मापाडी यांनाच प्रवेश मिळणार आहे.

कोरोना विषाणू संसर्गाच्या पार्श्वभूमीवर लाॅकडाऊन झालेले असताना भाजी खरेदीच्या नावाखाली चार दिवसांपूर्वी लोकांनी बाजार समितीत गर्दी केली. त्यामुळे शासनाने बाजार समित्या चालू ठेवणार असल्याचे सांगितले असले तरी नगर जिल्ह्यातील सर्व भाजीपाला बाजार ३१ मार्चपर्यंत बंद राहणार असल्याचा आदेश जिल्हाधिकारी राहुल व्दिवेदी यांनी काढला होता. मुळात सरकारच्या विरोधात जाऊन असा आदेश काढल्याचे बोलले जात असले तरी गर्दी टाळण्यासाठी असा निर्णय घ्याला लागल्याचे प्रशासनाकडून सांगण्यात आले होते.

कोरोना विषाणूचा संसर्ग टाळण्यासाठी देशातील व्यवहार २१ दिवस बंद राहणार आहेत. बाजार समिती बंद असल्याने शहरातील किरकोळ विक्रेत्यांना भाजी मिळेना झाली आहे. परिणामी शहरात भाजीटंचाई निर्माण झाली असून ग्रामीण भागात भाजीपाला शेतातच सडू लागला आहे.

त्यामुळे बाजार समितीतील व्यवहार चालू करण्याबाबत गुरुवारी जिल्हाधिकाऱ्यांसोबत बाजार समिती प्रशासनाची बैठक झाली. त्यानुसार भाजीबाजारात काम करणारे हमाल, मापाडी, व्यापारी आणि भाजी विक्रीसाठी आणणारे शेतकरी, शहरातील किरकोळ भाजी खरेदीदार यांना भाजीपाला बाजारात प्रवेश मिळणार आहे. त्यासाठी बाजार समिती आणि महानगरपालिकेकडून ओळखपत्रे दिली जाणार आहेत. या व्यक्तींव्यतरिक्त कोणालाही प्रवेश मिळणार नाही. त्यामुळे गर्दीवर नियंत्रणही मिळवता येणार आहे. आज (शनिवारी) किंवा उद्या (रविवारी) सर्व प्रक्रिया पूर्ण झाल्यानंतर बाजार समिती सुरु होईल, असे बाजार समितीचे सचिव अभय भिसे यांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com