Farmer Agricultural News NAFED will start onion procurement soon Nashik Maharashtra | Agrowon

`नाफेड`च्या माध्यमातून कांदा खरेदीसाठी हालचाली

टीम अॅग्रोवन
गुरुवार, 30 एप्रिल 2020

चालू वर्षी नाफेडकडून कांदा खरेदीसाठी हालचाली सुरू आहेत.त्यानुसार एप्रिलअखेर बैठक होऊन कामकाजाचे स्वरूप निश्चित होईल. नाफेड बाजार समित्या व शेतकरी उत्पादक कंपन्यांमार्फत कांदा खरेदी करणार आहे. या खरेदी प्रक्रियेला लवकरच सुरु होणार आहे. यामुळे कांदा उत्पादकांना दिलासा मिळणार आहे.
-नानासाहेब पाटील, संचालक, नाफेड,नवी दिल्ली.

नाशिक: केंद्र सरकार नाफेडच्या माध्यमातून मे महिन्याच्या पहिल्या आठवड्यापासून कांदा खरेदी करणार आहे.यासंबंधीचा प्रस्ताव पाठविण्यात आला असून बाजार समित्या व शेतकरी उत्पादक कंपन्यांच्या माध्यमातून कांदा खरेदी केला जाणार असल्याची माहिती नाफेडच्या फलोत्पादन विभागाचे कार्यकारी संचालक कमलेंद्र श्रीवास्तव यांनी दिली. त्यामुळे कांदा उत्पादकांना दिलासा मिळणार असून दर स्थिर राहण्यासाठी हातभार लागणार आहे.

राज्यात कांद्याची लागवड वाढली आहे. चालू वर्षातील खरीप हंगामात कांदा उत्पादकांचे मोठे नुकसान झाले आहे. त्यामुळे उन्हाळ कांदा विक्री सुरू असली तरी या कांद्यास सध्या अपेक्षित दर मिळत नसल्याचे शेतकऱ्यांचे म्हणणे आहे. त्यामुळे नाफेडच्या माध्यमातून शेतकऱ्यांना विक्रीचा पर्याय उपलब्ध होणार आहे. त्यामुळे नियमित बाजार समित्यांमधील कांदा विक्रीत स्पर्धा निर्माण होऊन दर स्थिर राहण्यासाठी मोठी मदत होणार आहे.

मागील वर्षी महाराष्ट्रातून ४८ हजार मेट्रिक टन तर गुजरातमधून ९ हजार मेट्रिक टन अशी ५७ हजार टन कांद्याची खरेदी झाली होती. हा आत्तापर्यंतच्या खरेदीतील उच्चांक ठरला होता. २०१८ मध्ये नाफेडचे २५ हजार मेट्रिक टन कांदा खरेदीचे उद्दिष्ट होते, मात्र १४ हजार मेट्रीक टनांपर्यंत कांदा खरेदी करण्यात आला होता. पुरेशी साठवण क्षमता नसल्याने काही अडचण आल्या होत्या. २०१९ मध्ये नाफेडने ५० हजार मेट्रिक टन कांदा खरेदीचे उद्दिष्ट असताना ५७ हजार टन मेट्रिकपर्यंत कांदा खरेदी केला होता.

चालू वर्षी महाराष्ट्र, गुजरात व मध्यप्रदेश या तीन राज्यांत कांदा खरेदी प्रस्तावित आहे. मागील वर्षी नाफेडने लक्ष्यांकापेक्षा ७ हजार मेट्रिक टन अधिक कांदा खरेदी केला होता. त्याच धर्तीवर केंद्र सरकारने चालू वर्षी १ लाख मेट्रिक टन कांदा खरेदीचे उद्दिष्ट नाफेडला दिल्याचे सूत्रांनी सांगितले. मात्र साठवणूक क्षमता मर्यादित असतानाही यावर्षी ७० हजार मेट्रिक टनांपर्यंत कांदा खरेदीचे नाफेडचे प्रयत्न असतील.

गुणवत्तापूर्ण व टिकाऊ कांद्याच्या खरेदीसाठी बाजार समित्यांसह शेतकरी उत्पादक कंपन्यांची मदत घेतली जाणार आहे. नाफेडकडे पुरेशी साठवणूक क्षमता नसल्याने व्यापारी, शेतकरी, इतर विभागांची साठवणगृहे, कांदाचाळी भाडेपट्टीवर घेण्यात येणार असल्याचे समजते.
 


इतर ताज्या घडामोडी
काही भागात पावसाच्या उघडिपीची शक्यता महाराष्ट्रावर बुधवार (ता.२३) पर्यंत  १००४...
राज्य द्राक्ष बागायतदार संघाची ...नाशिक: महाराष्ट्र राज्य द्राक्ष बागायतदार...
पांगरी परिसरात पिकांवर आस्मानी संकटपांगरी, जि. सोलापूर ः पांगरी (ता. बार्शी) परिसरात...
शेतमाल स्थानिक भागात विकला जाणार : भुजबळनाशिक : त्र्यंबकेश्वर तालुक्यात आदिवासी समाज...
परभणी, हिंगोली जिल्ह्यात पावसाचे थैमाननांदेड : मराठवाड्यातील परभणी, हिंगोली जिल्ह्यात...
नाशिक विभागात कांदा लागवडीत ८ हजार...नाशिक : चालू वर्षी खरीप कांद्याच्या लागवडीपूर्वी...
रावेर तालुक्यात सीएमव्ही नुकसानीचे...जळगाव ः कुकुंबर मोसॅक विषाणूमुळे (सीएमव्ही)...
हिंगोली जिल्ह्यात सोयाबीनच्या पिकाला...हिंगोली : जिल्ह्यामध्ये मागील काही दिवसांपासून...
मराठवाड्यात अतिपाऊस खरीप पिकांच्या...औरंगाबाद : मराठवाड्यात गत काही दिवसांपासून...
धुळ्यात लाळ्या खुरकूत रोग प्रतिबंधक...धुळे : धुळे जिल्ह्यात ३० सप्टेंबरपर्यंत...
पावसाचा डाळींब पिकाला तडाखाआटपाडी, जि. सांगली ः अवर्षण प्रवण असलेल्या आटपाडी...
मायक्रो फायनान्सचे चक्रव्यूह...मुंबई : ग्रामीण भागातील सूक्ष्म वित्त पुरवठा...
नगर जिल्ह्यात अतिवृष्टीचा चार हजार...नगर ः यंदा पावसाळ्याच्या सुरुवातीपासून चांगला...
कोकण कृषी विद्यापीठात बांबू कार्यशाळेचे...दापोली, जि. रत्नागिरी : जगभरात दरवर्षी १८...
अकोला जिल्ह्यातील सहा खत विक्रेत्यांचे...अकोला ः या हंगामात खत विक्रीत मोठ्या प्रमाणात...
सदोष बियाणेमुळे भेंडी बीजोत्पादक अडचणीतबुलडाणा ः लोणार तालुक्यातील शेतकऱ्यांनी या...
भातपीक कापणीत पावसाचा अडसररत्नागिरी : गेल्या काही दिवसांपासून सातत्याने...
ठाण्यातील १४ हजार हेक्टर पिकांचा काढला...मुंबई : ठाणे जिल्हा कृषी विभागाने यंदा पंतप्रधान...
औरंगाबादमध्ये कांदा ३०० ते २३०० रूपयेऔरंगाबाद : येथील कृषी उत्पन्न बाजार समितीमध्ये...
आरोग्यदायी विड्याचे पानकोणत्याही धार्मिक कार्यात, पूजेच्या ठिकाणी...