अठरा हजार टन कांदा आयात

नवी दिल्ली : केंद्र सरकारने १८ हजार टन कांदा आयात केला असून, २२ रुपये किलो या दराने तो राज्यांना उपलब्ध करून दिला असल्याची माहिती ग्राहक व्यवहार, अन्न व सार्वजनिक वितरण मंत्री रामविलास पासवान यांनी दिली.

केंद्राने १८ हजार टन कांदा आयात केला आहे. त्यापैकी आतापर्यंत २००० टन कांदा विक्री झाली आहे. कांदा महागाईचा दर नोव्हेंबरमध्ये १७२.३ होता तो डिसेंबरमध्ये ४५५.८ टक्क्यांवर पोहोचला. भाजीपाल्याचा महागाई दर नोव्हेंबरमध्ये ४५.३२ टक्के असा होता. डिसेंबरमध्ये तो ६९.६९ टक्क्यांवर पोहोचला.

पाच राज्यांनी केली केंद्राकडून कांदा खरेदी केंद्र सरकार कांदा वाहतूक खर्च करीत असून ना नफा ना तोटा या तत्त्वावर कांदा विक्री सुरू आहे. आंध्र प्रदेश, केरळ, तेलंगणा, उत्तर प्रदेश आणि पश्‍चिम बंगाल या राज्यांनी आतापर्यंत केंद्राकडून कांदा खरेदी केला असल्याचे श्री. पासवान यांनी नमूद केले.