लोणंद येथील कांद्याची आता एसटी बसने वाहतूक

लोणंद, जि. सातारा : एसटी महामंडळाने आता मालवाहतुकीस प्रारंभ केला आहे. लोणंद बाजार समितीतील कांदाही आता एसटी बसने राज्यासह देशभर पोचणार आहे. या बाजार समितीतील कांद्याचे व्यापारी राजू आग्रवाल यांनी कांदा कऱ्हाडला पाठवून एसटीतून कांदा वाहतुकीस प्रारंभ केला.
लोणंद बाजार समितीतून कांदा एसटी बसमधून कऱ्हाडला पाठवण्यात आला.
लोणंद बाजार समितीतून कांदा एसटी बसमधून कऱ्हाडला पाठवण्यात आला.

लोणंद, जि. सातारा  : एसटी महामंडळाने आता मालवाहतुकीस प्रारंभ केला आहे. लोणंद बाजार समितीतील कांदाही आता एसटी बसने राज्यासह देशभर पोचणार आहे. या बाजार समितीतील कांद्याचे व्यापारी राजू आग्रवाल यांनी कांदा कऱ्हाडला पाठवून एसटीतून कांदा वाहतुकीस प्रारंभ केला. 

यावेळी लोणंद कृषी उत्पन्न बाजार समितीचे उपसभापती दत्तात्रय बिचुकले, सचिव विठ्ठल सपकाळ, सहायक सचिव अमोल शेळके, कांदा व्यापारी राजू आग्रवाल, गोकुळदास शहा, रामदास सोळसकर, कऱ्हाड येथील कांद्याचे व्यापारी संतोष बागल, अमोल कांबळे उपस्थित होते. 

लोणंद येथे दर सोमवारी व गुरुवारी भरणाऱ्या कांदा बाजारात लोणंद बाजार समितीच्या कार्यक्षेत्रातील शेतकरी बैलगाडी, ट्रक, टेम्पो आदी वाहनांतून कांदा विक्रीसाठी आणतात, तर खरेदी केलेला कांदा व्यापाऱ्यांकडून ट्रक, टेम्पो व  रेल्वेनेही देशांतर्गत बाजारपेठेत पाठवला जातो. मात्र, एसटी बसमधून आता कांद्याच्या गोण्या अन्य बाजारपेठेपर्यंत पोचणार आहेत.

दरम्यान, एसटी बसने  राज्यातील कोणत्याही बाजारपेठेत मालवाहतूक करण्यास सोपे होणार आहे. वाहतुकीसाठीच्या होणाऱ्या खर्चात २५ टक्के बचत होऊन सुरक्षित मालवाहतूक होणार असल्याने व्यापाऱ्यांना एसटी बसने वाहतूक निश्‍चितच परवडणारी आहे. त्यामुळे पुढील काळात व्यापारी वर्गातून एसटीने माल वाहतूक करण्यास  पसंती मिळेल, असा विश्वास या वेळी राजू अग्रवाल यांनी व्यक्त केला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com