farmer agricultural news price increase of onion plants pune maharashtra | Agrowon

पुणे जिल्ह्यात कांदा रोपांच्या दरात वाढ

टीम अॅग्रोवन
गुरुवार, 5 डिसेंबर 2019

पावसामुळे कांद्याचे नुकसान झाल्याने दरात चांगलीच वाढ झाली आहे. यामुळे अनेक शेतकरी कांदा लागवडीवर भर देत आहेत. मात्र लागवडीसाठी रोपे मिळत नसल्याने दरात चांगलीच वाढ झाली आहे. काही शेतकरी मिळेल त्या भावात रोपांची खरेदी करून लागवड करत आहेत.
- दत्तात्रय जाधव, कांदा उत्पादक शेतकरी, परिंचे, ता. पुरंदर, जि. पुणे.

पुणे  ः वाढलेल्या कांदा दरामुळे पुणे जिल्ह्यातील बहुतांशी भागात कांदा लागवडीच्या कामाला वेग आला आहे. मात्र अवकाळी पावसामुळे मोठ्या प्रमाणात कांदा रोपे वाहून गेली तर काही ठिकाणी सडल्याने कांदा लागवडीसाठी रोपांची कमतरता जाणवत आहे. त्यामुळे कांदा रोपांचे बाजार गगनाला भिडले असून, प्रति जुडीच्या दरात दहा ते पंधरा रुपयांनी वाढ झाली आहे. काही ठिकाणी शेतकरी मिळेल त्या किमतीत रोपांची खरेदी करून कांदा लागवड करत आहे. त्यातच मजुरांची टंचाई व लोडशेडिंगचे प्रश्‍नही शेतकऱ्यांना भेडसावत असल्याचे कांदा उत्पादक शेतकऱ्यांनी सांगितले. 

पुणे जिल्ह्यात खरीप कांद्याचे सरासरी तीन हजार ३७० हेक्टर, लेट खरीप कांद्याचे ११ हजार ८३९ हेक्टर, तर रब्बी (उन्हाळी) कांद्याचे १८ हजार ९२६ हेक्टर क्षेत्र आहे. सध्या जिल्ह्यात जवळपास नऊ हजार हेक्टरपर्यंत लागवड झाली असल्याचे चित्र आहे. दरवर्षीच्या तुलनेत यंदा जिल्ह्यात पावसामुळे कांदा लागवड उशिराने सुरू झाली आहे. कांद्याची वाढती मागणी लक्षात घेता भविष्यात कांद्याला चांगला भाव मिळण्याच्या आशेने शेतकऱ्यांचा कांदा लागवडीकडे कल वाढला आहे.

जिल्ह्यात आगाप कांद्याची मोठ्या प्रमाणात लागवड झाली होती. मात्र अतिपावसामुळे लेट खरीप व रब्बी कांद्याच्या रोपांचे मोठ्या प्रमाणात नुकसान झाले आहे. त्यामुळे कांद्याच्या क्षेत्रात घट झाल्यामुळे बाजारभाव टिकून राहण्याचा अंदाज शेतकऱ्यांचा आहे. सध्या ग्रामीण भागात तीन दिवस आठ तास वीजपुरवठा दिवसा केला जातो. उर्वरित दिवस वीजपुरवठा रात्री केला जातो. त्यामुळे शेतकऱ्यांना कांदा लागवड करायला वेळ लागत आहे. त्यातच मजुरांची कमतरता व विजेचा लपंडाव यामुळे शेतकरी चांगलाच मेटाकुटीला आला असून, दिवसा वीजपुरवठा करण्याची मागणी शेतकऱ्यांकडून पुढे येत आहे.

एका जुडीला २५ ते ३० रुपये दर
आॅक्टोबर व नोव्हेंबर महिन्यांत झालेल्या अतिवृष्टी व हवामानातील बदलामुळे कांदा रोपांचे मोठ्या प्रमाणात नुकसान झाले असून, रोपांचा तुटवडा भासत आहे. शेतकरी मिळेल त्या ठिकाणी कांदा रोपांची खरेदी करत असून जुडीला २५ ते ३० रुपये मोजावे लागत आहे. कधी नव्हे एवढा भाव कांदा रोपांना मिळू लागल्याने अनेक शेतकरी कांदा लागवडीऐवजी कांदा रोपे विक्रीवर भर देऊ लागली आहेत.
 
मी दरवर्षी कांदा लागवड करतो. यंदाही आंतरपिकात चार एकरावर लागवड करणार आहे. त्यासाठी दहा किलो बियाणे टाकले आहे. रोपांची अवस्था चांगली असून, पुढील आठवड्यात कांद्याची लागवड करणार आहे. परंतु एकूणच परिसरात कांदा रोपांचे दर वाढले आहेत. त्यामुळे बियाणे विकत घेऊन रोपे तयार करण्याचा निर्णय घेतला असल्याचे पारगाव सालोमालो (ता. दौंड) येथील शेतकरी  ईश्‍वर अनिल वाघ यांनी सांगितले.


इतर ताज्या घडामोडी
मक्यापासून निर्मित जैवप्लॅस्टिकचा...मक्यातील स्टार्च आणि अन्य नैसर्गिक घटकांचा वापर...
जुन्या बागेमध्ये घडाच्या विकासाकडे लक्ष...द्राक्ष बागेमध्ये सध्या वातावरण चांगले असले, तरी...
औरंगाबाद विभागात उसाचे तीन लाख मेट्रिक...औरंगाबाद : या गाळप हंगामात ९ डिसेंबर अखेरपर्यंत...
औरंगाबाद जिल्ह्यात गव्हावर आढळला...औरंगाबाद : जिल्ह्यातील गव्हाच्या पिकावर खोडमाशीचा...
नावातील त्रुटी दुरुस्तीसाठी...वाशीम : पंतप्रधान शेतकरी सन्मान निधी योजनेअंतर्गत...
रत्नागिरी जिल्ह्यात खरिपाच्या विमा...रत्नागिरी : शेतकऱ्यांना नुकसानभरपाई मिळावी,...
शिरोळ, हातकणंगले तालुक्यांत ऊस...कोल्हापूर : ऊस वाहतूकदारांना नऊ टक्के वाढ...
‘नासाका’ सुरू करण्यासाठी शरद पवारांना...नाशिक : ‘नासाका’ पुन्हा सुरू व्हावा यासाठी दिल्ली...
कृषिपंपांना कॅपॅसिटर बसवा, ऑटो स्विचचा...नाशिक : वीजपुरवठा सुरू झाल्यानंतर कृषिपंप तत्काळ...
नांदेड, परभणी, हिंगोली जिल्ह्यांत दोन...नांदेड : नांदेड, परभणी, हिंगोली जिल्ह्यांत...
पीकविम्याच्या भरपाईसाठी प्रस्ताव पाठवा...सोलापूर : उत्तर सोलापूर, नरखेड, मार्डी, शेळगी,...
पुणे विभागातील १७०० गावांमधील भूजल...पुणे  ः यंदा मुबलक प्रमाणात पाऊस झाला असला,...
नगर जिल्ह्यातील कारखान्यांकडून पावणेसात...नगर  ः जिल्ह्यात १४ सहकारी व नऊ खासगी असे...
नवीन लाल कांद्याच्या दरात चढ-उतारनाशिक: अतिवृष्टीमुळे अनेक खरीप कांदा लागवडी बाधित...
कांदा दरवाढीनंतर कोबीला आले ‘अच्छे दिन’कोल्हापूर : कांद्याचे दर वाढल्याने हॉटेल...
भंडारा : शेतकऱ्यांना आज होणार विमा...मुंबई : भंडारा जिल्ह्यातील शेतकऱ्यांना खरीप २०१९...
...म्हणून सहा एकरांवरील द्राक्षबागेवर...नाशिक  : निफाड तालुक्यातील सोनेवाडी येथे...
राज्याला केंद्राकडून १५ हजार कोटी येणे...मुंबई  :  वस्तू व सेवा कर (जीएसटी)...
शिवनेरीवरून कर्जमाफीची घोषणा होण्याची...पुणे  ः मुख्यमंत्री उद्धव ठाकरे आज (गुरुवारी...
पंकजा मुंडे यांच्या स्वाभिमान...बीड  : लोकनेते गोपीनाथ मुंडे यांच्या...