Farmer Agricultural News sorghum production decrease due to unconditional weather Nagar Maharashtra | Agrowon

ज्वारी उत्पादन यंदाही आतबट्ट्यातच

सुर्यकांत नेटके
मंगळवार, 18 फेब्रुवारी 2020

जिल्ह्यात ज्वारीचे पीक घेतले जाते. यंदा पाऊस झाल्याने हे पीक चांगले येईल अशी आशा होती. मात्र रोगांचा प्रादुर्भाव झाल्याने उत्पादन कमी मिळत आहे. कडबा निघत असला तरी तो काळा पडलेला आहे. रोगामुळे ज्वारीचा रंगही काळवंडला असून बाजारात त्याचा दरावर परिणाम होणार आहे. त्यामुळे ज्वारी उत्पादक शेतकरीही अडचणीत आहेत. 
- प्रशांत गायकवाड, सभापती, बाजार समिती, पारनेर, जि. नगर
 

नगर ः दोन वर्षं दुष्काळाच्या झळा सोसल्यानंतर यंदा जोरदार परतीचा पाऊस झाल्याने ज्वारीची सुगी चांगली साधेल असा अंदाज ज्वारी उत्पादकांचा होता. मात्र पीक हाती येऊ लागल्यानंतर हा अंदाज फोल ठरत आहे. हवामान बदल आणि रोगाच्या प्रादुर्भावामुळे यंदा ज्वारी उत्पादनात घट झाली असून, उत्पादन खर्च आणि उत्पन्न यातील तफावत पाहता यंदाही ज्वारीचे पीक आतबट्ट्यात आहे. रोगाच्या प्रादुर्भावाने दरवर्षीच्या तुलनेत यंदा उत्पादनात सुमारे पन्नास टक्के घट झाली आहे. चाऱ्याचे उत्पादन झाले असले तरी रोगामुळे कडब्याचा दर्जाही फारसा चांगला नसल्याचे दिसत आहे. 

राज्यातील नगर, सोलापूर, उस्मानाबाद, बीड, लातूर, औरंगाबाद, पुणे, सातारा, सांगली आदींसह विदर्भातील काही जिल्ह्यांमध्ये ज्वारीचे उत्पादन घेतले जाते. राज्यात ज्वारीचे सरासरी क्षेत्र २६ लाख ७८ हजार ५१३ हेक्टर आहे. यंदा त्यापैकी ७१ टक्के म्हणजे १८ लाख ८८ हजार ९९५ हेक्टर क्षेत्रावर पेरणी झाली. राज्यासह नगरच्या बहुतांश भागांत गेल्या दहा वर्षांत सातत्याने पाणीटंचाई, पुरेसा पाऊस नसल्याचा फटका ज्वारी उत्पादनाला बसत आहे. गेली दोन वर्ष दुष्काळातच गेली होती. त्यामुळे पेरणीचे क्षेत्र सरासरीच्या तुलनेत थेट ५० टक्क्यांवर आले होते. त्यातही अनेक भागांत पाण्याअभावी पेरलेली ज्वारी जागेवर करपून गेल्याने उत्पादनात मागील काही वर्षाच्या तुलनेत ७० ते ७५ टक्के घट झाली होती.  

यंदा पावसाळ्यात पुरेसा पाऊस नसला तरी परतीच्या काळात जोरदार पाऊस झाला. त्यामुळे ज्वारीच्या क्षेत्रात पुन्हा वाढ होईल असा अंदाज होता. गेल्या दोन वर्षांच्या तुलनेत क्षेत्रात दहा ते पंधरा टक्के वाढ झाली. मात्र क्षेत्रात सरासरीच्या तुलनेत अपेक्षित वाढ झाली नाही. ज्वारीचे पीक चांगले आले होते. यंदा ज्वारीची सुगी साधेल, असा शेतकऱ्यांचा अंदाज होता. मात्र तो फोल ठरला आहे.

पोठरीत ज्वारी आली आणि वातावरण सतत बदलत राहिले. त्यामुळे चिकटा, करपा, माव्याचा पिकावर प्रादुर्भाव झाला. सध्या ज्वारीची काढणी सुरू आहे. जिल्ह्यात ज्वारीचे सरासरी एकरी दहा ते चौदा क्विंटल उत्पादन मिळते. यंदा मात्र ते एकरी तीन ते चार क्विंटलच उत्पादन निघत आहे. त्यामुळे हे उत्पादन पाहता खर्चही निघणार नसल्याने ज्वारीचे पीक यंदाही आतबट्ट्यातच आहे, असे चिचोंडी पाटील येथील शेतकरी शैलजा ठोंबरे यांनी सांगितले. 

 

ज्वारीचे नगर जिल्ह्यातील वर्षनिहाय पेरणी क्षेत्र (हेक्‍टर)
२०११-१२ २,८१,०००
२०१२-१३ ४,४४,७६३
२०१३-१४ ४,४४,८००
२०१४-१५   ४,४३,५२३
२०१५-१६ ५,३३,३५२
२०१६-१७ ३,२५,९००
२०१७-१८  २,८९,३९०
२०१८-१९ १,८५.७७९ 
२०१९-२०  २,६६,८००

 


इतर ताज्या घडामोडी
विनाकारण बाहेर फिरणाऱ्यांची ओवाळली आरतीअकोला ः ग्रामीण भागात ‘कोरोना’ची धास्ती वाढलेली...
नांदेड, परभणी, हिंगोली जिल्ह्यात केळी...नांदेड : लॅाकडाऊनमुळे वाहतुकीवर परिणाम झाला आहे....
मुंबई बाजार समितीत फळांची आवक वाढली मुंबई : जीवनावश्यक वस्तूंचा योग्य पुरवठा व्हावा,...
आंब्याची वाहतूक, वितरण व्यवस्थेतील...मुंबई : एप्रिलपासून आंब्याचा हंगाम सुरू झाला आहे...
कोल्हापुरात वाहतुक बंदीचा रेशीम कोषाला...कोल्हापूर : वाहतूक बंद असल्यामुळे शेतकऱ्यांचे...
मुख्यमंत्री साहायता निधीसाठी ‘कृषी’च्या...नाशिक: कोरोना विषाणूच्या प्रादुर्भावामुळे...
खानदेशात कडब्याच्या दरांवर दबाव जळगाव : खानदेशातून परराज्यासह इतर जिल्ह्यांत कडबा...
मदत व पुनर्वसन मंत्री देणार ४० हजार...चंद्रपूर ः खऱ्या अर्थाने पालकत्वाची जबाबदारी पार...
खानदेशात धान्याची शिवार खरेदी, मार्केट...जळगाव : खानदेशात धान्याची शिवार खरेदी बंद आहे....
भंडारा बॅंक देणार १५ एप्रिलपासून...भंडारा ः ‘कोरोना’ विषाणूचा प्रादुर्भाव...
नंदुरबार जिल्ह्यात पपईची कवडीमोल दराने...नंदुरबार : लॉकडाऊनचा फटका सर्वसामान्य...
जळगाव जिल्ह्यातील बॅंका पीक कर्ज...जळगाव : जिल्ह्यात अपवाद वगळता बॅंकांनी नव्याने...
हिंगोलीत एका व्यक्तीचा कोरोना चाचणी...हिंगोली : हिंगोली येथील जिल्हा रुग्णालयात भरती...
शब-ए-बारात, डॉ. आंबेडकर जयंतीला घरुनच...मुंबईः सध्या ‘कोरोना’ने सर्वत्र धुमाकूळ घातला...
खासगी डेअरीची संकलन यंत्रणा तोकडी;...नांदेड ः ‘कोरोना’ विषाणूचा संसर्ग रोखण्यासाठी...
नाशिक बाजार समितीमध्ये केवळ लिलावाला...नाशिक : ‘कोरोना’ विषाणूच्या वाढत्या...
पुणे, मुंबईत भाजीपाल्याची घरपोच सुविधा पुणे ः शहरातील नागरिकांसाठी भाजीपाला पुरवठा...
पुसदमध्ये शेतकरी कंपन्यांतर्फे...यवतमाळ : ‘लॉकडाऊन’च्या पार्श्‍वभूमीवर पुसद येथे...
लातूर जिल्ह्यातील द्राक्ष उत्पादक...चापोली, जि. लातूर : ‘कोरोना’चा फैलाव...
कोरोना’च्या संकटामुळे माळेगावचे गाळप...माळेगाव, जि. पुणे ः माळेगाव सहकारी साखर...