Farmer Agricultural News Unrest in Vidarbha due to the existence of locusts Nagpur Maharashtra | Agrowon

टोळधाडीच्या अस्तित्वाने विदर्भात पसरली अस्वस्थता

टीम अॅग्रोवन
शनिवार, 30 मे 2020

नागपूर   ः टोळधाड मध्यप्रदेशात परतल्याचे सांगितले जात असतानाच अमरावती आणि नागपूर जिल्ह्यात पुन्हा टोळधाडीचे अस्तित्व दिसून आल्याने शेतकऱ्यांमध्ये अस्वस्थता निर्माण झाली आहे. मोर्शी, वरुड तालुक्‍यातील अनेक शेतकऱ्यांनी त्यांच्या बागेतील संत्रा पिकाचे आणि भाजीपाला पिकांचे नुकसान झाल्याची माहिती दिली. त्यामुळे दोन्ही जिल्ह्यात अत्यल्प नुकसानीचा कृषी विभागाचा दावा फोल ठरला आहे.

नागपूर   ः टोळधाड मध्यप्रदेशात परतल्याचे सांगितले जात असतानाच अमरावती आणि नागपूर जिल्ह्यात पुन्हा टोळधाडीचे अस्तित्व दिसून आल्याने शेतकऱ्यांमध्ये अस्वस्थता निर्माण झाली आहे. मोर्शी, वरुड तालुक्‍यातील अनेक शेतकऱ्यांनी त्यांच्या बागेतील संत्रा पिकाचे आणि भाजीपाला पिकांचे नुकसान झाल्याची माहिती दिली. त्यामुळे दोन्ही जिल्ह्यात अत्यल्प नुकसानीचा कृषी विभागाचा दावा फोल ठरला आहे.

अमरावती आणि नागपूर जिल्ह्यात टोळधाडीने गेल्या रविवारपासून (ता.२४) संत्रा, भाजीपाला पिकावर हल्लाबोल केला. गेल्या आठवडाभरापासून अमरावती, नागपूर नंतर भंडारा जिल्ह्यातही टोळधाडीची दहशत अनुभवली गेली. कृषी विभागाने प्रतिबंधात्मक उपाययोजनांव्दारे कीड नियंत्रण सुरु केले आहे. परंतु त्यास अपेक्षित यश मिळाले नसल्याचे किडीचे या भागात कायम असलेल्या अस्तित्वावरून सिद्ध होत आहे. अमरावती जिल्ह्यातून टोळधाड मध्यप्रदेशात परतल्याचा दावा कृषी विभागाने केला होता.

मात्र गुरुवारी (ता.२८) मध्यरात्री मोरांगणा, राजूरा बाजार या भागातील एका पुलाखाली, रस्त्यालगत ही कीड पुन्हा दिसून आली. तब्बल चार किलोमीटर अंतर लांब ही झुंड होती. रस्त्यालगतच्या झुडपी वनस्पतींची पाने या किडीने फस्त केली. कृषी विभागाने आपल्या अहवालात नागपूर आणि अमरावती जिल्हयात अवघे ५० हेक्‍टरचे नुकसान झाल्याचा दावा केला आहे. परंतु संत्री, मोसंबी बागायतदार तसेच भाजीपाला उत्पादकांचे मोठ्या प्रमाणात नुकसान झाल्याचे शेतकरी सांगत आहेत. मोर्शी परिसरातील नवीन पेठे यांच्यासह अनेक शेतकऱ्यांनी दूरध्वनीव्दारे ही माहिती दिली.

नागपूर जिल्ह्यात जलालखेडा, रामटेक परिसरात ही कीड सध्या आहे. खरीप हंगाम अवघ्या काही दिवसांवर येऊन ठेपला आहे. या किडीची दहशत अशीच कायम राहिल्यास शेतकऱ्यांचा हंगाम धोक्‍यात येण्याची शक्‍यता वर्तविली जात आहे.

ड्रोनव्दारे होणार कीटकनाशक फवारणी
रात्रीच्यावेळी टोळधाड उंच झाडावर थांबते. अग्निशमन यंत्रणा त्यावर फवारणीस बऱ्याचअंशी प्रभावी ठरते. त्यासोबतच येत्या काळात ड्रोनव्दारे फवारणीचा पर्याय अवलंबिण्यात यावा, अशी सूचना शुक्रवारी (ता.२९) कृषिमंत्री दादा भुसे यांनी कृषी विभागाला केली आहे. परंतू कृषी विद्यापीठासह कोणत्याच कृषी यंत्रणेकडे याविषयी माहितीच नसल्याचे वास्तव या दरम्यान समोर आले आहे.


इतर अॅग्रो विशेष
विश्वजित माने प्रभारी कृषी आयुक्तपुणे : राज्याचे कृषी आयुक्त सुहास दिवसे यांची...
कृषी निविष्ठा विक्रेत्यांचा बंद मागे;...औरंगाबाद :  कृषी निविष्ठा विक्रेत्यांचा...
शण्मुख नाथन झटतोय निंब वृक्ष वाढीसाठीअकोला ः वृक्ष संवर्धन, पर्यावरणाच्या उद्देशाने...
देशात कृषी स्टार्टअपला वाव : संगीता...पुणे: जगात कृषी क्षेत्रातील प्रत्येक नववा...
सोयाबीन बियाणे न उगवल्याच्या राज्यात ५४...पुणे ः खरीप हंगामात सोयाबीन बियाणे...
कोकण, मध्य महाराष्ट्रात पावसाचा जोर...पुणे: मॉन्सून सक्रिय होण्यास पोषक हवामान होत...
आमचा विद्यार्थी सहा महिन्यातच पास झाला...मुंबई: आमचा विद्यार्थी सहा महिन्यातच पास झाला,...
बांगलादेशात रेल्वेद्वारे कांदा निर्यातनाशिक: जिल्ह्यातून मोठ्या प्रमाणावर कांदा...
देशात आता जनुक क्रांतीची गरज : माजी...पुणे: देशाला आता हरितक्रांती नव्हे तर आता जनुक...
शेळ्या-मेंढ्यांचे बाजार सुरु करा  नगर ः सध्या आषाढ महिना सुरु असून या महिन्यात...
बियाणे संबंधित तक्रारींचा तत्काळ निवाडा...नाशिक: निकृष्ट बियाण्यासंबंधी तक्रारी आल्यानंतर...
संत्रा उत्पादन वाढीचा अंदाजअमरावती ः पोषक वातावरणाच्या परिणामी या वर्षी...
मागण्या मान्य करा, अन्यथा दूध पुरवठा...औरंगाबाद  : अत्यल्प दर मिळत असल्याने आम्ही...
उथळ निर्णय की सखोल अभ्यासकेंद्र सरकारने ग्लायफोसेटचा वापर देशभर केवळ कीड...
लसीला लागण राजकारणाची ?‘कोरोना’ग्रस्ततेत अमेरिकेचा प्रथम क्रमांक आहे....
संगमनेर तालुका संघाकडून ५० टक्के...नगर: संगमनेर तालुका सहकारी दूध संघाने दूध...
उगाव येथे सामूहिक पातळीवर दशपर्णी अर्क...नाशिक: निफाड तालुक्यातील उगाव येथील श्री. श्री....
किसान क्रेडिट कार्डवर बिनव्याजी कर्ज...नाशिक: शेतकऱ्यांना शेतीकामासाठी आर्थिक मदत करणे...
दुधाला दर नसल्याने, दुभती जनावरे ...सोलापूर ः दुधाला मागणी असूनही केवळ योग्य तो दर...
मराठा समाजाला विश्वासात घेणार : अशोक...मुंबई : मराठा आरक्षणाच्या न्यायालयीन लढाईत राज्य...