मुंबई बाजार समितीसाठी आज मतमोजणी

मुंबई  : मुंबई कृषी उत्पन्न बाजार समिती निवडणुकीसाठी शनिवारी (ता. २९ फेब्रुवारी) चुरशीने ९२.५७ टक्के मतदान झाले आहे. ५८ उमेदवारांचे भवितव्य मतपेटीमध्ये बंद झाले असून, आज (ता. २) बाजार समिती मुख्यालय आवारामध्ये मतमोजणी होणार आहे.

राज्यातील ३०५ बाजार समित्यांची शिखर संस्था असलेल्या मुंबई कृषी उत्पन्न बाजार समितीच्या निवडणुकीसाठी ३४ जिल्ह्यांमध्ये हे मतदान झाले. सहा महसूल विभागांमधून १२ शेतकरी प्रतिनिधी व चार व्यापारी प्रतिनिधींची निवड करण्यासाठी मतदान प्रक्रिया राबवली गेली. या निवडणुकीत ५८ उमेदवार रिंगणात होते. महाविकास आघाडीचा प्रयोग या निवडणुकीमध्येही राबविण्यात आला. काँग्रेस, राष्ट्रवादी, शिवसेना व शेकापचा पॅनेलमध्ये समावेश आहे. भाजप नेत्यांनीही काही उमेदवारांना ताकद दिली होती. सर्वच राजकीय पक्षांनी ही निवडणूक प्रतिष्ठेची केली होती.

सहा महसूल विभाग व व्यापारी मतदारसंघांमध्ये एकूण १७ हजार ५१३ मतदार होते. महसूल विभागामध्ये ९८.७२ टक्के मतदान झाले असून, व्यापारी मतदारसंघामध्ये ८७.२१ टक्के मतदान झाले आहे. अमरावतीमध्ये ९९, कोकणामध्ये ९९.६४, पुण्यामध्ये ९९ टक्के मतदान झाले आहे.    विभागनिहाय मतांची टक्केवारी