Farmer Agricultural News weather smart village project in nine villages Nagar Maharashtra | Agrowon

नगर, पुण्यातील नऊ गावांत ‘हवामान स्मार्ट गाव’ उपक्रम

सुर्यकांत नेटके
शनिवार, 21 मार्च 2020

जागतिक हवामान बदलाचे परिणाम दिसू लागले आहेत. शेतकऱ्यांनी यावर कशी मात करावी, काय उपाययोजना राबवाव्यात, पाण्याचे नियोजन कसे करावे यांसह विविध बाबींचा सल्ला या उपक्रमातून दिला जाणार आहे. विद्यापीठातील शास्त्रज्ञ याबाबत शेतकऱ्यांना मार्गदर्शन करतील.
- डॉ. एम. जी. शिंदे, सहप्रकल्प समन्वयक, हवामान अद्ययावत शेती आणि जल व्यवस्थापन, महात्मा फुले कृषी विद्यापीठ.

नगर ः सातत्याने बदलत असलेल्या हवामानाची माहिती मिळून शेतकऱ्यांना त्यानुसार शेतीसह अन्य नियोजन करता यावे यासाठी महात्मा फुले कृषी विद्यापीठातर्फे नगर जिल्ह्यातील आठ व पुणे जिल्ह्यातील एक अशा नऊ गावांत हवामान स्मार्ट गाव उपक्रम राबवण्यात येणार आहे. पहिल्या टप्प्यातील ही गावे आहेत. उपक्रमांतर्गत या गावांत स्वयंचलित हवामान केंद्रे उभारली जात आहेत. शेतकऱ्यांना हवामानानुसार सल्ला आणि मार्गदर्शन केले जाणार असून, गावांत शेतकऱ्यांनी शेतीबरोबर पूरक व्यवसाय करावा यावरही भर राहणार आहे. सेवाभावी संस्थांच्या मदतीने हा उपक्रम यशस्वी राबवला जाणार आहे.

जागतिक हवामानबदलाचे परिणाम अलीकडच्या काही वर्षांपासून दिसून लागले आहेत. हवामानबदल आता लोकांनाही स्वीकारावा लागणार आहे. हवामानबदलाचे गंभीर परिणाम शेतीवर होत आहे. अचानक बदलणाऱ्या हवामानाचा पिकांना फटका बसत असून, सातत्याने नुकसान होत असल्याने शेतकरीही त्रस्त झाले आहेत. आता हवामान बदलानुसारच शेती करावी आणि त्यानुसार शेतकऱ्यांना सल्ला मिळावा यासाठी महात्मा फुले कृषी विद्यापीठाने प्रयत्न सुरू केले आहेत.

त्याचाच एक भाग म्हणून हवामान अद्ययावत शेती आणि जल व्यवस्थापन विभागामार्फत यंदा पहिल्या टप्प्यात नगर तालुयाक्यातील बाबुर्डी घुमट, अकोले तालुक्यातील टिटवी, गोंदणी, मान्हेरे, पिंपरकणे, लाडलगाव, शेणित, आंबेगव्हाण व जुन्‍नर (जि. पुणे) तालुक्यातील बुचकेवाडी अशा नऊ गावांत हवामान स्मार्ट गाव उपक्रम राबवला जाणार आहे. अकोल्यात जास्ती पाऊस पडणारी तर नगरमधील कमी पाऊस पडणारी गावे आहेत.

बाबुर्डी घूमट (ता. नगर) येथे हवामान स्मार्ट गावाचे उद्‍घाटन कृषी विद्यापीठाचे माजी विस्तार संचालक डॉ. हरि मोरे यांच्या हस्ते झाले. या वेळी हवामान अद्ययावत शेती आणि जल व्यवस्थापन विभागाचे प्रकल्प समन्वयक डॉ. सुनील गोरंटीवार, सरपंच जनार्धन माने, उमेश लगड, शांताराम खंडागळे, प्रकल्प सहसमन्वयक डॉ. एम. जी. शिंदे, अरुण देशमुख, अमोल धाडगे, महाऊर्जाचे अप्पासाहेब ठाणगे, अविनाश साब्रे, संशोधन सहयोगी डॉ. शुभांगी घाडगे, डॉ. सेवक ढेंगे, डॉ. वैभव मालुंजकर, डॉ. स्नेहल काकडे उपस्थित होते.

स्मार्ट हवामान गाव योजनेत विद्यापीठाकडे असलेल्या सर्व अत्याधूनिक सुविधांमधून शेतकऱ्यांना मार्गदर्शन केले जाणार आहे. निवड केलेल्यांसह परिसरातील गावच्या शेतकऱ्यांनाही त्याचा फायदा होणार आहे. शेतीसोबत पूरक व्यवसाय कसे उभे राहतील यासाठीही प्रयत्न केले जाणार असल्याचे विद्यापीठाच्या हवामान अद्ययावत शेती आणि जल व्यवस्थापन विभागातून सांगण्यात आले.
 


इतर ताज्या घडामोडी
निकोप स्पर्धेसाठी मोदी सरकारचा प्रयत्नशेती उत्पादन व्यापार व वाणिज्य (प्रोत्साहन आणि...
नगरमधील ३५ हजार शेतकरी विमा भरपाईपासून...नगर  ः जिल्ह्यात गेल्यावर्षी परतीच्या...
पुण्यात भाजीपाल्याची आवक घटली; दरात वाढपुणे  ः गुलटेकडी येथील पुणे कृषी उत्पन्न...
रत्नागिरी जिल्ह्यात हळव्या भात कापणीत...रत्नागिरी  : हळवे भात पीक कापणी योग्य झाले...
औरंगाबादमध्ये थेट शेतीमाल विक्रीची ...औरंगाबाद  : औरंगाबाद शहरासह ग्रामीण भागात...
नांदेडमधील पीक नुकसानीची...नांदेड : नांदेड जिल्ह्यात मागील काही दिवसांपासून...
हिंगोली, परभणीतील पीक नुकसानीचे तत्काळ...हिंगोली  ः अतिवृष्टीमुळे नुकसान झालेल्या...
पूरस्थितीचा गडचिरोली जिल्ह्यातील २०...गडचिरोली : जिल्ह्यात गोसेखुर्द धरणातून पाणी...
निर्यातीसाठी दर्जेदार हळद उत्पादन घ्याहिंगोली: हिंगोली जिल्ह्यात हळदीच्या क्षेत्रात...
लातूर, नांदेडमध्ये दमदार पाऊसपुणे ः राज्यातील अनेक भागांत पावसाचे वातावरण...
मराठवाड्यात सरासरीपेक्षा जास्त...मराठवाड्यातील बहुतांश क्षेत्र कोरडवाहू असून...
फूल उत्पादकांना आस दसरा, दिवाळीचीपुणे : टाळेबंदीत सर्वाधिक फटका बसलेल्या फूल...
लातूर विभागात २३ लाखावर शेतकऱ्यांना...उस्मानाबाद / लातूर : लातूर येथील विभागीय कृषी...
औरंगाबादमध्ये कांदा २०० ते ३२०० रूपये...औरंगाबाद : येथील कृषी उत्पन्न बाजार समितीमध्ये...
पुणे जिल्ह्यात पीककर्जाची होणार सहा...पुणे :  नियमित कर्ज फेडणाऱ्या...
मूग, उडीद खरेदीसाठी सोलापूर, बार्शी,...सोलापूर  : मूग, उडदाच्या आधारभूत किंमती...
खानदेशातील दुष्काळी भागातील प्रकल्पांत...जळगाव  ः खानदेशातील दुष्काळी भागातील निम्मे...
वाशीम जिल्ह्यात पिकांच्या नुकसानीचे...वाशीम  : ‘‘जिल्ह्यात गेल्या काही दिवसांत...
खानदेशात सोयाबीनची कापणी, मळणी लांबणीवर...जळगाव  ः खानदेशात काळ्या कसदार जमिनीत वाफसा...
हिंगोली, परभणीत एक लाख हेक्टर पिकांवर...हिंगोली, परभणी : अतिवृष्टी, ओढे - नाले, नद्यांचे...