कोरडवाहू शेतकऱ्यांसाठी प्रोत्साहनपर योजना घोषित करा : विजय जावंधिया

नागपूर ः सिंचन सुविधा असलेल्या हरियाणा राज्यात धानाऐवजी (तांदूळ) इतर पिके घेणाऱ्या शेतकऱ्यांसाठी प्रोत्साहन योजना जाहिर करण्यात आली आहे. या अंतर्गंत एकरी सात हजार रुपये दिले जातील. अशाप्रकारची प्रोत्साहनपर योजना देशातील कोरडवाहू शेतकऱ्यासांठी केंद्र सरकारने घोषित करुन आर्थिक असमतोल दूर करावा, अशी मागणी ज्येष्ठ अभ्यासक विजय जावंधिया यांनी केली आहे.
विजय जावंधिया
विजय जावंधिया

नागपूर   ः सिंचन सुविधा असलेल्या हरियाणा राज्यात धानाऐवजी (तांदूळ) इतर पिके घेणाऱ्या शेतकऱ्यांसाठी प्रोत्साहन योजना जाहिर करण्यात आली आहे. या अंतर्गंत एकरी सात हजार रुपये दिले जातील. अशाप्रकारची प्रोत्साहनपर योजना देशातील कोरडवाहू शेतकऱ्यासांठी केंद्र सरकारने घोषित करुन आर्थिक असमतोल दूर करावा, अशी मागणी ज्येष्ठ अभ्यासक विजय जावंधिया यांनी केली आहे.

पंतप्रधान नरेंद्र मोदी यांना कापूस उत्पादकांच्या प्रश्‍नांवर लिहिलेल्या पत्रातून त्यांनी ही मागणी केली आहे. पत्रानुसार, कोरोना महामारीमुळे देश, विदेशातील कापूस बाजारात मंदीचे वातावरण निर्माण झाले आहे. २०१८-१९ या वर्षात अमेरिकेतील न्यूयॉर्क कॉटन बाजारात ७५ ते ८५ सेंट प्रतीपाऊंड रुईचे दर होते. यावर्षी २५ मार्चच्या आधी हे दर ७० ते ७५ सेंट प्रतीपाऊंडवर पोचले. आता हे दर ५९ ते ६३ सेंट प्रतीपाऊंड आहेत. सरकीचे भारतातील दर १८०० ते २००० रुपये क्‍विंटल आहेत. त्यानुसार मुक्‍त बाजार व्यवस्थेत कापसाचे दर ४५०० ते ४६०० रुपये क्‍विंटलपेक्षा अधिक नाहीत. हे दर एक डॉलरच्या ७५ रुपये विनिमय दरानुसार काढण्यात आले आहेत. रुपया आणखी मजबूत झाल्यास हे दर आणखी कमी होतील. अशा स्थितीत सरकारने हमीभावाने कापसाची खरेदी करीत शेतकऱ्यांना दिलासा देण्याची गरज आहे. परंतू कॉटन कॉर्पोरेशन ऑफ इंडियाने आजवर ४० ते ४५ टक्‍केच कापूस खरेदी केला.

देशात सद्यःस्थितीत ३५० लाख गाठी कापसाचे उत्पादन होते. त्यामुळे मोठ्या प्रमाणावर कापूस शेतकऱ्यांकडे पडून आहे. या हंगामातील कापूस २० एप्रिलनंतर व्यापारी २५०० ते ४२०० रुपये क्‍विंटलने खरेदी करीत आहेत. सीसीआयने रुई गाठीचे दर ४६०० रुपये खंडीवरुन ३६०० रुपये केले आहेत. अशाप्रकारची मंदी राहिल्यास २०२०-२१ या हंगामातील कापूस दिवाळीनंतर बाजारात आल्यास मुक्‍त बाजारात त्याचे दर ४५०० रुपये क्‍विंटलपेक्षा अधिक राहणार नाहीत. त्यामुळे पंतप्रधानांनी २०२०-२१ या वर्षात शेतकऱ्यांनी कपाशीची लागवड करावी का नको याविषयी मार्गदर्शन करावे, असेही पत्रात नमूद आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com