संग्रहित छायाचित्र
संग्रहित छायाचित्र

जामखेड हाॅटस्पाॅट; नगर जिल्ह्यात कोरोनाबाधितांची संख्या ४४ वर

नगर ः जामखेडमध्ये कोरोनाबाधितांचा आकडा दिवसेंदिवस वाढतच आहे. कोरोनाबाधित रुग्णांच्या संख्येत जामखेड येथील आणखी तिघांची भर पडली. नगर जिल्ह्यात एकट्या जामखेडमध्येच आता कोरोनाबाधितांची संख्या सतरा तर जिल्ह्यातील बाधित रुग्णांची संख्या ४४ वर गेली आहे.

नगर  ः जामखेडमध्ये कोरोनाबाधितांचा आकडा दिवसेंदिवस वाढतच आहे. कोरोनाबाधित रुग्णांच्या संख्येत जामखेड येथील आणखी तिघांची भर पडली. नगर जिल्ह्यात एकट्या जामखेडमध्येच आता कोरोनाबाधितांची संख्या सतरा तर जिल्ह्यातील बाधित रुग्णांची संख्या ४४ वर गेली आहे.  

जिल्ह्यात कोरोनाबाधित रुग्णांची संख्या वाढत आहे. हॉटस्पॉट म्हणून घोषित केलेल्या जामखेडमध्ये ‘कोरोना’चा कहर वाढतच आहे. तेथे ३ मेपर्यंत संचारबंदी कायम राहणार असल्याने, अत्यावश्‍यक सेवाही बंद आहेत. प्रशासनही हॉटस्पॉट परिसरात सावध भूमिका घेत, कोरोनाबाधित रुग्णांच्या संपर्कातील लोकांचा शोध घेऊन त्यांना तातडीने जिल्हा रुग्णालयात दाखल करून घेत आहे. जिल्हा रुग्णालयाने पाठवलेल्या अहवालात व्यक्ती कोरोना पॉझिटिव्ह आढळून आल्या.

दरम्यान, जिल्ह्यातील कोरोनाबाधितांची संख्या आता ४४ वर गेली असून, त्यांपैकी २४ जणांना डिस्चार्ज दिला आहे, तर तिघांचा मृत्यू झाला आहे. प्रतिबंधात्मक आदेश व खबरदारीच्या उपाययोजनांचे नागरिकांनी स्वयंशिस्तीने पालन करावे. विनाकारण घराबाहेर पडू नये, अन्यथा कारवाई केली जाईल, असे जिल्हाधिकारी राहुल व्दिवेदी यांनी सांगितले.   अशी झाली लागण काही दिवसांपूर्वी मृत्यू झालेल्या जामखेड येथील रुग्णाची दोन्ही मुले कोरोनाबाधित झाली. त्यांच्या संपर्कातील दोन युवकांनाही लागण झाली. त्यानंतर त्यापैकी एकाच्या वडिलांना, नंतर त्याच्या दोन मित्रांना लागण झाली. पुन्हा त्यांच्याच संपर्कातील तीन व्यक्ती बाधित आढळून आल्या. त्यात दोन पुरुष व एका महिलेचा समावेश आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com