Farmers Agricultural News Marathi crops damage due to rain Aurangabad Maharashtra | Agrowon

तीन जिल्ह्यांतील ३९ मंडळात पावसाची हजेरी; पिकांचे नुकसान

टीम अॅग्रोवन
बुधवार, 1 एप्रिल 2020

अवकाळी पाऊस पिकांच्या मुळावर उठला आहे. ज्वारी व हरभऱ्याची मळणी करत असतानाच  अचानक वादळासह पाऊस आला आणि गोण्यांतील शेतीमाल भिजला
- धनंजय सोळंके, शेतकरी, नागापूर, जि. बीड.

औरंगाबाद : एकीकडे ‘कोरोना’चा प्रादुर्भाव रोखण्याचे आव्हान कायम असतानाच मराठवाड्यातील विविध भागांत अवकाळी पावसाचे सत्र सुरूच आहे. मंगळवारी (ता ३१) सकाळपर्यंतच्या चोवीस तासांत औरंगाबाद, जालना व बीड या तीन जिल्ह्यांतील ३९ मंडळात जोरदार वादळ व काही ठिकाणी तुरळक गारपीटसह अवकाळी पावसाने हजेरी लावली.

गेल्या चार ते पाच दिवसांपासून मराठवाड्यातील विविध भागांत अवकाळी पाऊस होत आहे. या पावसासोबतच वादळ व काही ठिकाणी होत असलेल्या गारपिटीमुळे फळ पिकांसह उशीराने पेरणी होऊन आता काढणीला आलेल्या रब्बी पिकांचे मोठे नुकसान होत आहे. सोमवारी (ता ३०) रात्री उशिरापर्यंत पावसाचा जोर कायम होता.

प्रशासनाच्या माहितीनुसार, मंगळवारी सकाळपर्यंतच्या चोवीस तासात औरंगाबाद जिल्ह्यातील उस्मानपुरा, कांचनवाडी, चिकलठाणा, करमाड, पिंपळवाडी, शिऊर, करंजखेडा, सोयगाव, सावलदबारा, आळंद या दहा मंडळात वादळी वाऱ्यासह अवकाळी पावसाने हजेरी लावली. जालना जिल्ह्यातील राजूर, वाग्रुळ, विटेगाव, रामनगर, जामखेड, रोहिलागड, गोंदी, परतुर, वाटुर, आष्टी, सातोना, शेलगाव, बावणे पांगरी, घनसावंगी, तीर्थपुरी, रांजणी, जांबसमर्थ, मंठा, तळणी, ढोकसाळ आदी वीस मंडळात अवकाळी पाऊस झाला. जालना जिल्ह्यातील शेलगाव मंडळात सर्वाधिक ११.७५ मिलिमीटर पावसाची नोंद झाली. औरंगाबाद व जालना जिल्ह्याच्या तुलनेत बीड जिल्ह्यात अवकाळी पावसाचा जोर अधिक होता.

बीड जिल्ह्यातील बीड, पाटोदा, गेवराई, माजलगाव, परळी, धारूर, वडवणी, आणि शिरूर कासार आदी तालुक्यांतील काही मंडळात वादळी वारे व काही ठिकाणी तुरळक गारपीटसह अवकाळी पावसाने हजेरी लावली. बीड तालुक्यातील पाली, राजुरी, लिंबागणेश, पेडगाव, चौसाळा, नेकनुर, पाटोदा तालुक्यातील पाटोदा, अमळनेर, गेवराई तालुक्यातील गेवराई व सिरसदेवी, माजलगाव तालुक्यातील गंगामसला व किट्टीवडगाव, परळी तालुक्यातील नागापूर, सिरसाळा, पिंपळगाव, धारुर तालुक्यातील मोहोखेडा, वडवणी तालुक्यातील वडवणी व कवडगाव तसेच शिरूर कासार तालुक्यातील रायमोह आदी १९ मंडळात अवकाळी पावसाने हजेरी लावली.

जिल्ह्यातील सिरसाळा मंडळात सर्वाधिक २७ तर पिंपळगाव मंडळात २५.२५, रायमोह १२.२५, गंगामसला १८.७५ तर राजुरी मंडळात ११.२५ मिलिमीटर पावसाची नोंद झाली. या पावसामुळे शेतकऱ्यांची धांदल उडाली तर काही शेतकऱ्यांचा मळणी केलेला व सोंगून ठेवलेला शेतीमाल भिजला.
 
पिकांना मोठा फटका
सिरसाळ्यात सोमवारी (ता.३०) सायंकाळी सहा वाजेच्या दरम्यान जोरदार अवकाळी पावसाने हजेरी लावली. यामुळे शेतकऱ्यांची धांदल उडाली. विजेचा कडकडाट, सोसाटयाच्या वाऱ्यासह सुमारे अर्धा तास पाऊस झाला. या महिन्यात तिसऱ्यांदा अवकाळी पावसाने शेतकऱ्यांना झोडपले. यामुळे काढणीला आलेली ज्वारी, कडबा, गहू, हरभरा या पिकांना पुन्हा फटका बसला. वादळामुळे अनेक ठिकाणी रस्त्यावर झाडे उन्मळून पडल्याचे चित्र आहे. तसेच आंबा पिकाचेही मोठे नुकसान झाल्याचे शेतकऱ्यांनी सांगितले.

पावसामुळे झालेल्या नुकसानीची कोणी दखल घेत नाही. विमा कंपन्यांच्या वेबसाईट बंद आहेत. विमा उतरविलेला आहे पण वेबसाईट बंद असल्याने कंपन्यांना पीक नुकसान कळवावे कसे हा प्रश्नच आहे, असे विरमगाव येथील आंबा उत्पादक  गवनाजी अधाने यांनी सांगितले.


इतर बातम्या
Breaking : मॉन्सून एक्सप्रेस केरळात...पुणे : नैर्ऋत्य मोसमी वारे (मॉन्सून) सोमवारी (ता....
राज्यात नवे २४८७ रुग्ण; सध्या ३४,४८०...मुंबई : राज्यात आज दिवसभरात २४८७ नवीन रुग्णांचे...
राज्य सरकारचे ‘पुनश्‍च हरीओम्’ :...मुंबई : कोरोनाच्या साथीचा प्रादुर्भाव रोखण्यासाठी...
शैक्षणिक वर्ष जूनपासूनच : मुख्यमंत्री...मुंबई : ‘‘शिक्षण हे जीवनावश्यक आहे ते...
अंतिम वर्षाची परीक्षा नाही :...मुंबई : सध्याच्या परिस्थितीत विद्यापीठाच्या...
टोळधाडबाधितांना मदत देणार : पंतप्रधान...नवी दिल्ली : देशातील अनेक भागांत टोळधाडीचे संकट...
पीकविम्याचे कामकाज या महिन्यातपुणे: राज्यातील शेतकऱ्यांना प्रधानमंत्री पीकविमा...
प्रतिबंधित क्षेत्राबाहेरील यंत्रमाग...मालेगाव, जि. नाशिक : ‘‘लॉकडाऊनमुळे यंत्रमागाची...
गोंधळी शिवारात ६२ हजारांचा एचटीबीटी...यवतमाळ ः कृषी विभागाच्या पथकाने अमरावती, यवतमाळ...
लोकांना पूर धोक्‍याची जाणीव करुन द्या ः...भंडारा ः वैनगंगा नदी तसेच इतर नदीकाठावरील खोलगट...
परवानगी नसलेल्या एचटीबीटी बियाण्यांचा...अमरावती ः घरपोच बियाणे वाटपाच्या माध्यमातून...
टोळधाड प्रादुर्भावग्रस्त क्षेत्राला...भंडारा ः भंडारा जिल्ह्यातील टोळधाड...
विदर्भ राज्य आंदोलन समितीचे ७ जूनला...अकोला ः कोरोनामुळे उद्योगधंदे, व्यापार, शेती,...
नांदेड जिल्ह्यात पाच हजारावर...नांदेड : किमान आधारभूत किंमत खरेदी योजनेअंतर्गंत...
शेतकऱ्यांनी डिजिटल व्यासपीठाचा वापर...पुणे ः कोरोनामुळे शेतीक्षेत्राचे चित्र बदलणार आहे...
‘सोयाबीन लागवड तंत्रज्ञान व प्रक्रिये’...परभणी : वसंतराव नाईक मराठवाडा कृषी विद्यापीठातील...
नांदेडमधील कापूस संशोधन केंद्रात...नांदेड : वसंतराव नाईक मराठवाडा कृषी...
नगर अर्बन बॅंकेला चाळीस लाखांचा दंडनगर : नगर अर्बन को-ऑपरेटिव्ह बॅंकेला रिझर्व्ह...
‘कुकडी’चे उन्हाळी आवर्तन सहा जूनला...नगर : ‘कुकडी’च्या उन्हाळी आवर्तनासाठी पुणे येथे...
दुग्ध व्यवसायाने घराला आधारशेतीपूरक व्यवसायामध्ये दुग्ध व्यवसाय पूर्वीपासूनच...