‘अवकाळी’ने पुणे जिल्ह्यात पिकांचे नुकसान

पुणे  ः पुणे जिल्ह्यातील दौंड, इंदापूर, शिरूर, बारामती, खेड, आंबेगाव, जुन्नर, पुरंदर, हवेली या तालुक्यांत बुधवारी (ता.२५) सायंकाळी वादळी वाऱ्यासह अवकाळी पावसाने हजेरी लावली. यामुळे गहू, मका, हरभरा, द्राक्षे, डाळिंब या पिकांचे मोठ्या प्रमाणात नुकसान झाले. परिणामी शेतकरी अधिकच संकटात आले आहेत .

एकिकडे दिवसेंदिवस ऊन वाढत असताना बुधवारी जिल्ह्यात अवकाळी पावसाने हजेरी लावली. यामुळे शेतकऱ्यांची चांगलीच धांदल उडाली. पावसामुळे शेतीमालाचे मोठ्या प्रमाणात नुकसान झाले. पावसामुळे गहू, हरभरा, मका, द्राक्षे या पिकांचे नुकसान झाले आहे. तसेच शेतात असलेल्या पालेभाज्या व फळपिकांवरही परिणाम झाला आहे. सध्या गहू, हरभरा या पिकांच्या काढणीचा कालावधी आहे मात्र ‘कोरोना’मुळे ही काढणी लांबली आहे.

शेतातील ज्वारीचा कडबा पावसाने भिजल्याने त्याचे नुकसान झाले असून उन्हाळ्यात चाऱ्याचा प्रश्न निर्माण होण्याची शक्यता आहे. तसेच पावसाने काढणीस आलेल्या कलिंगड, टरबूज या पिकांचेही पावसामुळे मोठ्या प्रमाणात नुकसान झाले आहे. या पिकांचे झाले नुकसान