त्र्यंबकेश्वरमधील आदिवासींना जीवनावश्यक वस्तुंचे वाटप

नाशिक : त्र्यंबकेश्वर तालुक्यातील वाड्यापाड्यांमधून अनेक आदिवासी बांधव शहरात व परिसरात रोजगारासाठी जातात. मात्र ‘कोरोना’च्या पार्श्वभूमीवर सुरु असलेल्या लॉकडाउनमुळे त्यांचा रोजगार अडचणीत आला आहे. ही बाब लक्षात आल्यानंतर नाशिक शहरातील सामाजिक संस्थांनी आदिवासी पाड्यांवरील गरजू कुटूंबांना गहू, तांदूळ, चहा पावडर, साखर, डाळी, मीठ, मसाले अशा जीवनावश्यक साहित्याचे वाटप केले.
त्र्यंबकेश्वऱ येथील आदिवासी पाड्यांवर सामाजिक अंतर पाळून शेतमजुरांना जीवनावश्यक साहित्याचे वाटप करण्यात आले.
त्र्यंबकेश्वऱ येथील आदिवासी पाड्यांवर सामाजिक अंतर पाळून शेतमजुरांना जीवनावश्यक साहित्याचे वाटप करण्यात आले.

नाशिक  : त्र्यंबकेश्वर तालुक्यातील वाड्यापाड्यांमधून अनेक आदिवासी बांधव शहरात व परिसरात रोजगारासाठी जातात. मात्र ‘कोरोना’च्या पार्श्वभूमीवर सुरु असलेल्या लॉकडाउनमुळे त्यांचा रोजगार अडचणीत आला आहे. ही बाब लक्षात आल्यानंतर नाशिक शहरातील सामाजिक संस्थांनी आदिवासी पाड्यांवरील गरजू कुटूंबांना गहू, तांदूळ, चहा पावडर, साखर, डाळी, मीठ, मसाले अशा जीवनावश्यक साहित्याचे वाटप केले.

शेतमजुरी करून संसार चालवणारी अनेक आदिवासी कुटुंबे त्र्यंबकेश्वर तालुक्यातील अतिदुर्गम वाड्यापाड्यांमध्ये वास्तव्य करतात. टाळेबंदीच्या आदेशाचे तंतोतंत पालन करताना अन्नाच्या शोधात त्यांची विवंचना सुरू होती. शहरांजवळील कुटुंबांना नेहमी मदत पोहचते. परंतु वंचित असलेल्या आदिवासी वाड्या-पाड्यात स्वस्त धान्य योजनेतील पात्र लाभार्थ्यांना, शासनाच्या पुरवठा विभागामार्फत अन्न-धान्य वगळता कुठलीही मदत पोहोचलेली नव्हती. अन्नधान्य तर मिळाले परंतु ते शिजवण्यासाठी रोज लागणारा किराणासारख्या वस्तू त्यांच्यापर्यंत पोहोचत नव्हत्या.

या परिसरात काम करणारे कृषी अधिकारी आनंद कांबळे यांनी ही बाब सामाजिक संस्थांपुढे मांडली.त्यानुसार तालुक्यातील दुगारवाडी, उर्मांडे, जांभूळवाडी, हर्षवाडी, कळमुस्ते, तळेगांव आदी गावांत शेकडो कुटुंबांना अन्नधान्याची गरज असल्याचे त्यांनी लक्षात आणून दिले.

त्यानुसार रुपल गुजराथी-वाघ यांनी तृप्ती महिला बहुउद्देशीय संस्था आणि स्त्री सृजन शक्ती बहुउद्देशीय सामाजिक विकास प्रबोधिनी यांच्या माध्यमातून त्र्यंबकेश्वर तालुक्यात आदिवासी पाड्यांवर मदत पोहोचवली. या उपक्रमात स्पेक्ट्रम इन्फ्रास्ट्रक्चर, तृप्ती उद्योग, बी.जी.वाघ फाउंडेशन, स्वयंसेवक प्रणिता देसाई, हार्दिक देसाई, अनुजा देसाई, कल्पेश जाधव, श्री.वसईकर, अक्षय वाघमारे, संतोष पुणेकर, अभिलाष वाघ यांनी सहभाग घेतला. हा उपक्रम राबविताना सामाजिक अंतर, हात धुणे आदींचे पालन करून प्रबोधनही करण्यात आले.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com