पुणे बाजारसमितीतर्फे कामगारांना जीवनावश्यक वस्तुंचे वाटप

पुणे  ः ‘कोरोना’च्या पार्श्वभूमीवर लॉकडाउनमध्ये सर्वात महत्त्वाची भूमिका पोलिस, डॉक्टरांसह सफाई कामगार बजावत आहेत. त्यामुळे त्यांच्या गौरवाबरोबरच त्यांच्या कुटुंबीयांसाठी जीवनावश्‍यक वस्तूंचा पुरवठा हा त्यांचे आणि कुटुंबीयांचे मनोबल वाढविणारा आहे, असे प्रतिपादन पणन संचालक सुनील पवार यांनी केले.

पुणे बाजार समितीच्या वतीने बाजार आवार स्वच्छ ठेवणाऱ्या कंत्राटी महिला कामगारांना जीवनावश्‍यक किराणा मालाचे वाटप शुक्रवारी (ता.१७) श्री. पवार यांच्या हस्ते करण्यात आले. यावेळी बाजार समितीचे प्रशासक बी.जे.देशमुख, कामगार नेते नितीन पवार, तोलणार संघटनेचे अध्यक्ष राजेंद्र चोरघे आदी उपस्थित होते.