farmers agricultural news marathi farmers agitation for crop insurance akola maharashtra | Page 2 ||| Agrowon

अकोट तालुक्यातील शेतकरी पीकविम्यासाठी संतप्त

टीम अॅग्रोवन
मंगळवार, 3 डिसेंबर 2019

अकोला : पिकांचे नुकसान होऊनही विमा कंपनीकडून भरपाई मिळत नसल्याने अकोट तालुक्यातील शेतकरी संतप्त झाले आहेत. सोमवारी (ता. २) या तालुक्यातील शेतकऱ्यांनी वेगवेगळ्या ठिकाणी अधिकाऱ्यांच्या भेटी घेत हा प्रश्‍न तत्काळ निकाली काढावा अशी मागणी केली. संत्रा व केळी उत्पादक शेतकऱ्यांनी जिल्हाधिकारी नरेंद्र लोणकर यांच्या उपस्थितीत आपली व्यथा मांडली. काही केळी उत्पादकांनी विमा कंपनीच्या कार्यालयात ठिय्या दिला. 

अकोला : पिकांचे नुकसान होऊनही विमा कंपनीकडून भरपाई मिळत नसल्याने अकोट तालुक्यातील शेतकरी संतप्त झाले आहेत. सोमवारी (ता. २) या तालुक्यातील शेतकऱ्यांनी वेगवेगळ्या ठिकाणी अधिकाऱ्यांच्या भेटी घेत हा प्रश्‍न तत्काळ निकाली काढावा अशी मागणी केली. संत्रा व केळी उत्पादक शेतकऱ्यांनी जिल्हाधिकारी नरेंद्र लोणकर यांच्या उपस्थितीत आपली व्यथा मांडली. काही केळी उत्पादकांनी विमा कंपनीच्या कार्यालयात ठिय्या दिला. 

‘संत्रा, केळी पिकांच्या नुकसानीचा सर्व्हे करून मदत द्या’ 
अकोट तालुक्‍यातील अकोलखेड, उमरा, पणज मंडळातील फळपिक उत्पादकांना नुकसान भरपाई द्यावी, ३० ऑक्टोबरला झालेल्या गारपिटीमुळे संत्रा व केळी पिकाचे नुकसान झाले असून सर्व्हे करावा, अकोलखेड मंडळाला केळी विम्याची बाकी राहलेली रक्कम मिळावी, या मागण्यांसाठी शेकडो शेतकरी जिल्हाधिकारी कार्यालयात दाखल झाले होते. या ठिकाणी आमदार नितीन देशमुख, प्रभारी जिल्हाधिकारी नरेंद्र लोणकर, निवासी उपजिल्हाधिकारी संजय खडसे, जिल्हा अधिक्षक कृषी अधिकारी मोहन वाघ उपस्थित होते.

शेतकऱ्यांनी आपल्या मागण्या अधिकाऱ्यांसमोर मांडत तातडीने मदत दिली जावी, अशी मागणी केली. शासनाने जाहीर केलेली हेक्टरी १८ हजारांची मदत द्यावी. उमरा व पणज मंडळात केळी पीकविम्यापोटी हेक्टरी ६६ हजार रुपये देण्यात आले. मात्र अकोलखेड मंडळाला दुजाभाव करीत केवळ ३३ हजार रुपये देण्यात आले याची चौकशी करावी अशी मागणी करण्यात आली.   

विमा कंपनीच्या कार्यालयावर धडकले शेतकरी  
गेल्या हंगामात केळी पिकाच्या झालेल्या नुकसानीपोटी विम्याचा लाभ दिला जावा यासाठी अकोट तालुक्यातील शेतकरी विमा कंपनीकडे पाठपुरावा करून थकले. मात्र, कंपनीकडून कुठलाही प्रतिसाद मिळाला नाही. सोमवारी (ता.२) अकोट तालुक्यातील ५० पेक्षा अधिक शेतकऱ्यांनी विमा कंपनीच्या येथील कार्यालयात आंदोलन केले.

अकोट तालुक्यातील शेतकरी फळ पीकविम्याच्या लाभासाठी सातत्याने पाठपुरावा करीत आहेत. काही शेतकऱ्यांनी ठिय्या आंदोलन केल्यानंतर लाभ मिळाला. परंतु अद्यापही शेकडो शेतकरी विमा रकमेपासून वंचित आहेत. त्या शेतकऱ्यांनीही विमा कंपनीकडे पाठपुरावा सुरु केला. काही दिवसांपूर्वी शेतकऱ्यांनी विमा कंपनीच्या कार्यालयात आंदोलन केले तेव्हा त्यांना सोमवारी विमा कंपनीचा अधिकारी उपस्थित राहून दावे निकाली काढेल असे सांगण्यात आले. त्यानुसार हे शेतकरी सोमवारी (ता.२) उपस्थित राहिले असता कोणताही अधिकारी या ठिकाणी आलेला नव्हता, अशी माहिती केळी उत्पादक शेतकरी अनिल रोकडे यांनी दिली.  


इतर ताज्या घडामोडी
सिंधुदुर्गमध्ये बांधले साडेपाच हजार...सिंधुदुर्गनगरी : जिल्ह्यात भासणाऱ्या संभाव्य...
अमरावतीत शेतकऱ्यांवर ४३ कोटींच्या...अमरावती : हंगामात बॅंकांकडून पीककर्जाच्या बाबतीत...
भंडाऱ्यात ८९५ शेतकऱ्यांचे सूक्ष्म...भंडारा : सूक्ष्म सिंचनाला जिल्ह्यात शेतकऱ्यांचा...
छत्तीसगडमध्ये आजवरची सर्वाधिक धान खरेदीरायपूर : : छत्तीसगडमध्ये आजवरची सर्वाधिक धान...
‘किसान गणतंत्र परेड’ शांततेतच होणार नवी दिल्ली : दिल्लीत सुरू असलेल्या आंदोलनाचा एक...
नक्षत्रांचे गणित चुकू लागलेगावातील वयोवृद्ध माणसे हाताच्या बोटांवर गणिते करत...
पुण्यात सर्वच भाजीपाल्यांचे दर स्थिरपुणे ः गुलटेकडी येथील कृषी उत्पन्न बाजार...
हवामान बदलाला अनुरूप पीक पद्धतीची गरजजागतिक पातळीवर विविध मार्गांनी हवेमधील कार्बन...
कृषी कायद्यांविरोधात शेतकरी विधवांचा...यवतमाळ : केंद्र सरकारच्या नव्या कायद्यांमुळे...
नांदेड जिल्ह्यात दोन लाख ७० हजार...नांदेड : जिल्ह्यात रब्बीमध्ये दोन लाख सत्तर हजार...
पावणेतीन हजार कोटींची कामे मंजूर ः...नांदेड : ‘‘कारोना संसर्गाच्या काळात विकास...
खानदेशातील प्रकल्पांत ५८ टक्के पाणीजळगाव ः खानदेशातील प्रमुख सिंचन प्रकल्पांमध्ये...
महिला शेतकऱ्यांच्या सक्षमीकरणासाठी...नाशिक : ‘‘शेती व शेतीच्या व्यवस्थापनात महिलांचे...
बर्ड फ्लूच्या सूचनांचे पालन करावे ः पंकेअंबाजोगाई, जि. बीड : ‘‘प्रशासनाकडून वेळोवेळी...
वायनरी, पैठणी व्यवसाय अभ्यासक्रम सुरू...नाशिक : ‘‘पुणे विद्यापीठाच्या नाशिक...
बार्शीत तुरीची आवक वाढलीबार्शी, जि. सोलापूर : बार्शी कृषी उत्पन्न बाजार...
शारदानगरमध्ये आयआयटी तंत्रापासून...पुणे : ‘कृषिक २०२१’ निमित्ताने बारामतीच्या...
वातावरणपूरक संत्रा जातींचे संवर्धन करा...अकोला : संत्रा उत्पादक शेतकऱ्यांना विशेषतः...
कारखान्यांनी सीएनजी गॅसही तयार करावा :...शिराळा, जि. सांगली : राज्याला समृद्धीच्या...
कायदे मागे घेण्यास भाग पाडू : किसान सभानाशिक: केंद्र सरकारला कृषी कायदे मागे घेण्यास भाग...