राहुरीतील कृषी विद्यापीठात उद्या कडधान्य दिनानिमित्त कार्यक्रम

महात्मा फुले कृषी विद्यापीठ
महात्मा फुले कृषी विद्यापीठ

नगर  : राहुरी येथील महात्मा फुले कृषी विद्यापीठात सोमवारी (ता. १०) जागतिक कडधान्य दिनानिमित्त कार्यक्रमाचे आयोजन केले आहे. या वेळी कडधान्य सुधारविषयी कृषी विद्यापीठ आणि कृषी विभाग शेतकऱ्यांशी संवाद साधणार आहे. 

१० फेब्रुवारी हा दिवस जागतिक कडधान्य दिवस म्हणून साजरा केला जातो. या निमित्ताने महात्मा फुले कृषी विद्यापीठ व कृषी विभाग यांच्या संयुक्त विद्यमाने कडधान्य सुधार प्रकल्पात कार्यक्रमाचे आयोजन केले आहे. विद्यापीठाचे कुलगुरू डॉ. के. पी. विश्वनाथा, संशोधन संचालक  डॉ. शरद गडाख, विद्यापीठातील कडधान्य सुधार प्रकल्पाचे प्रमुख एन. एस. कुटे, जिल्हा अधीक्षक कृषी अधिकारी शिवाजी जगताप, कृषी उपसंचालक विलास नलगे यांच्यासह कडधान्य प्रकल्पातील अधिकारी उपस्थित राहणार आहेत. 

या कार्यक्रमात कडधान्य सुधार, नवीन वाण, उत्पादन वाढ, हवामान बदलावर कशी मात करायची यासह अन्य बाबींवर शेतकऱ्यांशी चर्चा करून त्यांना तज्ज्ञ मार्गदर्शन करणार आहेत. कृषी विभागाने यासाठी शेतकऱ्यांना निमंत्रित केले आहे. शेतकऱ्यांनी कार्यक्रमाला उपस्थित राहावे असे आवाहन शिवाजीराव जगताप यांनी केले आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com