औरंगाबाद जिल्ह्यात खतांचा पुरवठा सुरळीत राहणार ः जिल्हाधिकारी उदय चौधरी

औरंगाबाद : जिल्ह्यात ‘कोरोना’च्या पार्श्वभूमीवर सुरू असलेल्या लॉकडाउनच्या कालावधीतही खतांचा पुरवठा सुरळीतपणे सुरू राहणार असून शेतकऱ्यांना आवश्यक प्रमाणात खते उपलब्ध होणार असल्याचे जिल्हाधिकारी उदय चौधरी यांनी सांगितले.
आढावा बैठकीत मार्गदर्शन करताना जिल्हाधिकारी उदय चौधरी
आढावा बैठकीत मार्गदर्शन करताना जिल्हाधिकारी उदय चौधरी

औरंगाबाद : जिल्ह्यात ‘कोरोना’च्या पार्श्वभूमीवर सुरू असलेल्या लॉकडाउनच्या कालावधीतही खतांचा पुरवठा सुरळीतपणे सुरू राहणार असून शेतकऱ्यांना आवश्यक प्रमाणात खते उपलब्ध होणार असल्याचे जिल्हाधिकारी उदय चौधरी यांनी सांगितले.

जिल्हाधिकारी कार्यालयात शनिवारी (ता. ११) खत पुरवठा  व वितरणाबाबत बैठकीचे आयोजन करण्यात आले. यावेळी जिल्हाधिकारी चौधरी यांनी संबंधितांना सूचना दिल्या. निवासी उपजिल्हाधिकारी संजीव जाधवर, जिल्हा अधीक्षक कृषी अधिकारी डॉ.तुकाराम मोटे, कृषी विकास अधिकारी आनंद गंजेवार यांच्यासह खत कंपन्यांचे प्रतिनिधी, माथाडी कामगार तसेच ट्रक वाहतूक युनियनचे प्रतिनिधी आदी उपस्थित होते.

जिल्हाधिकारी चौधरी म्हणाले, की जिल्ह्यात युरियासह इतर खते पुरेशा प्रमाणात उपलब्ध राहणार आहे. लॉकडाउन कालावधीत खतांच्या पुरवठ्यावर कुठल्याही प्रकारे बंधने येणार नसून सर्व शेतकऱ्यांना गरजेनुसार युरिया तसेच इतर खते मिळणार आहे. त्यादृष्टीने माथाडी कामगार, खत कंपनी प्रतिनिधी, ट्रक चालकांनी खत वितरणाचे काम सुरळीतपणे सुरू ठेवावे. ट्रक चालक, माथाडी कामगार, खत कंपन्यांचे कर्मचारी, वाहतूक व हाताळणी संस्थेचे कर्मचारी यांना पास देण्याच्या सूचनाही श्री.चौधरी यांनी बैठकीत दिल्या. पोलीस विभागाकडून खते वितरणामध्ये कुठलीही अडचण येणार नाही. लॉकडाऊन कालावधीत औरंगाबाद जिल्ह्यासाठी नियोजनाप्रमाणे कंपन्यांनी खत पुरवठा करावा. लॉकडाउन आहे म्हणून औरंगाबाद जिल्ह्याची रेल्वे रेक अन्य जिल्ह्यांकडे वळवू नये.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com