कर्जमाफीची पहिली यादी १५ फेब्रुवारीला शक्य

कर्जमाफीची पहिली यादी १५ दिवसांत प्रसिध्दी होईल, तसे नियोजन केले आहे. त्यानुसार संबंधित पात्र शेतकऱ्यांची रक्‍कम, आधार क्रमांकाची पडताळणी केली जाईल. त्यानंतर त्रुटींची पूर्तता करून लाभ दिला जाणार आहे. त्रुटींच्या पूर्ततेसाठी संबंधित शेतकऱ्यांना ऑनलाइन केंद्रांवर जावे लागणार आहे. ज्यांच्या रकमेचा अथवा आधार क्रमांकाचा आक्षेप आहे, त्यावर जिल्हाधिकारी निर्णय घेतील. — डॉ. आनंद जोगदंड, अप्पर आयुक्‍त, सहकार
संग्रहित छायाचित्र
संग्रहित छायाचित्र

सोलापूर : महाविकास आघाडी सरकारने राज्यातील शेतकऱ्यांना दोन लाखांपर्यंतची कर्जमाफी केली. सुमारे ३२ लाखांपर्यंत शेतकरी त्यासाठी पात्र ठरले असून, त्यामध्ये जिल्हा बॅंकांच्या १७ लाख कर्जदारांचा समावेश आहे. शेतकऱ्यांची रक्‍कम व आधार क्रमांकातील त्रुटींचा शोध घेण्यासाठी कर्जमाफीची पहिली यादी १५ फेब्रुवारीला प्रसिद्ध करण्याचे नियोजन सहकार विभागाने केले आहे.

दुष्काळ, नापिकी, अवकाळी, गारपीट यांसह अन्य नैसर्गिक संकटांचा सामना करणाऱ्या शेतकऱ्यांना कर्जमुक्‍त करण्याच्या हालचाली युद्धपातळीवर सुरू आहेत. मागील सरकारने दीड लाखांची कर्जमाफी केली.  परंतु, ऑनलाइनमुळे शेतकऱ्यांना तांत्रिक अडचणींचा सामना करावा लागला. आता महाविकास आघाडी सरकारने दोन लाखांची कर्जमाफी जाहीर केली. मात्र, मागील कर्जमाफीतील अडचणींचा विचार करून ऑफलाइन कर्जमाफीचा निर्णय घेतला. बॅंकांकडून गेलेल्या याद्यांनुसार लाभ मिळेल, असा विश्‍वास शेतकऱ्यांना होता.

परंतु, अंगठ्याचा ठसा देण्यासाठी व कर्जाची रक्‍कम, आधार क्रमांक बरोबर आहे की नाही, याची खात्री करण्याकरिता शेतकऱ्यांना पुन्हा आपले सरकार सेवा केंद्रांवर हेलपाटे मारावे लागणार आहेत. महसूल व सहकार विभागांच्या कार्यालयाबाहेर कर्जमाफीतील पात्र शेतकऱ्यांच्या याद्या प्रसिद्ध केल्यानंतर त्याचे वाचन केले जाणार आहे. त्रुटी असलेल्या शेतकऱ्यांनी त्रुटींची पूर्तता केल्याशिवाय त्यांना लाभ मिळणार नाही, असे सहकार विभागाने स्पष्ट केले आहे.  

ठळक बाबी

  • जिल्हा बॅंक अन्‌ राष्ट्रीयीकृत बॅंकांचे एकूण २९ लाख लाभार्थी
  • अंगठ्याच्या ठशासाठी (थंब इम्प्रेशन) लाभार्थ्यांना जावे लागणार आपले सरकार सेवा केंद्रांवर
  • आधार प्रमाणीकरण झाल्याशिवाय मिळणार नाही कर्जमाफीचा लाभ
  • कर्जाची रक्‍कम व आधार क्रमांकावरील आक्षेपावर जिल्हाधिकाऱ्यांचा निर्णय अंतिम
  • याद्या प्रसिद्ध झाल्यानंतर लाभार्थ्यांना कर्जाची रक्‍कम व आधार क्रमांक पडताळावा लागणार
  • Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Related Stories

    No stories found.
    Agrowon
    agrowon.esakal.com