Farmers Agricultural News Marathi flowers damage due to lack of transportation Nagar Maharashtra | Agrowon

नगर जिल्ह्यात लाख मोलाची फुले होताहेत मातीमोल

सुर्यकांत नेटके
रविवार, 29 मार्च 2020

आम्ही पाॅलिहाऊस उभारुन फुलांचे उत्पादन घेतो. आमच्या गावातील फुलांना परराज्यात मागणीही चांगली आहे. मात्र बंदमुळे ऐन हंगामात फुलांची वाहतूक बंद झाली आहे. त्यामुळे मोठे आर्थिक नुकसान होत असून आम्ही हतबल आहोत. शिवाय अवकाळी पावसाचेही संकट उभे राहिले आहे.
- सागर शेळके, फुलोत्पादक शेतकरी, अकोळनेर, जि. नगर.

नगर ः ‘कोरोना’च्या पार्श्वभूमीवर परराज्यातील वाहतुक बंद असल्याने त्याचा मोठा फटका फुलोत्पादकांना बसला आहे. ऐन हंगामात विक्री करता येत नसल्याने लाख मोलाची फुले फेकून द्यावी लागत आहे. एकट्या नगर जिल्ह्यात फुलोत्पादकांना दर दिवसाला सुमारे ५० ते ७५ लाखांचा फटका बसत असून आतापर्यंत सुमारे पाच ते सहा कोटींचे नुकसान झाल्याचा अंदाज व्यक्त केला जात आहे.
 

नगर जिल्ह्यामधील नगर, पारनेर, राहाता, संगमनेर तालुक्यात फुलांचे उत्पादन घेतले जाते. जिल्हाभरात सुमारे ३५० ते ४०० हेक्टर क्षेत्रावर फुलशेती आहे. यात सुमारे २५० हेक्टरवर पाॅलिहाऊस, शेडनेटच्या माध्यमातून फुलोत्पादन घेतले जाते. दर दिवसाला तोडणी करुन ही फुले हैद्राबाद, बडोदा, नागपूर भागात पाठवली जातात. ही फुले ट्रॅव्हल्स अथवा वैयक्तिक वाहनांतून नेली जातात.

कोरोना विषाणूचा संसर्ग रोखण्यासाठी सरकारने लाॅकडाऊन केले आहे. त्यामुळे गेल्या दहा दिवसांपासून फुलांची वाहतूक पुर्णतः थांबलेली आहे. फुलांची दर दिवसाला तोडणी करावी लागते, अन्यथा दोन दिवसांत फुले खराब होतात व त्याचा परिणाम झाडांवर होतो. त्यामुळे फुलोत्पादकांना नाईलाजाने लाख मोलाची फुले तोडून बांधावर टाकावी लागत असल्याने प्रती एकर सुमारे सात ते आठ हजार रुपयांचा फटका सोसावा लागत आहे.

नगर तालुक्यातील अकोळनेर हे फुलोत्पादनासाठी प्रसिद्ध आहे. येथील सुनील जाधव, शहाजी भोर, सागर शेळके,अरुण भोर, सागर भोर, रावसाहेब भोर, सचिन भोर, राहुल मैत्रे, रघुनाथ शेळके, अविनाश शेळके हे शेतकरी पाॅलीहाऊसच्या माध्यमातून फुलांचे उत्पादन घेतात. मात्र सध्या वाहतूक बंद असल्याने अकोळनेर गावांत फुले फेकून दिली जात असल्याने दर दिवसाला एक ते दिड लाखांचा फटका बसत आहे.

शिर्डी, राहाता परिसरातही मोठ्या प्रमाणात फुलोत्पादन घेतले जाते, मात्र श्री साईबाबा दर्शनही बंद असल्याने येथील फुलोत्पादकही आर्थिक फटका सहन करीत आहेत. नगर जिल्ह्यात दर दिवसाला फुलोत्पादकांना ५० ते ७५ लाखांचा फटका बसत असून आतापर्यंत सुमारे पाच ते सहा कोटींचे नुकसान झाल्याचा अंदाज व्यक्त केला जात आहे. त्यातच दोन दिवसांपासून अवकाळी पावसाचा फटका बसत असून वादळाने पाॅलिहाऊसचे नुकसान झाले असल्याने शेतकरी हतबल झाले आहेत.
 


इतर ताज्या घडामोडी
जी.  आर. चिंताला यांनी ‘नाबार्ड’च्या...मुंबई : डॉ. हर्षकुमार भानवाला यांचा कार्यकाळ...
जळगाव जिल्ह्यात मका, ज्वारी खरेदीसाठी...जळगाव : जिल्ह्यात शासकीय केंद्रात हमीभावात मका व...
कापूस खरेदीसाठी केंद्रांची संख्या वाढवा...जळगाव : शासकीय कापूस खरेदीला गती देण्यासाठी...
शेतकऱ्यांनो पीक कर्जाबाबत निश्चित राहा...नाशिक : ‘‘महात्मा फुले शेतकरी कर्जमुक्ती योजनेत...
नांदेड, परभणी, हिंगोली जिल्ह्यात १७ लाख...नांदेड : नांदेड, परभणी, हिंगोली जिल्ह्यात...
नांदेडमध्ये पीककर्जाच्या ऑनलाइन...नांदेड : यंदाच्या खरीप हंगामात जिल्ह्यातील...
इंदापुरात मका खरेदीसाठी ऑनलाइन नोंदणी...पुणे ः इंदापूर तालुका कृषी उत्पत्र बाजार...
थकीत एफआरपी द्या ः बळीराजा शेतकरी संघटनासातारा : कोरोनामुळे शेतकऱ्यांचे मोठे नुकसान झाले...
जालन्यातील ७६२ तूर उत्पादकांना...जालना : जिल्ह्यातील सहा हमी दर खरेदी केंद्रांवरून...
अमरावतीत २५ जिनींगव्दारे कापूस खरेदीअमरावती ः खरिपाच्या पार्श्‍वभूमीवर कापूस खरेदीला...
सोलापुरात खते, बियाणे थेट शेतकऱ्यांच्या...सोलापूर : यंदाच्या खरिपासाठी शेतकऱ्यांना थेट...
पुणे बाजार समिती उद्यापासून सुरू होणारपुणे ः कोरोना टाळेबंदीमुळे गेली सुमारे दीड...
चांदोरीत शॉर्टसर्किटमुळे १० एकर ऊस खाक चांदोरी, जि. नाशिक : निफाड तालुक्यातील चांदोरी...
बाजार समित्यांनी सीसीआयला मनुष्यबळ...वर्धा ः सीसीआयकडे आवश्‍यक ग्रेडर कमी आहेत....
औरंगाबादमध्ये खरिपातील बियाणे विक्री...औरंगाबाद : वसंतराव नाईक मराठवाडा कृषी...
मुख्यमंत्री अन्नप्रक्रिया योजना सुरूच...पुणे : गटशेती तसेच फार्मर प्रोड्युसर कंपनीच्या...
कृषी निविष्ठा बांधावर उपलब्ध करुन द्या...पुणे ः खरीप हंगामासाठी शेतकऱ्यांना बियाणे व खते...
माॅन्सूनपूर्वी करा कापसाची खरेदी ः...अमरावती ः वरुड तालुक्‍यात लॉकडाऊनमुळे सीसीआय तसेच...
टोळधाडबाधीत क्षेत्रातील मदतीचे प्रस्ताव...अमरावती ः जिल्ह्यात टोळधाडीच्या झुंडीने केलेल्या...
ताकारी योजनेचे पाणी चिखलगोठणला पोहोचलेसांगली ः ताकारी उपसा जलसिंचन योजनेच्या सुरू...