Farmers Agricultural News Marathi government do not gives order for crops panchanama Pune Maharashtra | Agrowon

पुणे जिल्ह्यात नुकसानग्रस्त पिकांच्या पंचनाम्याचे आदेशच नाहीत

टीम अॅग्रोवन
मंगळवार, 7 एप्रिल 2020

गेल्या आठ दिवसांपूर्वी आमच्या भागात अवकाळी पाऊस झाला होता. या पावसामुळे तोडणीला आलेल्या खरबुजाचे मोठे नुकसान झाले होते. त्याची माहिती कृषी विभागाने घेतली असली तरी पंचनामे अजूनही झालेले नाहीत. त्यामुळे शासनाने तातडीने पंचनामे करून नुकसान भरपाई द्यावी, अशी आमची मागणी आहे.
- केशव होले, प्रगतिशील शेतकरी, बिरोबावाडी, जि. पुणे. 

पुणे  ः गत आठवड्यात पुणे जिल्ह्यातील काही भागांत अवकाळी पावसामुळे पिकांचे मोठे नुकसान झाले. मात्र, ‘कोरोना’च्या पार्श्वभूमीवर शासनाने या नुकसानीचे पंचनामे करण्याचे आदेश दिलेले नाहीत. त्यामुळे शेतकऱ्यांना मोठा फटका बसणार आहे. 

गेल्या आठवड्यात जिल्हा अधीक्षक कृषी अधिकारी बाळासाहेब पलघडमल यांनी जिल्ह्यातील पिकांच्या नुकसानीची नजर अंदाजाद्वारे माहिती घेतली. या अहवालानुसार एकूण ७०५ हेक्टरवरील ३३ टक्क्यांपेक्षा जास्त नुकसान झालेल्या पिके, फळपिके तसेच शेतजमिनीला फटका बसला आहे. यामुळे जिल्ह्यातील १६७१ शेतकऱ्यांना आर्थिक फटका बसला आहे. नैसर्गिक आपत्तीमध्ये जिरायती क्षेत्रावरील पिकांचे नुकसान नसले तरी बागायती क्षेत्रावरील पिके आणि फळपिके मिळून पिकांचे मोठे नुकसान झाले आहे. या नुकसानीचे पंचनामे सुरू झालेले नाहीत.

जिल्ह्यात रब्बी पिके व भाजीपाल्याचे मोठे क्षेत्र आहे. त्यापैकी मावळ, मुळशी, भोर, वेल्हा, जुन्नर, आंबेगाव, खेड, शिरूर, दौड, इंदापूर, बारामती, हवेली, पुरंदर या तालुक्यांतील अनेक भागांत कमी-अधिक नुकसान झाले आहे. मात्र, कृषी विभागाकडील नजर अंदाज अहवालात बारामती, हवेली, आंबेगाव, मावळ या चार तालुक्यांतील ७१ गावांमध्ये पिकांचे नुकसान झाले असल्याचे समोर आले आहे. अगोदरच ‘कोरोना’च्या पार्श्वभूमीवर अडचणीत आलेला शेतकरी अवकाळी पावसामुळे अधिकच हतबल झाला आहे. 

जिल्ह्यात सर्वाधिक ४१८.६० हेक्टरवरील गहू पिकाचे नुकसान झाले आहे. तसेच १९० हेक्टरवरील हरभरा पिकाचे, ५७ हेक्टरवरील टोमॅटोचे, ०.३० हेक्टरवरील बाजरीचे, २.९० हेक्टरवरील ज्वारीचे, १३.७५ हेक्टरवरील ज्वारीचे, १८.८० हेक्टरवरील आंब्याचे, ०.२० हेक्टरवरील कलिंगडाचे, २.१० हेक्टरवरील फुल पिकांचे नुकसान झाले आहे.
 


इतर ताज्या घडामोडी
भाटी मिऱ्या समुद्रात नांगरलेली जहाज...चिपळूण, रत्नागिरी : निसर्ग चक्रीवादळाचा जोरदार...
जीएम पिकांच्या मान्यतेसाठी केंद्राकडे...नागपूर: जागतिकस्तरावर जीएम पिकांच्या लागवडीस...
विविध मागण्यांसाठी रेशन दुकानदार ...नाशिक: राज्यातील स्वस्त धान्य दुकानदार व...
मका खरेदी तातडीने सुरू कराबुलडाणा ः मोताळा तालुक्‍यात मागील दहा दिवसांपासून...
शेतकऱ्यांना त्रास झाल्यास भाजप आंदोलन...अकोला ः शेतकऱ्यांना बी-बियाणे, कर्जपुरवठा तसेच...
सिंधुदुर्गात पाऊस सुरूच सिंधुदुर्ग: जिल्ह्यात तिसऱ्या दिवशीही...
जादा खरेदी दर, नापासच्या अधिक ...अकोला ः महाबीजने सोयाबीन वाणाच्या प्रमाणित...
ऊस उत्पादक केंद्राचे वैरी आहेत काय? कोल्हापूर: केंद्र सरकारने शेतकऱ्यांना दिलेल्या...
अकोला जिल्हा परिषदेचा ७६ कोटींचा निधी...अकोला  ः ‘कोरोना’मुळे निर्माण झालेल्या...
हिंगोली जिल्ह्यात ५९ कोटींचे पीककर्ज...हिंगोली   ः हिंगोली जिल्ह्यातील विविध...
कापूस, सोयाबीन उत्पादक विमा...गडचिरोली: धान उत्पादक ३४ हजार शेतकऱ्यांना सुमारे...
नांदेडमध्ये ४७ कोटी ४७ लाखांचे पीक कर्ज...नांदेड : नांदेड जिल्ह्यातील बॅंकांनी...
जालन्यात पाच हजार टन खते एकाच दिवशी...जालना  : जिल्ह्यात एकाच दिवशी पाच हजार...
कर्जमुक्‍ती योजनेची प्रक्रिया ३०...भंडारा ः शासनाने जाहीर केलेल्या महात्मा ज्योतिराव...
जयपूरमध्ये वीज पडून लाखो रुपयांच्या...नाशिक : पूर्वमोसमी पाऊस सुरू झाल्यानंतर बागलाण...
बुलडाणा जिल्ह्यात १५ तारखेपर्यंत...बुलडाणा  : यंदा जिल्ह्यात मॉन्सूनपूर्व पाऊस...
भाजीपाल्याची थेट खरेदी विक्री व्यवस्था...पुणे ः कोरोना टाळेबंदीमध्ये शहरातील विविध भागात...
सातारा जिल्ह्यात सर्वदूर पावसाची हजेरीसातारा ः जिल्ह्यात सोमवारी सर्वदूर पावसाने हजेरी...
कापूस खरेदीसाठी शेतकऱ्यांचा रास्तारोकोयवतमाळ ः महागाव तालुक्‍यातील गुंज येथील...
पुणे जिल्ह्यात पीककर्ज वितरणात...पुणे ः लाॅकडाऊनच्या काळात होरपळून निघालेल्या...