सोलापुरातून द्राक्षांचे दोन कंटेनर नेदरलॅण्ड, इंग्लंडला रवाना

यंदा सततच्या आपत्तीमुळे द्राक्षनिर्यातीसाठी अडचणी आल्या. पण त्यातूनही वेळेत आम्ही सर्वोतपरी प्रयत्न करत सर्टिफिकेशन केले, याचे समाधान आहे. निर्यातीसाठी आणखी काही द्राक्षक्षेत्र शिल्लक आहे. त्याचे फायटो सर्टिफिकेशन लवकरच पूर्ण होऊन त्याचीही निर्यात होईल. - रविंद्र माने, कृषी उपसंचालक, कृषी विभाग, सोलापूर.
सोलापूर ः जिल्ह्यातून पहिल्या टप्प्यात ३२ टन द्राक्षांची निर्यात झाली
सोलापूर ः जिल्ह्यातून पहिल्या टप्प्यात ३२ टन द्राक्षांची निर्यात झाली

सोलापूर  ः कोरोना विषाणूच्या पार्श्वभूमीवर परदेशात शेतीमाल निर्यातीवर निर्बंध लावण्यात आले होते. पण शेतीमाल अत्यावश्यक सेवेत येत असल्याने आणि शेतकऱ्यांचे होणारे नुकसान लक्षात घेऊन केंद्र सरकारने हे निर्बंध उठवले होते. त्यानुसार यंदाच्या हंगामातील सोलापूर जिल्ह्यातील पहिले दोन कंटेनर द्राक्षे नेदरलॅण्डसह इंग्लंडला मंगळवारी (ता.३१) रवाना झाली आहेत.

गेल्या दोन वर्षांपासून द्राक्षशेती विविध नैसर्गिक आपत्तीमुळे अडचणीत आली आहे. यंदाही या शेतीची स्थिती फारशी वेगळी नाही. त्यात नव्याने आलेल्या कोरोना विषाणूच्या पार्श्वभूमीवर पुन्हा नवे संकट उभे ठाकले होते. पण सरकारने वेळीच लक्ष घालून शेतकऱ्यांसाठी मार्ग काढल्याने यंदा उशीरा का होईना पण निर्यातीचा प्रश्न सुटला आहे. सोलापूर जिल्ह्यात बार्शी, पंढरपूर आणि दक्षिण सोलापुरात तीन ठिकाणी खासगी निर्यातदारांचे पॅकहाऊस आहेत.

यंदा जानेवारी-फेब्रुवारीमध्ये आखाती देशात काही प्रमाणात द्राक्ष निर्यात झाली. पण युरोपीय बाजारपेठेत रेसिड्यु फ्री आणि अन्य तांत्रिक समस्यांमुळे निर्यातीच्या प्रक्रियेत वेळ जातो. त्यातही निर्यातीसाठी आवश्यक असणारे फायटो सॅनिटरी सर्टिफिकेशनमध्ये निर्यातदारांचा वेळ जातो. पूर्वी निर्यातदारांना पुणे किंवा मुंबईतून हे सर्टिफिकेट घ्यावे लागत होते. पण गेल्या दोन वर्षांपासून जिल्हा अधीक्षक कृषी अधिकारी बसवराज बिराजदार यांनी त्यासाठी पुढाकार घेत हे सर्टिफिकेशन जिल्हास्तरावरच देण्याचे नियोजन केले आहे. त्यासाठी कृषी उपसंचालक रविंद्र माने यांच्याकडे त्याची जबाबदारी आहे. निर्यातदारांकडील द्राक्ष आणि संबंधित सर्व तपासणी पूर्ण करुन वेळेत फायटो सॅनिटरी सर्टिफिकेशन निर्यातीसाठी आवश्यक आहे.

त्यानुसार यंदा देखील ही तपासणी वेळेत पूर्ण झाल्याने पहिल्या टप्प्यात मंगळवारी (ता.३१) नेदरलॅण्डला १६ टन ४८ क्विंटल आणि युकेला १६ टन ४५ क्विंटल अशी साधारण ३२ टनांहून अधिक द्राक्ष निर्यात झाली.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com