रत्नागिरी जिल्ह्यात भात, नाचणी पिकासाठी विमा योजना लागू

रत्नागिरी : रत्नागिरी जिल्ह्यात भात, नाचणी या पिकांसाठी खरीप हंगामाकरिता पंतप्रधान पीक विमा योजना लागू करण्यात आलेली आहे. त्यासाठी इफ्को टोकीओ जनरल इन्शुरन्स कंपनी लिमिटेड या कंपनीची नेमणूक केली असून कर्जदार तसेच बिगर कर्जदार शेतकऱ्यांसाठी ही योजना ऐच्छिक आहे.
संग्रहित छायाचित्र
संग्रहित छायाचित्र

रत्नागिरी  : रत्नागिरी जिल्ह्यात भात, नाचणी या पिकांसाठी खरीप हंगामाकरिता पंतप्रधान पीक विमा योजना लागू करण्यात आलेली आहे. त्यासाठी इफ्को टोकीओ जनरल इन्शुरन्स कंपनी लिमिटेड या कंपनीची नेमणूक केली असून कर्जदार तसेच बिगर कर्जदार शेतकऱ्यांसाठी ही योजना ऐच्छिक आहे.

खातेदारांव्यतिरिक्त कुळाने अगर भाडेपट्टी पद्धतीने शेती करणारे शेतकरी या योजनेत भाग घेण्यास पात्र आहेत. या योजनेमध्ये जोखमीची व्याप्ती वाढविण्यात आली असून पीक पेरणीपासून काढणीपर्यंतच्या कालावधीत नैसर्गिक आग, वीज कोसळणे, गारपीट, वादळ, चक्रीवादळ, पूर, क्षेत्र जलमय होणे, भुस्खलन, दुष्काळ, पावसातील खंड, कीड व रोग इत्यादी बाबींमुळे पिकांच्या उत्पन्नात येणारी घट या बाबींचा समावेश केला आहे.

कर्जदार शेतकऱ्यांना योजनेत सहभागी होण्याचा वा न होण्याचा पर्याय आहे. सहभागी न होण्याबाबतचे घोषणापत्र या शेतकऱ्यांना द्यावे लागणार आहे. जे शेतकरी स्वत:च्या स्वाक्षरीसह योजनेत सहभागी न होण्याबाबत घोषणापत्र देणार नाहीत, त्या सर्वांना योजनेत सहभाग बंधनकारक समजला जाईल. योजनेत सहभागी होणेबाबत अथवा न होणेबाबत घोषणपत्र शेतक-यांनी ज्या बँकेत किसान क्रेडीट कार्ड खाते आहे, ज्या बँकेकडून पीक कर्ज घेतले आहे त्या बँकेच्या शाखेमध्ये जमा करणे अपेक्षित आहे.

कर्जदार व बिगर कर्जदार शेतक-यांना विमा प्रस्ताव सादर करण्याची अंतिम मुदत ३१ जुलैपर्यंत आहे. भात पिकासाठी प्रति गुंठा शेतकरी हिस्सा रक्कम ९ रुपये १०पैसे तर विमा संरक्षित रक्कम ४५५ रुपये आहे. नाचणी पिकासाठी प्रति गुंठा शेतकरी हिस्सा रक्कम ४ रुपये तर विमा संरक्षित रक्कम २०० रुपये इतकी आहे. 

या योजनेत भाग घेण्यासाठी विहित नमुन्यातील अर्ज, आधार कार्ड, आधार नोंदणीची प्रत, सात बारा उतारा, भाडेपट्टा करार असलेल्या शेतक-यांचा करारनामा, सहमती पत्र, पेरणी घोषणापत्र, बॅंक पासबुकची छायांकित प्रत आदी कागदपत्रे आवश्यक आहेत. जिल्ह्यातील सर्व शेतक-यांनी पीक विमा योजनेत सहभागी होण्याचे आवाहन कृषी विभागाकडून करण्यात आले आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com