Farmers Agricultural News Marathi paddy soyabean sowing area may increase Pune Maharashtra | Agrowon

पुणे जिल्ह्यात खरिपात भात, सोयाबीनचे क्षेत्र वाढण्याचा अंदाज

टीम अॅग्रोवन
गुरुवार, 7 मे 2020

यंदा चांगला पाऊस पडण्याची अपेक्षा असल्याने शेतकऱ्यांनी खरिपाची तयारी सुरू केली आहे. त्यामुळे भात पिकाच्या क्षेत्रात गेल्या वर्षीच्या तुलनेत सुमारे तीन हजार तर सोयाबीनच्या क्षेत्रात सहा हजार हेक्टरने वाढ होण्याची शक्यता आहे. जिल्ह्यात सरासरी एवढ्या क्षेत्रावर पेरणी होईल असा विश्वास आहे.
- बी. जे. पलघडमल, जिल्हा अधीक्षक कृषी अधिकारी, पुणे.

पुणे  ः हवामान विभागाने चांगला पाऊस होईल असा अंदाज दिल्यामुळे पुणे जिल्ह्यातील शेतकऱ्यांनी खरीप हंगामाची तयारी सुरू केली आहे. कृषी विभागाने केलेल्या नियोजनानुसार जिल्ह्यात दोन लाख ३० हजार ९३७ हेक्टरवर पेरणी होण्याची शक्यता आहे. यात भात पिकाच्या क्षेत्रात गेल्या वर्षीच्या तुलनेत तीन हजार १०९ हेक्टरने वाढ होण्याचा अंदाज आहे.

गेल्यावर्षी जिल्ह्यात एक लाख ८४ हजार ३६ हेक्टरवर खरीप पेरणी झाली होती. यंदा चांगला पाऊस होईल असा अंदाज व्यक्त करण्यात आल्यामुळे शेतकऱ्यांनी एप्रिलपासूनच खरिपाची तयारी सुरू केली आहे. भात पट्ट्यातील शेतकऱ्यांनी सध्या शेती मशागतीची कामे हाती घेतली आहे. काही शेतकऱ्यांनी भाताच्या बियाण्याची उगवणक्षमता तपासून पाहण्याचे काम हाती घेतले आहे.

पूर्व पट्ट्यातील दौंड, इंदापूर, बारामती, पुरंदर, शिरूर भागातही शेतकऱ्यांनी नांगरणीची कामे सुरू केली आहे. जिल्ह्यातील शेतकरी खरिपात भात, ज्वारी, बाजरी, रागी, मका या पिकांची पेरणी करतात. कडधान्यामध्ये तूर, मूग, उडीद, भुईमूग, खरीप तीळ, कारळा, सूर्यफूल, सोयाबीन या पिकांनाही शेतकरी प्राधान्य देतात. भातापाठोपाठ यंदा सोयाबीनच्या क्षेत्रात वाढ होण्याची शक्यता आहे.

गेल्या वर्षी १९ हजार ७२ हेक्टरवर सोयाबीनची पेरणी झाली होती. यंदा गेल्या वर्षीच्या तुलनेत सहा हजार हेक्टरने क्षेत्रात वाढ होऊन सुमारे २५ हजार हेक्टरवर पेरणी होण्याचा अंदाज आहे, असे कृषी विभागाच्या सूत्रांनी सांगितले.
 
 

खरीप पिकांचे नियोजित क्षेत्र (हेक्टर) व अपेक्षित उत्पादन (टन)
पीक पिकांचे क्षेत्र अपेक्षित उत्पादन
भात ६२,५०० १,९०,६२५
खरीप ज्वारी १०२० १०९१
बाजरी ५५,००० ७४,२५०
रागी ४००० ३९८४
मका २५,९५० ७०,७६६
इतर तृणधान्ये ५५०० २०६३
तूर २११२ ११६२
मूग १८,५०० ६९३८
उडीद १८०० १०८०
इतर कडधान्ये ११,००० ४१८०
भुईमूग १६,८७० १८,५५७
खरीप तीळ १४० ४५
कारळा ११०० ३८५
सूर्यफूल ९५ ३८
सोयाबीन ५,००० ४४,२५०
इतर गळीतधान्ये १५० ५०
कापूस १५० ६८

 


इतर ताज्या घडामोडी
काही भागात पावसाच्या उघडिपीची शक्यता महाराष्ट्रावर बुधवार (ता.२३) पर्यंत  १००४...
राज्य द्राक्ष बागायतदार संघाची ...नाशिक: महाराष्ट्र राज्य द्राक्ष बागायतदार...
पांगरी परिसरात पिकांवर आस्मानी संकटपांगरी, जि. सोलापूर ः पांगरी (ता. बार्शी) परिसरात...
शेतमाल स्थानिक भागात विकला जाणार : भुजबळनाशिक : त्र्यंबकेश्वर तालुक्यात आदिवासी समाज...
परभणी, हिंगोली जिल्ह्यात पावसाचे थैमाननांदेड : मराठवाड्यातील परभणी, हिंगोली जिल्ह्यात...
नाशिक विभागात कांदा लागवडीत ८ हजार...नाशिक : चालू वर्षी खरीप कांद्याच्या लागवडीपूर्वी...
रावेर तालुक्यात सीएमव्ही नुकसानीचे...जळगाव ः कुकुंबर मोसॅक विषाणूमुळे (सीएमव्ही)...
हिंगोली जिल्ह्यात सोयाबीनच्या पिकाला...हिंगोली : जिल्ह्यामध्ये मागील काही दिवसांपासून...
मराठवाड्यात अतिपाऊस खरीप पिकांच्या...औरंगाबाद : मराठवाड्यात गत काही दिवसांपासून...
धुळ्यात लाळ्या खुरकूत रोग प्रतिबंधक...धुळे : धुळे जिल्ह्यात ३० सप्टेंबरपर्यंत...
पावसाचा डाळींब पिकाला तडाखाआटपाडी, जि. सांगली ः अवर्षण प्रवण असलेल्या आटपाडी...
मायक्रो फायनान्सचे चक्रव्यूह...मुंबई : ग्रामीण भागातील सूक्ष्म वित्त पुरवठा...
नगर जिल्ह्यात अतिवृष्टीचा चार हजार...नगर ः यंदा पावसाळ्याच्या सुरुवातीपासून चांगला...
कोकण कृषी विद्यापीठात बांबू कार्यशाळेचे...दापोली, जि. रत्नागिरी : जगभरात दरवर्षी १८...
अकोला जिल्ह्यातील सहा खत विक्रेत्यांचे...अकोला ः या हंगामात खत विक्रीत मोठ्या प्रमाणात...
सदोष बियाणेमुळे भेंडी बीजोत्पादक अडचणीतबुलडाणा ः लोणार तालुक्यातील शेतकऱ्यांनी या...
भातपीक कापणीत पावसाचा अडसररत्नागिरी : गेल्या काही दिवसांपासून सातत्याने...
ठाण्यातील १४ हजार हेक्टर पिकांचा काढला...मुंबई : ठाणे जिल्हा कृषी विभागाने यंदा पंतप्रधान...
औरंगाबादमध्ये कांदा ३०० ते २३०० रूपयेऔरंगाबाद : येथील कृषी उत्पन्न बाजार समितीमध्ये...
आरोग्यदायी विड्याचे पानकोणत्याही धार्मिक कार्यात, पूजेच्या ठिकाणी...