बॅंकांनी पीककर्ज प्रकरणे तत्काळ मार्गी लावावीत : मंत्री सुनील केदार

वर्धा ः जिल्ह्यात पात्र शेतकऱ्यांपैकी एकही शेतकरी पीककर्ज मिळण्यापासून वंचित राहणार नाही, याची दक्षता घेतानाच बँकांनी पीककर्ज प्रकरणे तत्काळ मार्गी लावावीत, असे निर्देश पशुसंवर्धन, दुग्ध व्यवसाय विकासमंत्री सुनील केदार यांनी दिले.
वर्धा येथे आढावा बैठकीत मार्गदर्शन करताना मंत्री सुनील केदार
वर्धा येथे आढावा बैठकीत मार्गदर्शन करताना मंत्री सुनील केदार

वर्धा  ः जिल्ह्यात पात्र शेतकऱ्यांपैकी एकही शेतकरी पीककर्ज मिळण्यापासून वंचित राहणार नाही, याची दक्षता घेतानाच बँकांनी पीककर्ज प्रकरणे तत्काळ मार्गी लावावीत, असे निर्देश पशुसंवर्धन, दुग्ध व्यवसाय विकासमंत्री सुनील केदार यांनी दिले. 

येथील जिल्हा परिषद सभागृहात मंत्री केदार यांनी नुकताच विविध विषयांचा आढावा घेतला. यावेळी ते बोलत होते. जिल्हाधिकारी विवेक भीमनवार, मुख्य कार्यकारी अधिकारी डॉ सचिन ओंबासे, उप वनसंरक्षक सुनील शर्मा, माजी आमदार अमर काळे उपस्थित होते. या बैठकीत पीककर्ज वितरण, कर्जमाफी, पीकविमा योजना, कापूस खरेदी, पाणी पुरवठा योजना, हेटिकुंडी जमीन प्रकरण, आर्वी देऊरवाडा रस्ता, सेवाग्राम विकास अशा विविध कामांचा आढावा घेण्यात आला.

शेतकऱ्यांना पेरणीचा खर्च भागविण्यासाठी पीक कर्जाची आवश्यकता असते. हे कर्ज वेळेत मिळाले तर शेतकऱ्यांसाठी ते उपयोगी ठरते. त्यामुळे प्रलंबित ३२०० पीक कर्ज प्रकरणांचा निपटारा करण्यासाठी जिल्हाधिकारी, मुख्य कार्यकारी अधिकारी, जिल्हा अधीक्षक कृषी अधिकारी, जिल्हा उपनिबंधकांनी वारंवार बँकांना भेट देऊन पाठपुरावा करावा, अशा सूचना श्री. केदार यांनी दिल्या.

पीक कर्जासाठी अर्ज न येणाऱ्या बँक शाखांची यादी तयार करावी. अशा गावांमध्ये तलाठी, कृषी सहायक, ग्रामसेवकांनी शेतकऱ्यांशी संवाद साधून त्यांना येणाऱ्या अडचणी सोडवत पीक कर्जासाठी अर्ज करण्यास प्रोत्साहित करावे.  बँकांनी पीककर्ज वाटपाची अद्ययावत माहिती जिल्हाधिकाऱ्यांना रोज द्यावी, असेही श्री. केदार यांनी सांगितले. बँकेत येणाऱ्या ग्राहकांसाठी बैठक व्यवस्था, पिण्याचे पाणी, शौचालय, सॅनिटायझर याची व्यवस्था करण्याबाबत देखील त्यांनी सूचना दिल्या.   कृषी विभागाच्या कामकाजाबाबत नाराजी मागील बैठकीवेळी सर्व बँका आणि ग्रामपंचायतींमध्ये पीक कर्जासाठी कोणती कागदपत्रे लागतात. याबाबत माहिती फलक लावण्याचे आदेश जिल्हा अधीक्षक कृषी अधिकाऱ्यांना दिले होते. मात्र कृषी विभागाने एकाही गावात असे फलक लावले नाहीत. तसेच कोणत्याही बँकेला पीक कर्ज वितरणाबाबत भेट दिली नाही, यामुळे श्री.केदार यांनी कृषी विभागाच्या कामकाजाबाबत नाराजी व्यक्त केली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com