पीक उत्पादनाबाबत गावनिहाय कृती आराखडा सादर करा : पालकमंत्री नितीन राऊक

नागपूर ः कापूस, सोयाबीन या पिकांसोबतच नियमित पिकांच्या उत्पादनाबाबत गावनिहाय कृती आराखडा सादर करण्याचे निर्देश पालकमंत्री डॉ. नितीन राऊत यांनी कृषी विभागाला दिले.
पालकमंत्री नितीन राऊत
पालकमंत्री नितीन राऊत

नागपूर  ः कापूस, सोयाबीन या पिकांसोबतच नियमित पिकांच्या उत्पादनाबाबत गावनिहाय कृती आराखडा सादर करण्याचे निर्देश पालकमंत्री डॉ. नितीन राऊत यांनी कृषी विभागाला दिले.

येथील जिल्हाधिकारी कार्यालयाच्या बचत भवन परिसरात नुकत्याच झालेल्या खरीप हंगामपूर्व आढवा बैठकीत त्यांनी हे निर्देश दिले. यावेळी गृहमंत्री अनिल देशमुख, पशुसंवर्धन व क्रीडामंत्री सुनील केदार, जिल्हा परिषद अध्यक्षा रश्‍मी बर्वे, खासदार कृपाल तुमाने, आमदार ॲड. आशिष जयस्वाल, समीर मेघे, टेकचंद सावरकर, राजू पारवे, जिल्हाधिकारी रवींद्र ठाकरे, मुख्य कार्यकारी अधिकरी योगेश कुंभोजकर, जिल्हा अधिक्षक कृषी अधिकारी मिलींद शेंडे उपस्थित होते.

डॉ. राऊत म्हणाले, की मुंबईला रेल्वेच्या माध्यमातून फळे व भाजीपाला पाठविण्याचे नियोजन करण्यात आले आहे. त्याचा लाभ नागपूर जिल्ह्यातील शेतकऱ्यांना व्हावा याकरिता प्रयत्न झाले पाहिजे. भिवापूर मिरची ही या भागाची विशेष ओळख आहे. या मिरचीला भौगोलिक मानांकन देखील मिळाले आहे. या मिरचीचे लागवड क्षेत्र वाढवत या तिला पुन्हा गतवैभव प्राप्त करुन देण्यासाठी कृषी विभागाने पुढाकार घेतला पाहिजे. जिल्ह्यात ३१ मार्चपर्यंत १८९९ ग्राहकांना वीज जोडणी देण्यात आली. २०१९-२० मध्ये ११२२ शेतकऱ्यांनी वीज जोडणीसाठी अर्ज केले तर १२१३ शेतकऱ्यांनी अनामत रक्‍कमेचा भरणा केला, अशी माहिती यावेळी देण्यात आली.   ११९० कोटींचे पीक कर्जवाटपाचे उद्दिष्ट खरीप हंगामासाठी शेतकऱ्यांना पीककर्ज उपलब्ध करुन देण्यात येत आहे. त्याकरिता ११९० कोटी रुपये वितरित करण्याचे उद्दिष्ट असल्याची माहिती या बैठकीत सहकार विभागाकडून देण्यात आली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com