गोंदिया जिल्ह्यात युरियाची टंचाई

गोंदिया ः पावसामुळे धान रोवणीला वेग आल्याने जिल्ह्यातील शेतकऱ्यांकडून युरियाला मागणीही वाढली आहे. अशातच जिल्ह्यात मागणीच्या तुलनेत पुरवठा कमी झाल्याने आता शेतकऱ्यांना युरिया टंचाईचा सामना करावा लागत आहे. परिणामी जिल्ह्यात उपलब्ध खताची जादा दराने विक्री होत असल्याने शेतकऱ्यांमध्ये रोष आहे.
संग्रहित छायाचित्र
संग्रहित छायाचित्र

गोंदिया  ः पावसामुळे धान रोवणीला वेग आल्याने जिल्ह्यातील शेतकऱ्यांकडून युरियाला मागणीही वाढली आहे. अशातच जिल्ह्यात मागणीच्या तुलनेत पुरवठा कमी झाल्याने आता शेतकऱ्यांना युरिया टंचाईचा सामना करावा लागत आहे. परिणामी जिल्ह्यात उपलब्ध खताची जादा दराने विक्री होत असल्याने शेतकऱ्यांमध्ये रोष आहे.

जिल्ह्यात यावर्षी १ लाख ८९ हजार हेक्टरवर धान लागवडीचे नियोजन आहे. परंतु जून महिन्यात पावसाने खंड दिल्याने धान रोवणीच्या कामावर परिणाम झाला आहे. दोन दिवसांपूर्वी जिल्ह्यात रोवणीयोग्य पाऊस झाला. परिणामी शेतकऱ्यांनी धान रोवणीच्या कामांना गती दिली. रोवणीच्यावेळी शेतकऱ्यांकडून युरियाचा मोठ्या प्रमाणावर वापर होतो. मात्र ऐन रोवणीच्यावेळीच बाजारातून युरिया गायब झाल्याने शेतकरी चिंतेत आहेत. युरिया खताची रॅक आली नसल्याचे कारण यामागे दिले जात आहे. 

विशेष म्हणजे ज्या विक्रेत्यांकडे युरिया उपलब्ध आहे ते शेतकऱ्यांची गरज लक्षात घेऊन जादा दराने युरियाची विक्री करीत आहेत. कृषी विभागाकडून यंदा जिल्ह्यासाठी १४ हजार ४०५ टन युरियाची मागणी नोंदवण्यात आली होती. त्यापैकी आजवर ९ हजार ७४३ टन युरियाचा पुरवठा झाला आहे. दरम्यान येत्या आठवड्यात जिल्ह्याला युरियाचा पुरवठा होईल. त्याकरिता लवकरच रॅक लागणार असल्याची माहिती कृषी विभागाकडून देण्यात आली.

अशी आहे खतांची मागणी (कंसात पुरवठा, मेट्रिक टन)  

  • युरिया : १,४४,०४५ (९७४३)
  • डीएपी : १३६४ (५६९)
  • सिंगल सुपर फॉस्फेट  : ६२८ (२०८३)
  • एमओपी : २५२ (१४२)
  • संयुक्त खते : ८३०५ (१४७७२)
  • Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Related Stories

    No stories found.
    Agrowon
    agrowon.esakal.com