अकोला : शेतमालाची नोंदणी कृषी विभागाकडे करा

अकोला ः ‘कोरोना’मुळे सर्वत्र संचारबंदी लागू झालेली आहे. त्यामुळे शेतकऱ्यांनाही भाजीपाला व फळे विकण्यास मोठी अडचण निर्माण झाली आहे. त्यावर कृषी विभागाकडून उपाययोजना केल्या जात आहेत. यासाठी शेतकऱ्यांनी भाजीपाला, फळांची नोंदणी कृषी विभागाकडे करावी असे आवाहन जिल्हा अधीक्षक कृषी अधिकारी मोहन वाघ यांनी केले आहे.
संग्रहित छायाचित्र
संग्रहित छायाचित्र

अकोला  ः ‘कोरोना’मुळे सर्वत्र संचारबंदी लागू झालेली आहे. त्यामुळे शेतकऱ्यांनाही भाजीपाला व फळे विकण्यास मोठी अडचण निर्माण झाली आहे. त्यावर कृषी विभागाकडून उपाययोजना केल्या जात आहेत. यासाठी शेतकऱ्यांनी भाजीपाला, फळांची नोंदणी कृषी विभागाकडे करावी असे आवाहन जिल्हा अधीक्षक कृषी अधिकारी मोहन वाघ यांनी केले आहे. शेतीमाल विक्रीची सोय करण्यासाठी तालुका कृषी अधिकारी व कृषी तंत्रज्ञान व्यवस्थापन (आत्मा) यंत्रणेने पुढाकार घेतला आहे.   

नागरिकांना जीवनावश्यक वस्तुंचा पुरवठा करण्याच्या उद्देशाने शेतकऱ्यांनी त्यांच्याकडे किती शेतीमाल आहे हे त्यांच्या मोबाइल क्रमांकासह कळवावे. जेणेकरुन मोठ्या शहरातील बाजार समितीचे घाऊक व किरकोळ व्यापारी तसेच महानगरपालिका यांना ही माहिती देता येईल व शेतीमाल विक्री होईल तसेच, सामान्य नागरिकांना या संचारबंदीच्या काळात ताजा भाजीपाला, फळे मिळू शकतील.

मूर्तिजापूर तालुक्यातील शेतकऱ्यांनी सदर माहिती गावातील कृषीमित्र, कृषी सहाय्यक, कृषी पर्यवेक्षक, आत्मा यंत्रणेचे तालुका, सहाय्यक  तंत्रज्ञान व्यवस्थापक, मंडळ कृषी अधिकारी यांच्याकडे दयावी, असे तालुका कृषी अधिकारी अमृता काळे यांनी सांगितले.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com