मूर्तिजापूरमध्ये उद्यापासून सीसीआयची कापूस खरेदी

अकोला   ः भारतीय कपास निगम अर्थात सीसीआयचे कापूस खरेदी केंद्र मूर्तिजापूर येथील बाजार समितीच्या आवारात सुरु करण्यास परवानगी मिळाली असून या तालुक्यातील कापूस उत्पादक शेतकऱ्यांना आता आजपासून (ता.११) नोंदणी करता येणार आहे. येथे मंगळवारपासून (ता.१२) प्रत्यक्ष खरेदी सुरु होणार आहे, अशी माहिती जिल्हा उपनिबंधक डॉ. प्रवीण लोखंडे यांनी दिली आहे.

हे केंद्र सुरु करण्यासाठी पालकमंत्री बच्चू कडू, केंद्रीय राज्यमंत्री संजय धोत्रे व आमदार हरिष पिंपळे यांनी पाठपुरावा केला होता. मूर्तिजापूर कार्यक्षेत्रातील शेतकऱ्यांचा कापूस खरेदी होण्याच्या दृष्टीने सीसीआयचे कापूस खरेदी केंद्र सुरु व्हावे अशी मागणी आमदार पिंपळे यांनी केली होती. यासंदर्भात ३० एप्रिलला पालकमंत्री कडू यांनीही बैठक घेऊन निर्देश दिले होते. तर केंद्रीय राज्यमंत्री धोत्रे यांनीही याच आठवड्यात आढावा बैठक घेऊन याबाबत निर्देश दिले होते. त्यादृष्टीने सीसीआयची कापूस खरेदी केंद्र सुरु करण्याची प्रक्रिया पुर्ण झाली आहे.

मूर्तिजापूर तालुक्यातील शेतकऱ्यांनी सोमवारी सकाळी ११ ते दुपारी ४ या वेळेत नितीन पाठक मो. ९४०५१५३२५६, श्रीमती गावंडे मो. ७०३८६९२४४७ यांच्याशी संपर्क करून ही नोंदणी फोनवरुन करावी. नोंदणीसाठी प्रत्यक्ष येण्याची गरज नाही. कोरोना विषाणूच्या पार्श्वभूमीवर प्रतिबंधात्मक उपाययोजनांचा अवलंब करावा, असे आवाहन बाजार समितीला करण्यात आले आहे.