farming agricultural business cotton rate will depend on cotton percentage vardha maharashtra | Agrowon

रुईच्या टक्‍केवारीवर ठरणार कापसाचा दर ! पहिलाच प्रयोग...

विनोद इंगोले
गुरुवार, 5 डिसेंबर 2019

कापसातील रुई ३३ टक्‍केच अपेक्षित धरली जाते. सध्याच्या काही कापूस वाणांमध्ये ३७ ते ४२ टक्‍के रुईचे प्रमाण असल्याचे सिद्ध झाले आहे. रुईच्या या वाढीव टक्‍केवारीचा फायदा शेतकऱ्यांना होण्यासाठी कापूस खरेदीच्या ठिकाणी मिनी जिनिंग सयंत्र बसवावे लागतील.

- गोविंद वैराळे,ज्येष्ठ कापूस तज्ज्ञ.

वर्धा ः कापसातील रुईची टक्‍केवारी विचारात घेत त्याआधारे कापसाला दर देण्याचा देशातील पहिला प्रयोग हिंगणघाट बाजार समितीच्या माध्यमातून राबविला जाणार आहे. सध्या कापसात ३३ टक्‍के रुई प्रमाण मानत दर ठरविले जातात. परंतु, रुईची टक्‍केवारी काढून दर ठरविल्यास शेतकऱ्यांना क्‍विंटलमागे २०० ते ४०० रुपये वाढीव दर मिळणे शक्य होणार आहे.
 

२०१५-१६ मध्ये कापसातील रुईची टक्‍केवारी विचारात घेऊन दर देण्याचा पहिला प्रयोग वर्धा जिल्ह्यात करण्यात आला होता. त्या वेळी शेतकऱ्यांना ६ हजार रुपये क्‍विंटल असा दर मिळाला. ३७ ते ४२ टक्‍के कापसाचे प्रमाण कापूस वाणात होते. हाच धागा पकडत कॉन्फीडरेशन ऑफ इंडियन टेक्‍सटाईल इंडस्ट्रीजचे प्रशांत मोहता, ओम दालिया, केंद्रीय कापूस औद्योगिक संशोधन संस्थेचे (सीरकॉट) डॉ. सुजीतकुमार  शुक्‍ला, ॲग्रोप्लस फाउंडेशनचे अध्यक्ष गोविंद वैराळे यांनी राज्यात कापूस व्यवहारांसाठी प्रसिद्ध असलेल्या हिंगणघाट बाजार समितीत प्रायोगिक तत्त्वावर हा प्रकल्प राबवावा अशी विनंती या बाजारसमितीकडे केली होती.

त्यानंतर हिंगणघाट बाजार समितीचे संचालक ओम दालिया यांनी हा प्रस्ताव संचालक सभेत मांडला. त्याला संचालक मंडळाने संमतीही दिली. मात्र, याकरिता सिरकॉटने यंत्रांचा पुरवठा करावा, अशी अट घालण्यात आली. सिरकॉटने याला मान्यता दिल्याने हा प्रकल्प मार्गी लागला आहे. डिसेंबरअखेर देशातील अशाप्रकारचा पहिला प्रकल्प कार्यान्वित होण्याची शक्‍यता वर्तविली जात आहे. त्याकरिता शनिवारी (ता.७) हिंगणघाट बाजार समितीत तीन मिनी जिनिंग यंत्रे बसविण्यात येतील. हे यंत्र अवघ्या एक अश्वशक्तीवर चालतात. त्यांची किंमत ६० हजार रुपये आहे. एका मशिनव्दारे तासाला १५ नमुने घेता येणार आहेत. 

रुईचे प्रमाण असे मोजतात

एक किलो कापूस जिनिंग केल्यास त्यातून ३४ किलो रुई आणि ६६ किलो सरकी मिळते. रुईचा दर १२० रुपये किलो तर सरकीचा दर अवघा २० रुपये किलो आहे. त्यामुळे एक टक्‍का जरी रुईचे प्रमाण वाढले तर सरासरी १०० रुपये वाढीव मिळतील.

कापूस दरासाठी याचा होतो विचार धाग्याची लांबी, ताकद, तलमता आणि कापसातील आर्द्रता हे घटकच दर ठरविताना वस्त्रोद्योग मंत्रालयाकडून विचारात घेतले जातात. रुईच्या टक्‍केवारीचा विचारच होत नाही.
 


इतर अॅग्रो विशेष
ऊस गाळप यंदा वाढणार कोल्हापूर: गेल्या वर्षी महापूर व अवर्षणामुळे...
चिकन, अंड्यांची मागणी वाढली, दरात...नगर ः कोरोना व्हायरस संसर्गाच्या पार्श्वभूमीवर...
ऊस तोडणी कामगारांच्या मागण्यांबाबत साखर...पुणे: राज्यातील ऊस तोडणी व वाहतूक कामगारांच्या...
शेतकऱ्यांच्या बांधापर्यंत जाणार लालपरी सोलापूर : एक लाखांहून अधिक कर्मचारी, साडेसतरा...
राज्यात सर्वदूर हलक्या पावासाची शक्यतापुणे ः राज्यातील अनेक भागांत कमी अधिक स्वरूपात...
मध्य महाराष्ट्र, मराठवाड्यात पाऊस पुणे ः उत्तर भारतात परतीच्या पावसासाठी पोषक...
सरकार शेतकऱ्यांच्या पाठीशी : कृषिमंत्री...कन्नड, जि. औरंगाबाद: अतिवृष्टीमुळे झालेल्या पीक...
तीनशे टन हळद बांगलादेशाला निर्यात नांदेड : शेतीमालास अधिकचा दर मिळावा, यासाठी...
मुहूर्ताचा कापूसच कवडीयुक्त अकोला: यंदा दसऱ्याआधीच कापूस वेचणीचा मुहूर्त अनेक...
कृषी उपसंचालकानेच घातली कृषी उपक्रमांना...यवतमाळ: आत्महत्याग्रस्त अशी जागतिक स्तरावर ओळख...
महिला गट बनवितो ३० प्रकारचे मसालेइटकरे (ता.वाळवा,जि.सांगली) येथील उपक्रमशील महिला...
मराठवाड्यात काही ठिकाणी मुसळधारपुणे : राज्यातील बहुतांशी भागातील पावसाचे...
राज्यात हलक्या पावसाची शक्यतापुणे : काही दिवस राज्यात मुसळधार पाऊस...
एक हजार प्राध्यापकांनी वयाची साठी...पुणे: राज्यातील कृषी विद्यापीठांमधील...
सूक्ष्म अन्न उद्योगांना मिळणार आता दहा...पुणे: राज्यात लवकरच पंतप्रधान सूक्ष्म अन्न उद्योग...
कृषी, कामगार विधेयकांची राज्यात...पुणे : केंद्र सरकारने घाईघाईत मंजूर करुन घेतलेली...
शेतकरी आंदोलनाचे सात राज्यांत पडसादचंडीगड ः केंद्र सरकारच्या कृषी विधेयकांना विरोध...
सोयाबीन बियाणे प्लॉटना फटकाऔरंगाबाद: सध्याचे पावसाचे प्रमाण व त्यामुळे...
केळी विमा निकषांबाबत उत्सुकताजळगाव ः राज्य सरकारच्या चुकांमुळे हवामानावर...
अडीच हजार हेक्टर भातशेती सततच्या...सिंधुदुर्ग ः हळवी आणि भिजवणीची लागवड केलेली...