नांदेड जिल्हा मध्यवर्ती बँकेतील आर्थिक व्यवहार सुरु ठेवा : प्रल्हाद इंगोले

नांदेड : नांदेड जिल्हा मध्यवर्ती सहकारी बँकेच्या शाखांमधील आर्थिक व्यवहार बंद आहेत. त्यामुळे शेतक-यांची मोठी गैरसोय होत आहे. शेतक-यांना पिकविमा परतावा, ऊस देयके आदिंच्या रकमा जिल्हा मध्यवर्ती बँकेमार्फत अदा केल्या जातात. राष्ट्रीयीकृत बँकांतील गर्दी टाळण्यासाठी जिल्हा प्रशासनाने नांदेड जिल्हा मध्यवर्ती सहकारी बॅंकेच्या शाखांमधील आर्थिक व्यवहार सुरु करावेत, अशी मागणी शिवसेनेचे शेतकरी नेते तथा ऊसदर नियंत्रण मंडळाचे सदस्य प्रल्हाद इंगोले यांनी केली आहे.
प्रल्हाद इंगोले
प्रल्हाद इंगोले

नांदेड  : नांदेड जिल्हा मध्यवर्ती सहकारी बँकेच्या शाखांमधील आर्थिक व्यवहार बंद आहेत. त्यामुळे शेतक-यांची मोठी गैरसोय होत आहे. शेतक-यांना पिकविमा परतावा, ऊस देयके आदिंच्या रकमा जिल्हा मध्यवर्ती बँकेमार्फत अदा केल्या जातात. राष्ट्रीयीकृत बँकांतील गर्दी टाळण्यासाठी जिल्हा प्रशासनाने नांदेड जिल्हा मध्यवर्ती सहकारी बॅंकेच्या शाखांमधील आर्थिक व्यवहार सुरु करावेत, अशी मागणी शिवसेनेचे शेतकरी नेते तथा ऊसदर नियंत्रण मंडळाचे सदस्य प्रल्हाद इंगोले यांनी केली आहे.  

जिल्ह्याच्या ग्रामीण भागातील नांदेड जिल्हा मध्यवर्ती बँकेच्या अनेक शाखांत पिकविमा परतावा तसेच ऊसाची देयके आदीच्या रकमा शेतक-यांच्या खात्यावर जमा होत आहेत. परंतु कोरोना विषाणूच्या संसर्गाच्या पार्श्वभूमीवर प्रारंभीच्या काळात जिल्हा प्रशासनाने आर्थिक व्यवहार बंद करण्याचे निर्देश सर्व शाखांना दिले होते. परंतु, त्यानंतर अत्यावश्यक सेवेंतर्गत बॅंकांतील सर्व व्यवहार सुरळीत करण्याचे निर्देश देण्यात आले आहेत. मात्र, जिल्हा मध्यवर्ती बँकेच्या शाखांमध्ये अद्याप आर्थिक व्यवहार सुरु झालेले नाहीत. त्यामुळे शेतकऱ्यांना अडचणी येत आहेत.

सध्या लॉकडाऊनमुळे शेतकरी आपापल्या शेतांवर कामे करीत आहेत. हळद, एरंडी, गहू काढणीची कामे सुरु आहेत. मजुरीसह अन्य कामांसाठी शेतक-यांना पैशांची गरज आहे. त्यामुळे जिल्हा प्रशासनाने जिल्हा मध्यवर्ती सहकारी बँकेच्या शाखांतील आर्थिक व्यवहार सुरू करावेत, अशी मागणी श्री. इंगोले यांनी केली आहे.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com