पुणे विभागात ३२९ क्विंटल भाजीपाल्याची थेट विक्री

पुणे ः ‘कोरोना’चा प्रादुर्भाव रोखण्यासाठी केंद्र व राज्य सरकारकडून विविध उपाययोजना आखल्या जात आहे. यामध्ये पुणे, नगर आणि सोलापूर या शहर तसेच जिल्ह्यातील नागरिकांना दररोज ताजा भाजीपाला पुरविण्यासाठी शेतकरी गटांनी पुढाकार घेतला आहे. आतापर्यंत या गटांनी या शहरांतील विविध सोसायट्यांमध्ये सुमारे ३२९ क्विंटल भाजीपाल्याची थेट विक्री केली आहे.
लक्ष्मी शेतकरी गटाने हडपसर येथील शिंदे वस्तीतील औद्योगिक वसाहतीत भाजीपाला विक्री सुरू केली आहे.
लक्ष्मी शेतकरी गटाने हडपसर येथील शिंदे वस्तीतील औद्योगिक वसाहतीत भाजीपाला विक्री सुरू केली आहे.

पुणे  ः ‘कोरोना’चा प्रादुर्भाव रोखण्यासाठी केंद्र व राज्य सरकारकडून विविध उपाययोजना आखल्या जात आहे. यामध्ये पुणे, नगर आणि सोलापूर या शहर तसेच जिल्ह्यातील नागरिकांना दररोज ताजा भाजीपाला पुरविण्यासाठी शेतकरी गटांनी पुढाकार घेतला आहे. आतापर्यंत या गटांनी या शहरांतील विविध सोसायट्यांमध्ये सुमारे ३२९ क्विंटल भाजीपाल्याची थेट विक्री केली आहे.

पंतप्रधान नरेंद्र मोदी यांनी २१ दिवसांचा लॉकडाऊन जाहिर केला आहे. त्यामुळे किराणा माल व भाजीपाला खरेदीसाठी नागरिकांनी मोठ्या प्रमाणात गर्दी केली. यामुळे ‘कोरोना’चा प्रादुर्भाव आणखी वाढण्याची शक्यता आहे. तसेच काही ठिकाणी विक्रेते चढ्या दराने भाजीपाला विक्री करीत असल्याच्या तक्रारी होत्या. त्यामुळे नागरिकांना त्यांच्या सोसायटीमध्येच रास्त दरात ताजा भाजीपाला उपलब्ध करून देण्याचा पर्याय समोर आला आहे. या अंतर्गत कृषी विभाग व आत्मा विभागाशी चर्चा केल्यानंतर शेतकरी गट व शेतकरी कंपन्यांशी संपर्क साधण्याच्या सूचना देण्यात आल्या.

त्यानुसार शेतकरी, गट, कंपन्यांकडे उपलब्ध असलेल्या फळभाज्या, भाजीपाला व फळांची यादी तयार करण्याचे काम तयार सुरू केले गेले. शेतकरी गट, कंपन्यांकडून पुरवठा होऊ शकणारा भाजीपाला, फळभाज्या आणि फळांचा दर यांची माहिती असणारा फॉर्म भरून घेण्यात आला. या माध्यमातून शेतकऱ्यांना शेतमाल विक्रीची व्यवस्था निर्माण करून देण्यावर भर दिला गेला. त्यामुळे ग्रामीण भागातील बहुतांशी शेतकरी व गटांनी भाजीपाला थेट विक्री करण्यास सुरूवात केली आहे.

सध्या पुणे विभागातील नगर, पुणे, सोलापूर या जिल्ह्यातील सुमारे १०४ शेतकरी गटांनी थेट भाजीपाला विक्रीसाठी पुढाकार घेतला आहे. त्यांना विक्रीसाठी शहरांमधील सुमारे १७४ ठिकाणे उपलब्ध करून देण्यात आली आहेत.  

पुणे विभागातील भाजीपाला विक्री करत असलेल्या शेतकरी गटांची संख्या, शेतीमाल
जिल्हा शेतकरी गट उपलब्ध ठिकाणे विकलेला शेतीमाल (क्विं)
पुणे ५१ १०५ १७६
नगर ३५ ३८ ९०
सोलापूर १८ ३१ ६३

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com