मुंबई बाजार समिती निवडणुकीकरिता अर्ज भरण्यासाठी आजपर्यंत मुदत

पुणे  ः देशातील सर्वांत मोठ्या समजल्या जाणाऱ्या मुंबई कृषी उत्पन्न बाजार समितीचा निवडणूक कार्यक्रम जाहीर झाल्यानंतर, विविध गटांतील उमेदवारांनी अर्ज भरण्याची प्रक्रिया सुरू केली आहे. अर्ज भरण्याची अंतिम मुदत बुधवारपर्यंत (ता.२९) असून, अर्जांची छाननी गुरुवारी (ता.३०); तर अंतिम उमेदवारी यादी शुक्रवारी (ता.३१) प्रसिद्ध होणार आहे. मतदान २९ फेब्रुवारीला होणार असून, मतमोजणी २ मार्चला होईल. 

मुंबई कृषी उत्पन्न बाजार समितीमधील कोट्यवधी रुपयांचे गैरव्यवहार लेखापरीक्षणात उघड झाल्यानंतर तत्कालीन पणन संचालक डॉ. सुभाष माने यांनी २६ जून २०१४ रोजी संचालक मंडळ बरखास्त करून, संचालकांवर गुन्हे दाखल करण्याचे आदेश दिले होते. यानंतर या बाजार समितीवर प्रशासकांची नियुक्ती करण्यात आली. ६ वर्षांनतर बाजार समितीची निवडणूक जाहीर झाली असून, मतदानातून १८ संचालकांची निवड होणार आहे. बाजार समितीवर शासननियुक्त ५ आणि मुंबई, नवी मुंबई महापालिकांचे दोन प्रतिनिधी आणि पणन संचालक असे एकूण २६ जणांचे संचालक मंडळ असणार आहे. 

असे आहेत मतदारसंघ